Spássían - 2013, Page 18

18
upphafsatriði myndarinnar sést glæsipían
Hildur, sem leikin er af Ragnhildi Steinunni
Jónsdóttur, sitja varnarlaus í húsi í villta
vestrinu og bíða elskhuga síns, sem leikinn er af Davíð
Þór Jónssyni. Skyndilega brýst glæpamaður inn til
hennar og ætlar að nema hana á brott en í sömu
andrá kemur unnustinn henni til bjargar. Atriðið er
skopstæling rómantískrar fantasíu ástarsagna en í
raunveruleikanum liggur Hildur í nútímalegu baðkari
og les bókina sem hún staðsetur sjálfa sig og fantasíuna
í.
Atriðið er einnig gott dæmi um marglaga
framsetningu fantasíunnar í Astrópíu. Auk þess að
draga fram hið ímyndaða sem grundvallarþátt á
áhugasviði Hildar þá vísar atriðið til kvikmyndarinnar
Romancing the Stone frá árinu 1984 - en í henni er
einnig unnið meðvitað með rómantísku fantasíuna.
Þar sjá áhorfendur ástarsagnahöfundinn Joan Wilder
(Kathleen Turner) í sams konar atriði lifa sig inn í bók
sem hún er sjálf að skrifa, en henni er einnig bjargað
af elskhuga á ögurstundu. Tengslin milli myndanna
tveggja eru styrkt enn frekar þegar Hildur nefnir Joan
Wilder sem einn þeirra höfunda sem hún lesi hvað
mest. Frásögnin í Romancing the Stone er þannig felld
að söguheimi Astrópíu og fantasíu fyrri myndarinnar
gefið framhaldslíf í þeirri nýju.
LJÚFT ER
AÐ LÁTA
SIG
DREYMA
KVIKMYNDIN ASTRÓPÍA Í LEIKSTJÓRN
GUNNARS B. GUÐMUNDSSONAR VAR
FRUMSÝND ÁRIÐ 2007. Í MYNDINNI
MÁ GREINA ÁHUGAVERÐAN SAMSLÁTT
FANTASÍUNNAR VIÐ SJÁLFA SIG - EN HÚN
ER BÆÐI VIÐFANGSEFNI SÖGUÞRÁÐAR OG
ÞEMATÍSKT EINKENNI Á FRÁSÖGNINNI.
Í
Eftir Helgu Þóreyju Jónsdóttur
Ragnhildur Steinunn Jónsdóttir
í hlutverki sínu í Astrópíu
AF KVENFRELSI,
NÖRDISMA
OG FANTASÍU
Í ASTRÓPÍU