Víkurfréttir - 30.04.2020, Qupperneq 24

B A R Á T T U K V E Ð J U R
TIL VERKAFÓLKS 1. MAÍ 2020
Sendum Suðurnesjamönnum og fólkinu okkar
í framlínunni okkar bestu kveðjur!
REYKJANESBÆR
vinalegur bær
Í tilefni sumarkomu og til að létta lundina á fordæma-
lausum tímum er bæjarbúum boðið í bílabíó föstu-
daginn 1. maí. Þrjár sýningar verða á malarplaninu
á milli Ægisgötu og Hafnargötu 15–19. Sýningarnar
verða á hágæða 16 m² LED-skjá í samstarfi við Sonik
og verður hljóðinu streymt í útvarpið í bílnum.
Klukkan 14 verður sýnd uppfærsla Leikfélags Keflavíkur
á Benedikt búálfi, klukkan 16 verður sýnd fjölskyldu-
myndin „Víti í Vestmannaeyjum“ og klukkan 20 verður
hin tímalausa klassík „Með allt á hreinu“ sýnd.
Bæjarbúar eru hvattir til að taka rúntinn og upplifa bíó-
stemmningu eins og þá sem við höfum aðeins séð í bíó-
myndum. Nú er um að gera að poppa eða versla veitingar
til að hafa með sér í bílinn og eiga saman skemmtilega
stund með fjölskyldunni.
Fólk er hvatt til að mæta tímanlega þar sem raða þarf
bílum upp undir stjórn Björgunarsveitarinnar Suðurness.
Sérstök athygli er vakin á að stærri bílar þurfa að vera
aftastir á stæðinu til að skyggja ekki á útsýni og er fólk
beðið að virða fyrirmæli gæsluaðila.
Leikfélagið var í miðju sýningarferli
á fjölskyldusöngleiknum Benedikt
búálfur þegar samkomubannið
skall á og hætta þurfti sýningum.
Barna- og fjölskyldusýningar hafa
alltaf slegið í gegn hjá leikfélaginu og
því var þetta ákveðinn skellur fyrir
rekstur félagsins.
Félagsmönnum langar að halda
áfram að gleðja bæjarbúa, stóra
sem smáa og ætla því að streyma
Benedikt búálf á Facebook. Bene-
dikt búálfur var, eins og áður sagði,
vorsýning 2020 í leikstjórn Ingridar
Jónsdóttur. Höfundur verksins er
Ólafur Gunnar Guðlaugsson og tón-
listina samdi Þorvaldur Bjarni.
Þetta samkomubann kom auðvitað
illa niður á félaginu sem eðli mála
samkvæmt lifir nánast á miðasölu
og ljóst að eitthvert verður tapið.
Því hefur verið tekin sú ákvörðun í
samstarfi við VF að sýna þessa sýn-
ingu og opna um leið fyrir innlegg á
styrktarreikning þar sem bæjarbúar
geta lagt inn valfrjálsa upphæð um
leið og þeir njóta áfram leiksýninga
frá okkar frábæra leikfélagi. Þetta er
auðvitað gert til þess að koma megi
til móts við það fjárhagslega tjón sem
félagið hefur orðið fyrir og til þess
að hægt sé að halda áfram frábæru
starfi að ástandi loknu. Reiknings-
númer: 0121-26-000609, kennitala:
420269-7149.
Leikfélag Keflavíkur vonar að þið
njótið sýningarinnar og hlakkar til
að taka upp þráðinn að nýju, von-
andi í haust. Með fyrirfram þökk
fyrir stuðninginn.
LEIKFÉLAG KEFLAVÍKUR HELDUR
ÁFRAM AÐ GLEÐJA BÆJARBÚA
Undanfarnar vikur hafa Leikfélag Keflavíkur og Víkurfréttir staðið saman að netleikhúsi á Facebook-síðu
Víkurfrétta og sýnt nokkrar leiksýningar sem leikfélagið hefur sett upp í gegnum árin. Hefur þetta verið
gert til þess að stytta fólki stundir á skrítnum tímum.
Reykjanesbær býður í bílabíó
24 // VíKurFrÉttir á SuÐurNESJum í 40 ár
Fimmtudagur 30. apríl 2020 // 18. tbl. // 41. árg.