Bændablaðið - 07.05.2020, Qupperneq 12

Bændablaðið | Fimmtudagur 7. maí 202012
FRÉTTIR
8 M
ÍNÚ
TUR
3 MÍNÚTUR
7 MÍ
NÚT
UR
3 MÍNÚTUR
15
M
ÍN
ÚT
UR
2
M
ÍN
ÚT
UR
3
M
ÍN
ÚT
UR
M
IÐBÆ
RINN
VERSLANIR
BÍÓHÚS
LYSTIGARÐURINN
KAFFIHÚS
HL
ÍÐ
AR
FJ
AL
L
VE
IT
IN
GA
RS
TA
ÐU
R
HE
IM
AV
IST
MA
OG VMA Á AKUREYRI
SUND
RÆKTIN
ÍÞRÓTTAHÚS
NÁNARI UPPLÝSINGAR OG UMSÓKNIR
HEIMAVIST.IS
FRAMHALDSSKÓLANEMENDUR
ALLS STAÐAR AÐ AF LANDINU
Heimavist MA og VMA
Frá handverkshátíð á Hrafnagili í Eyjafirði. Mynd / HKr.
Hrafnagil í Eyjafirði:
Handverkshátíðinni
frestað um eitt ár
Handverkshátíðin í Eyjafjarðar­
sveit hefur verið haldin á hverju
ári síðastliðin 28 ár. Hátíðina
sækja árlega 10–15 þúsund gestir
og eru sýnendur yfir 100 talsins.
Í ljósi aðstæðna í samfélaginu
hefur stjórn Handverkshátíðarinnar
í samvinnu við aðildarfélög ákveðið
að fresta hátíðinni fram til ársins
2021. Ákvörðunin var tekin að
vel ígrunduðu máli í samráði við
helstu samstarfsaðila að því er fram
kemur í tilkynningu. Enn fremur
að ákvörðunin hafi verið erfið en
nauðsynleg í ljósi aðstæðna vegna
COVID-19 faraldursins og útgef-
inna leiðbeininga um samkomur.
„Á hverju ári koma margir að
uppsetningu Handverkshátíðarinnar
og lítur stjórn svo á að það sé
hennar ábyrgð og skylda að hlýða
settum reglum og vernda starfs-
menn sína, gesti og þátttakend-
ur og koma í veg fyrir enn frek-
ari smit í samfélaginu með því
að fresta Handverkshátíðinni til
næsta árs,“ segir í tilkynningu
vegna frestunar Handverkshátíðar.
Handverkshátíðin er ein helsta fjár-
öflun ýmissa félaga í Eyjafjarðar-
sveit og hafa félagsmenn lagt á
sig mikla og óeigingjarna sjálf-
boðavinnu í þágu samfélagsins í
gegnum árin til að halda frábæra
Handverkshátíð.
Þeir sem sóttu um og höfðu fengið
pláss á hátíðinni sem vera átti í sumar
eru hvattir til að senda inn umsókn
fyrir hátíðina sem haldin verður dag-
ana 5.–8. ágúst 2021. /MÞÞ
Prjónagleði frestað
– en efnt til prjónasamkeppni um höfuðfat
Ákveðið hefur verið að fresta
Prjónagleðinni sem fram fer
á vegum Textílsetursins á
Blöndu ósi um eitt ár og verð­
ur hún haldin dagana 11.–13.
júní 2021. Ástæða frestunar er
ástandið vegna COVID­19 far­
aldursins.
Til að viðhalda sköpunar- og
prjónagleðinni á meðan efnir
Textílsetrið til prjónasamkeppni
þar sem verkefnið er höfuðfat
og þemað er Blanda – Jökulsá í
Austur-Húnavatnssýslu.
Samkeppnin fer þannig fram
að þátttakendur senda myndir og
upplýsingar um höfuðfatið og
verða þær birtar á Facebook-síðu
Prjónagleðinnar. Gestir síðunnar
kjósa sitt uppáhaldshöfuðfat í fram-
haldinu og þeir vinna sem fá flest
stig. Verðlaun verða veittir fyrir þrjú
efstu sætin og horft til frumlegustu
og bestu útfærslunnar. /MÞÞ
Sameiningarmál í Austur-Húnavatnssýslu:
Ákvörðun um sameiningarviðræður
hefur verið frestað fram á haust
Ákvörðun um formlegar samein­
ingarviðræður fjögurra sveitar­
félaga í Austur­Húnavatnssýslu
verður tekin í september.
Upphaflega var gert ráð fyrir að
sveitarstjórnirnar tækju ákvörðun
um slíkt í lok aprílmánaðar eða í
byrjun maí. Vegna heimsfaraldurs
COVID-19 hefur verið ákveðið að
gera breytingar á tímalínu verkefn-
isins.
Nú er gert ráð fyrir að ráðgjafar
kynni niðurstöður greininga og
tillögur á fundi sameiningarnefndar
í lok maí eða byrjun júní.
Tímasetning þess fundar mun
ráðast af þróun samkomubanns.
Sameiningarnefndin mun svo móta
áherslumál og verkefni í sumar
og eiga samráð við þingmenn og
ríkisstjórn. Um miðjan ágúst er
svo gert ráð fyrir að nefndin fjalli
um tillögu um hvort hefja skuli
formlegar sameiningarviðræður
og í september er áætlað að
sveitarstjórnir afgreiði tillöguna.
Þetta kemur fram á vefnum huni.is.
Akrahreppur ekki með
Akrahreppur í Skagafirði hafnaði
boði frá sameiningarnefnd Austur-
Húnavatnssýslu, en hún hafði sent
erindi til hreppsins og óskað eftir
því að sveitarstjórn Akrahrepps taki
afstöðu til þess hvort hún hafi áhuga
á þátttöku í sameiningarviðræðum
með sveitarfélögum í sýslunni.
Þakkaði Akrahreppur boðið og
óskaði Austur-Húnvetningum góðs
gengis í þeim sameiningarviðræðum
sem fram undan eru. /MÞÞ
Góð áburðarsala:
Einhverjar tafir á afgreiðslunni
ytra hjá sumum áburðarsölum
Þegar land lifnar við að vori huga
bændur að sinni áburðardreifingu
– og hafa margir þeirra valið og
keypt sinn áburð fyrir allnokkru
síðan. Að einhverju leyti virðast
áburðarsalar hafa keypt inn sínar
áburðartegundir áður en íslenska
krónan veiktist verulega en óhjá­
kvæmilega hefur einhver hækkun
orðið vegna stöðugrar veikingar
hennar frá áramótum. Einhverjar
tafir eru á afgreiðslu ytra.
Svo virðist sem sala á áburði
hafi verið mjög góð í vor, en ein-
hver brögð eru að töfum á afgreiðslu
áburðar frá birgjum ytra vegna áhrifa
af COVID-19 faraldrinum.
Sigurður Sigurðsson hjá Fóður-
blöndunni segir að salan hjá þeim
hafi gengið mjög vel. „Við birtum
okkar verðskrá í janúar og þegar
krónan fór að gefa eftir var búið að
selja megnið af áburðinum,“ segir
hann.
Vandræði með mönnun
í áburðarverksmiðju
Jóhannes Baldvin Jónsson hjá
Líflandi segir að fyrirtækið hafi
staðið frammi fyrir seinkun á komu
áburðar vegna vandræða með
mönnun í áburðarverksmiðju ytra.
„Sú seinkun mun þó ekki koma
að teljandi sök, viðskiptavinum er
haldið upplýstum og áburðurinn mun
skila sér til viðskiptavina á næstu
vikum. Talsverðar hækkanir hafa
orðið á áburðinum vegna veikingar
á gengi krónunnar,“ segir hann.
„Salan hjá Skeljungi hefur verið
góð þetta árið, stefnir í 10.500 tonn,“
segir Lúðvík Bergmann. „Sem betur
fer vorum við búin að greiða stærsta
hluta þess áburðar sem við flytjum
inn. Hvað COVID-19 varðar þá varð
aðeins töf á afgreiðslu skipa erlend-
is en það hefur alveg sloppið til að
mestu.“
Sala umtalsvert meiri í ár
„Sala á Yara áburði hefur gengið
vel um allt land. Búið er að selja
umtalsvert meira af Yara áburði í
ár en í fyrra,“ segir Elías Hartmann
Hreinsson hjá Sláturfélagi Suður-
lands (SS).
„Útkeyrsla á áburði er hafin fyrir
nokkru og gengur vel. SS býr að góðri
aðstöðu fyrir áburð í Þorlákshöfn en
þar hefur félagið um 3.500 fermetra
vöruhús sem rúma allt að 9.000 tonn
af áburði. Innflutningur á áburði til
Þorlákshafnar var því hafinn mjög
snemma árs sem mildar meðal annars
áhrif gengisbreytinga sem hafa verið
miklar að undanförnu. SS leggur
áherslu á að eiga ávallt til birgðir af
áburði um allt land til að þjónusta
vel kaupendur á Yara áburði,“ segir
Elías.
Einar Guðmundsson hjá Búvís
segir stöðuna hjá þeim svipaða og
í fyrra. „Vorið er að koma á fullu
þessa dagana, virðist já vera örlítið
seinna á ferðinni fyrir norðan en
sunnan heiða.
Við vorum ekki búnir að kaupa
allan áburð áður en krónan féll og
ekki búnir að greiða alla erlenda
kostnaðarliði,“ segir Einar. /smh
BÍ mæla með að bændur takmarki gestakomur á bú sín:
Sveitaheimsóknir á tímum veirufaraldurs
Um árabil hafa bændur boðið
upp á sveitaheimsóknir á vorin.
Þúsundir leikskólabarna og
grunnskólanemenda hafa farið
í vorferðir með foreldrum og
kennurum og heimsótt bæi undir
merkjum Opins landbúnaðar. Þá
hafa ferðaskrifstofur skipulagt
heimsóknir á bú fyrir erlenda
ferðamenn og Íslendingar hafa
verið duglegir að nýta sér ýmsa
þjónustu og afþreyingu sem er í
boði hjá bændum.
Vegna COVID-19 faraldursins eru
breyttar forsendur fyrir heimsóknum
í sveitina. Þann 13. mars sl. gáfu
Bændasamtök Íslands út tilmæli til
bænda þar sem þau mæltu með því
að heimsóknir á bú og samgangur á
milli fólks væri í algjöru lágmarki.
Þessar ráðstafanir voru gerðar til
að sporna við veirusmiti á milli
manna og tryggja hnökralausa
búvöruframleiðslu.
Nú þegar faraldurinn er í rénun
hafa borist fyrirspurnir til BÍ hvort
sveitaheimsóknir barna verði á dag-
skrá í vor. Samtökin mæla með því
að bændur, sem stunda búvörufram-
leiðslu, viðhafi áfram smitgát og
takmarki gestakomur á bú sín eins
og kostur er.
Aðstæður eru misjafnar og
á einhverjum búum er hægt að
taka á móti gestum, t.d. þar sem
búvöruframleiðsla er í lágmarki
eða skipulag með þeim hætti að
heimilisfólk treystir sér til að taka
á móti hópum. Í þeim tilvikum eru
bændur hvattir til að fara að þeim
reglum sem gilda um heimsóknir
hópa eftir breytingar á samkomubanni
4. maí sl. Engar takmarkanir
eru á samveru skólabarna en á
mannamótum þarf að tryggja að nánd
á milli fullorðinna (eldri en 16 ára) sé
yfir tveir metrar. Fólk er áfram hvatt
til þess að stunda handþvott, nota
spritthreinsi eftir atvikum og viðhafa
almennar smitvarnir. /TB
Mikill fjöldi barna hefur í gegnum tíðina heimsótt bændur á vorin. Vegna
kórónuveirufaraldursins eru breyttar forsendur fyrir heimsóknum. Mynd /bbl