Spássían - 2013, Qupperneq 9

9
kápunni, hann á ekki peninga til að
auglýsa og því frétta fáir af bókinni.
Síðan daga þessar bækur uppi og
seríurnar eru aldrei gefnar út í heilu
lagi. En Divergent bækurnar hafa
verið mjög vinsælar og eins Mortal
Instruments eftir Cassöndru Clare.
Ég er svolítið hissa á að þær hafi
ekki verið þýddar því þær mokast út
hjá okkur.“
ÞAÐ KOM AUÐVITAÐ ÚT MYND
EFTIR FYRSTU BÓKINNI ÚR MORTAL
INSTRUMENT SERÍUNNI SEM VAR
FREKAR VOND.
„Það hefur hins vegar ekki haft
áhrif á sölu bókanna. Yfirleitt drepa
lélegar kvikmyndir bókasöluna en
ekki í þessu tilviki. Kannski vegna
þess að bækurnar voru nógu
þekktar og höfðu nógu mikinn
skriðþunga þegar myndin kom út.
Ég er einmitt að bíða eftir að sjá
hvort Ender‘s Game myndin drepi
sölu á bókinni hjá okkur.“
VEISTU HVERJU FÓLK SÆKIST EFTIR Í
FANTASÍUBÓKUM?
„Mér finnst bækur alltaf fjalla um
það sem kemur fólki við. Það skiptir
ekki máli hvort það er fantasíubók
eða önnur bókmenntaverk.
Jafnvel þótt viðfangsefnið sé
óraunverulegt er verið að fjalla um
allt sem viðkemur manninum. Ég
held að ástæðan fyrir því að fólk
les í fantasíuformi sé að sleppa
ímyndunaraflinu lausu. Þegar
þú lest bækur sem gerast bara í
raunveruleikanum er viðfangsefnið
stundum of nærri manni.“
FANTASÍAN GEFUR FÓLKI LEYFI
TIL AÐ KANNA HLUTI SEM HINN
RAUNVERULEGI HEIMUR FLÆKIR OF
MIKIÐ?
„Já. og verða óþægilegir þegar
þeir eru settir í samhengi sem þú
þekkir. Það sem vísindaskáldskapur
hefur t.d. gert er að fjalla um hluti
sem ekki hefur mátt ræða, eins og
Star Trek gerði á sínum tíma. Ég
trúi því ekki að lestur fantasíu sé
flótti frá raunveruleikanum eins
og margir segja. Frekar að þær
örvi ímyndunaraflið og bjóði upp
á hvíld frá raunveruleikanum án
þess endilega að flýja málefnin.
En auðvitað eru til svo rosalega
grunnar fantasíur að þær taka ekki
á neinu sérstöku.“
ÞÚ HEFUR EKKI TEKIÐ EFTIR AÐ
LESBRETTI HAFI ÁHRIF Á BÓKASÖLU?
„Þau hafa greinilega áhrif. Við
höfum misst viðskiptavini,
fastagesti, sem koma bara í dag
til að spjalla við okkur en kaupa
sér engar bækur. Mér finnst það
mjög skiljanlegt því ég á sjálf kyndil
(Kindle). En vissar bækur og vissa
höfunda vil ég eiga í prentuðu
formi. Fólk er að færa sig mikið yfir
á rafræna formið. Það kaupir sér
þá heldur handbækur hjá okkur og
hefur handbókasala aukist töluvert.
Ég sé líka hvernig krakkar koma
úr barnabókunum yfir í bækur á
ensku.“
ERU KRAKKAR EKKI FARNIR AÐ LESA
MIKLU FYRR NÚNA Á ENSKU EN
ÞAU GERÐU FYRIR 10 ÁRUM? MÍN
TILFINNING ER AÐ ÞAU SÉU ÖLL FARIN
AÐ TALA ENSKU.
„Það er líka mín tilfinning. Það
koma krakkar niður í 10 ára að leita
að bókum hjá okkur. Oft eiga þau
enskumælandi foreldri en stundum
eru þetta krakkar sem eru búnir
að fá leið á því sem er í boði á
íslensku. Þess vegna hef ég tekið
inn bækur fyrir æ yngri krakka á
hverju ári. Maður sér þessa þróun
líka þegar vinsælar bækur eins og
Game of thrones og Twilight koma
út. Stelpur sem höfðu aldrei lesið
fantasíur lásu Twilight og komu
svo til okkar í leit að öðru efni.
Og hefðu sennilega ekki farið út í
þennan geira annars.“
HEFURÐU TEKIÐ EFTIR ÞVÍ AÐ FÓLK
SÉ AÐ YFIRVINNA FORDÓMA SÍNA
GAGNVART FANTASÍUM?
„Það er frekar að fólk áttar sig
allt í einu á að þetta sé til. Þegar
Harry Potter bækurnar voru að
koma út var algengt að foreldrarnir
uppgötvuðu fantasíu í fyrsta
skipti og héldu að þetta væri
eitthvað nýtt, eins og Bróðir minn
Ljónshjarta hefði ekki verið til í 40
ár. Meirihlutinn af barnabókum er
jú fantasía.“
Ég trúi því ekki að lestur
fantasíu sé flótti frá
raunveruleikanum eins og
margir segja. Frekar að
þær örvi ímyndunaraflið
og bjóði upp á hvíld frá
raunveruleikanum án þess
endilega að flýja málefnin.
„