Víkurfréttir - 30.04.2020, Side 77

– Hvernig hefur COVID-19 verið
að hafa áhrif þar sem þú býrð?
„Vestur-Ástralía hefur verið heppin
og við höfum ekki haft mikið um
veikindi. Ekki eins og við vorum
undirbúinn fyrir, nema ferðaskipin
sem hafa flutt hingað með sér
veikt fólk en þau voru einangruð
strax í byrjun og eða farþegarnir
fluttir heim með flugi. Skólum og
veitingastöðum hefur verið lokað
nema fyrir kennslu á netinu og
heimsendingu á mat. Fólk er að
mestu heima nema til að labba,
hlaupa og hjóla. Við sjáum meira
af fjölskyldum hreyfa sig úti núna.
Strendurnar eru langar og allir
hafa virt 1,5 metra fjarlægð svo það
hefur ekki verið nein ástæða til að
loka þeim hér. Ég tel okkur mjög
heppin hér og ég er bara þakklát
fyrir hvern dag.“
– Hvernig hefur tilveran verið
hjá þér undanfarnar vikur, hefur
margt breyst?
„Fyrir utan vinnuna og að hitta
ekki vini mína nema á netinu þá
hefur þessi reynsla fyrir mér ekki
verið svo slæm. Eins og ég sagði
áður, ég er þakklát fyrir hvern dag.
Ég og stelpurnar mínar erum allar
við góða heilsu og við stöndum
saman og styrkjum hvor aðra í
þessum tíma.“
– Hvaða lærdóm getum við
dregið af heimsfaraldrinum?
„Að vera þakklát fyrir það sem við
höfum og ef við stöndum saman
getum við sigrast á hverju sem
verður á okkar leið. Einnig vona ég
að fólk gerir sér betur grein fyrir
hvaða áhrif við höfum á og hvað
við getum gert betur fyrir okkar
eina heimili, jörðina.
– Hvaða aðferðir ertu að nýta til
að eiga í samskiptum við fólk?
„Facebook, Messenger, Instagram,
Linkedin og YouTube er sem ég
nota mest.“
– Ef þú fengir bara að hringja
eitt símtal í dag, hver fengi það
símtal og hvers vegna?
„Þetta er erfið spurning en ef
með einhverjum mætti að ég gæti
hringt í einhvern/eitthvað sem gæti
með einum hnappi látið allt fólk
virða og vera gott við hvert annað
og heimili okkar jörðina það sem
eftir er. Þangað mundi ég hringja.
Að ofan: Una Ósk Kristinsdóttir og fjölskylda hennar fengu ástralskan
ríkisborgararétt árið 2016. Að ofan til vinstri: Una á ströndinni með
brimbrettið. Til vinstri: Dæturnar niður við höfn í Freo.
Una Ósk hefur
verið að mynda
kengúruunga sem
eru algjör krútt.
Fimmtudagur 30. apríl 2020 // 18. tbl. // 41. árg.
VíKurFrÉttir á SuÐurNESJum í 40 ár // 77