Víkurfréttir - 30.04.2020, Blaðsíða 78

Andri Þór Unnarsson lærir stafræna hönnun í
Tækniskólanum ásamt því að starfa sem verktaki
samhliða námi. Hann segist vera heppinn að flest
sem hann gerir í tengslum við nám og vinnu fer
oftast fram í tölvu og því hefur faraldurinn ekki
haft of mikil áhrif á hann.
– Hvernig ert þú að upplifa
ástandið í kringum COVID-19?
Frekar furðulegt ástand sem við
erum að upplifa, að sama leyti verður
maður að passa að halda jákvæðu
hugarfari og halda sér í rútínu.
– Hefurðu áhyggjur?
Hef mestar áhyggjur af henni ömmu
minni sem er að verða 87 ára í sumar
og sömuleiðis fólki sem er í áhættu-
hópi.
– Hefur þú gert miklar breyt-
ingar í daglegu lífi?
Í rauninni er ég að gera svipaða hluti
og væri að gera ef faraldurinn væri
ekki. Er að halda áfram að gera verk-
efni í skólanum og verktakaverkefni.
Er svo heppinn með það að flest sem
ég geri í tenglsum við nám og vinnu
fer oftast fram í tölvunni. Dagarnir
eru ekki flóknir en góðir. Vakna
og segi góðan daginn á „Microsoft
Teams“ við kennara og bekkjafélaga.
Vinn verkefni dagsins í skólanum.
Tek göngutúr, stundum heimaæfingu
og enda síðan á því að horfa á Netflix
eða spila Call of Duty Warzone.
– Hefur þú þurft að gera miklar
breytingar varðandi þína vinnu
eða nám?
Ég er í Tækniskólanum að læra staf-
ræna hönnun, því hefur verið breytt
í fjarnám og verður þannig út önn-
ina. Um leið og samkomubannið
hófst var ekki gert ráð fyrir því að
við myndum hittast aftur. Kennar-
arnir þurftu eina viku í að ná áttum
og skipuleggja prógram fyrir fram-
haldið. Það gengur þokkalega en við
erum í hópaverkefni núna sem er
síðasta verkefni annarinnar. Það er
krefjandi að vinna verkefni í þessum
geira í fjarnámi.
Ég starfa sem verktaki með skól-
anum og það hefur gengið mjög vel
þrátt fyrir ástandið. Síðustu mánuði
hef ég verið að vinna að Netþjálfun
World Class. Hef geta sinnt því alveg
100%. Tökudagarnir eru þannig að
það eru fáir á staðnum og höfum við
alltaf passað tveggja metra regluna.
Eftirvinnslan er síðan bara unnin
heima og því hefur það ekkert breyst.
Hinsvegar átti ég að starfa í háloft-
unum hjá Icelandair í sumar sem
flugþjónn. Því miður verður ekki af
því þetta sumarið út af faraldrinum.
Starfaði við það síðasta sumar og það
var frábær reynsla.
– Hefur þú hitt vini eða ættingja
í gegnum fjarfundarbúnað?
Notast aðallega við FaceTime til
þess að heyra í vinum og einnig fjöl-
skyldumeðlimum.
– Hvenær fórstu að taka
COVID-19 alvarlega?
Um leið og samkomubannið tók
gildi.
– Hvað varð til þess?
Að sjá hversu hratt veiran hefur
breiðst út, hversu auðvelt er að smit-
ast af henni og hversu hættuleg hún
er fyrir fólk í áhættuhópi.
– Hvernig ert þú að fara varlega?
Er mjög mikið heima þessa dagana
og hef einnig sett pásu á að hitta
vinina. Er í rauninni búinn að vera
í kringum sama fólkið síðan sam-
komu bannið tók gildi fyrir utan
tökudagana sem ég þarf að skjótast í.
Er ekki að fara að fara út á almanna-
færi að óþörfu og þvæ mér vel um
hendurnar.
– Hvernig finnst þér stjórnvöld
standa sig í sóttvörnum?
Frábærlega, alveg til fyrirmyndar.
– Finnst þér fólk vera taka til-
mælum yfirvalda nógu alvar-
lega?
Það er mjög misjafnt þar sem maður
sér fólk oft setja á samfélagsmiðla
vinahittinga, matarboð, bústaða-
ferðir og fleira.
– Hvað finnst þér mikilvægast á
þessum tímum?
Halda ró og fylgjast vel með til-
mælum frá sóttvarnalækni. Ekki
gleyma að vera svolítið hugmynda-
rík og finna sér eitthvað skemmti-
legt að gera með fjölskyldunni. Passa
að halda heilsunni í toppmálum og
reyna að gera það besta úr þessu og
hægt er.
– Finnst þér að sveitarfélagið
þitt gæti gert meira? Hvernig
finnst þér sveitarfélagið standa
sig í þessum málum?
Því miður þekki ég það ekki nógu vel
til þess að tjá mig um það.
– Er samkomubannið að hafa
áhrif á þig?
Auðvitað, það hefur áhrif á okkur
öll. Það er bara spurning hversu
mikil áhrif þetta er að hafa á fólk.
Ég hef verið duglegur í að finna mér
verkefni og skella mér í göngutúra
til að fá frískt loft. Ég tel það vera
mjög mikilvægt á þessum tímum þar
sem maður hangir mikið inni þessa
dagana.
– Hvernig hagar þú innkaupum
í dag?
Skreppi einstaka sinnum í búð til
þess að grípa nauðsynjavörur.
– Hvað gerir þú ráð fyrir að
ástandið muni vara lengi?
Erfitt að segja eins og staðan er núna.
Vonandi fer þetta að lagast. Ef ég ætti
að tippa á það myndi ég setja á ágúst.
– Þegar faraldurinn er yfirstað-
inn, gerir þú ráð fyrir að ferðast
innanlands eða utan?
Ef allt er í toppmálum þá myndi ég
telja það líklegt að ég myndi ferðast
bæði innan- og utanlands þar sem
við misstum af utanlandsferð um
páskana.
– Er einhver sérstakur viðburður
eða dagur sem þú hræðist að
verði aflýst?
Það myndi valda mörgum von-
brigðum ef Þjóðhátíð og fleiri stórar
útihátíðir myndu falla niður. Maður
verður bara að vona það besta.

Reynum að
vera svolítið
Andri Þór Unnarsson er nemandi í
Tækniskólanum og segir mikilvægt að fólk
finni sér eitthvað skemmtilegt að gera með
fjölskyldunni.
hugmyndarík
Netspj@ll
78 // VíKurFrÉttir á SuÐurNESJum í 40 ár
Fimmtudagur 30. apríl 2020 // 18. tbl. // 41. árg.