Bændablaðið - 07.05.2020, Blaðsíða 54

Bændablaðið | Fimmtudagur 7. maí 202054
Í rúm 10 ár hef ég verið að skrifa
hér um nýja bíla og prófað
gagngert til þess að fjalla um. Á
dögunum fékk ég nýjan vinnubíl.
Bíllinn er sama tegund og sá
sem ég hef unnið á síðastliðin
fjögur ár. Fyrir vikið fannst mér
upplagt að reyna að bera saman
bílana tvo.
Vinsæll sendibíll hjá mörgum
Renault Trafic hefur verið einn af
mest seldu sendibílum landsins
síðastliðin 10 ár, þeir eru eins og
aðrir bílar, þurfa ást og umhyggju
og reglulegt viðhald.
Eldri bílarnir eru ekki gallalaus-
ir, þeir eru frekir á bremsuklossa
og þola illa að ganga mikið í
hægagangi vegna sótmyndunar í
útblásturskerfinu. Fyrir vikið er
maður oft að „pirrast“ á gulum og
rauðum ljósum í
mælaborðinu.
Nýi bíllinn
ætti að vera að
mestu laus við
þennan kvilla
þar sem að hann
er með Adblue
kerfi sem brenn-
ir sótinu úr
útblásturskerfinu.
Nýi bíllinn
Ég fékk ýmsu
ráðið þegar
nýi bíllinn var
pantaður (er
bæði ákveðinn
og mátulega
frek ur). Ýmis
auka búnaður var
pant aður í bílinn
til þess að auka
þæg indi, öryggi og vellíðan við
akstur og vinnu.
Vélin er dísilvél, 145 hestöfl (30
meira en gamli). Uppgefin eyðsla
er 5,9 lítrar á hundraðið, en við
sem á bílnum vinnum höfum séð
meðaleyðslu niður í 7,7 lítra á
hundraðið.
Hann er sjálfskiptur með hraða-
stilli (cruse control) og hita í bíl-
stjórasæti.
Í bílnum mega vera þrír eins og
í þeim gamla, en bakið í miðju-
sætinu er hægt að leggja niður og
við það er komið þetta fína vinnu-
borð til að skrifa vinnuseðla.
Af fenginni reynslu af gamla
bílnum var ýmislegt aukalega sett
í nýja, eins og dráttarkrókur, betri
lýsing inni í vinnu- og farangurs-
rými. Meira áberandi viðvörunar
blikkljósabúnaður, auka olíumið-
stöð og auka loftræstingarbúnaður.
Hann kostar sitt, en eykur öryggi
og vellíðan þess sem á bílnum
vinnur í allt að 16 tíma törn þegar
mest á mæðir.
Sex ára munur á
þægindum er mikill
Að keyra nýja bílinn er hreinn
draumur í samanburði við þann
gamla. Mest munar um þessi auka
30 hestöfl. Sjálfskiptingin hjálpar
mikið gömlum manni með lélegt
hné.
Hraðastillinn setur maður á
bæði innanbæjar og utan strax og
umferðarhraða er náð í staðinn fyrir
ójafnan hraða og sífelldan sársauka
fyrir gamalt hné í gamla bílnum.
Mest munar þó um aðgengið að
rafgeyminum þegar þarf að gefa
rafmagnslausum bíl start.
Rafgeymirinn í nýja er í „húdd-
inu“ eins og í flestum bílum, en í
þeim gamla er hann undir fótum
ökumannsins. Rífa þarf mottu úr,
skrúfa lokið laust í hvert sinn þegar
gefa þarf rafmagn. Þetta er óskap-
lega vitlaus hönnun á vinnubíl.
Það eru mínusar, en fáir
Mestan mun finn ég á bílstjóra-
sætinu, en það er með þægileg-
asta sæti sem ég hef setið í. Gamla
sætið var nánast orðið ónýtt.
„Cruse controlið“ nota ég
óspart. Ljósin sem lýsa á veginn
eru margfalt betri og umhverfishá-
vaðinn inni í bílnum er afgerandi
minni, en það eru mínusar.
Leiðsögukerfið er flókið og
sem dæmi er erfitt að setja inn í
það ákvörðunarstað langt í burtu.
Gamli Garmin búnaðurinn var
betri.
Felgustærðin hefur stækkað úr
16 í 17 tommur sem þýðir minna
gúmmí og verri fjöðrun á okkar
ónýta vegakerfi. Það sem mér þótti
sárast var að ekki var hægt að fá
bílinn með hita í stýrinu, en það
er eitthvað sem gott væri að hafa
fyrir kalda puttavinnu á íslenskum
vetrardögum.
Verð og helstu mál
Grunnverð á Renault Trafic er
4.850.000, en með öllum þeim
aukabúnaði sem er í vinnubílnum
er verðið töluvert hærra. Gæti trúað
að það væri nálægt 6.000.000 fyrir
utan tækin sem flutt voru á milli
bíla, mér kemur aukakostnaðurinn
ekki við, er alveg sama, mér líður
vel að vinna á þessum bíl.
VÉLABÁSINN
Hjörtur L. Jónsson
liklegur@internet.is
Lengd 5.399 mm
Hæð 2.465 mm
Breidd 1.956 mm
Helstu mál og upplýsingar
Renault Trafic –
Renault Trafic, frekar ósáttur við þessa merkingu, en þrátt fyrir það þá er bíllinn góður.
Nýi og sá gamli, nú þarf maður ekki að skafa lengur því olíumiðstöðina er hægt að tímastilla og
þá verður enginn svona snjór.
Með miðjubakið niðursett fæst þetta fína vinnuborð.
Uppáhaldið hjá mér í flestum bílum er hraðastillirinn, ná umferðarhraða og
láta tæknina keyra.
Áður en við fylltum farangursrýmið af tækjum var smellt af mynd til að sýna
flotta vinnulýsinguna.
Undir farþegasætinu er gott hólf til að geyma rafmagnsverkfæri.