Víkurfréttir - 30.04.2020, Blaðsíða 67

– Áttu þér uppáhaldsstað á
Íslandi og hver er ástæðan?
Það jafnast ekkert á við Þor-
björninn okkar góða, einhver óút-
skýranlegur kraftur sem þar býr.
– Hvað stefnirðu á að gera í
sumar?
Ég ætla að hefja sumarið á sóttkví
á Íslandi og svo bara taka því sem
Víðir segir með stóískri ró. Síðan
er bara að njóta þess að vera heima
með fólkinu mínu og ferðast
innanlands eftir því sem á líður á
sumarið.
– Hver voru plönin áður en
veiran setti strik í reikninginn?
Planið var alltaf að koma heim til
Íslands með krakkana yfir sumar-
tímann, fara á Sjóarann síkáta,
Norðurálsmótið og allt það. Njóta
íslenska sumarsins.
– Hvernig hefur COVID-19
verið að hafa áhrif þar sem þú
býrð?
Hérna eru skólar og leikskólar
lokaðir. Við þurftum því að
aðlaga okkur að því
sem kaninn kallar
„Distance Learning“
og kenna krökkunum á
Zoom og Google Classroom. Þetta
hefur verið áhugavert og mikill
skóli að reyna að halda heimilinu
gangandi en einnig að bera ábyrgð
á menntun barnanna. Maðurinn
minn, sem alla jafna ferðast mikið
vegna vinnu, hefur verið heima frá
því í byrjun mars, eins og flestallir
sem geta.
– Hvernig hefur tilveran verið
hjá þér undanfarnar vikur, hefur
margt breyst?
Eftir að faraldurinn skall á og skól-
unum lokað stofnuðum við krakk-
arnir Grindavík Beach Pre- and
Elementary School. Við settum
saman stundaskrá sem stenst
engan veginn og er slagorð skólans
„þetta reddast“ og hafa sannari orð
sjaldan verið sögð. Við reynum
eftir fremsta megni að skila okkar
en mikilvægast er að líða vel og
hafa gaman. Við tökum þetta
einn dag í einu og erum ekkert að
stressa okkur of mikið á hlutunum.
Það er ákveðin huggun í því að
það eru svo margir í svipuðum
aðstæðum og allir eru að gera sitt
besta.
– Hvaða lærdóm
getum við dregið af heims-
faraldrinum?
Ég held að við höfum lært að taka
lífinu ekki sem sjálfsögðum hlut,
að bera virðingu fyrir náunganum
og læra að lifa með hvort öðru í
sátt og samlyndi. Mér hefur fundist
ótrúlega merkilegt að fylgjast með
faraldrinum og umfjölluninni á
Íslandi og í Bandaríkjunum. Mikið
getum við Íslendingar verið stolt af
okkar fólki.
– Hvaða aðferðir ertu að nýta til
að eiga í samskiptum við fólk?
Við erum mikið að nota TaceTime
og Messenger en krakkarnir eru
á Zoom-fundum með skólunum
sínum.
– Ef þú fengir bara að hringja
eitt símtal í dag, hver fengi það
símtal og hvers vegna?
Það væri sennilega til mömmu, því
allir þurfa að heyra í mömmu sinni
daglega – og það hópast einhvern
veginn allir heima hjá mömmu
daglega og því myndi ég ná að
heyra í mörgum með þessu eina
símtali.
VíKurFrÉttir á SuÐurNESJum í 40 ár // 67