Spássían - 2013, Page 26

26
Orphan Black eru kanadískir spennuþættir sem hófu göngu sína
árið 2012. Þar segir frá ungri konu, Söruh Manning, sem verður
vitni að því þegar önnur kona hendir sér fyrir neðanjarðarlest
á ferð. Það sem slær hana enn frekar út af laginu er að kona
þessi lítur nákvæmlega eins út og hún sjálf. Þar sem Sarah á í
vandræðum í einkalífinu eygir hún þarna tækifæri til að láta sig
hverfa inn í líf annarrar og frá eigin vandamálum. Þau reynast
þó aðeins vera rétt að hefjast þegar í ljós kemur að látna konan
vann við rannsóknarlögregluna og virðist hafa verið ein af
fjöldamörgum tvíförum Söruh.
Í strangasta skilningi falla þættirnir undir skilgreiningar
vísindaskáldskapar (þessar konur eru klón) en í þeim er þó oft
gælt við fantasíugeirann. Aðalhlutverkið er í höndum leikkonunnar
Tatjönu Maslany og það er ekki lítið sem á hana er lagt þegar
hún þarf að takast á við að leika þrjá til fjóra einstaklinga í einu
– oft í sama rammanum. Hún er þó fullkomlega starfinu vaxin og
útkoman hraðir, spennandi, vandaðir og oft fyndnir þættir um
konur sem hafa hlotið mismunandi veganesti í lífinu þrátt fyrir
genatísk líkindi sín. Enn sem komið er hafa þeir ekki verið sýndir á
Íslandi en vonandi verður fljótt breyting þar á því það má léttilega
gleyma sér yfir þeim eina kvöldstund eða svo..
Kortið sýnir sögusvið eða áhrifastaði
skáldsagna af ýmsu tagi
Sími 411 6100 - www.borgarbokasafn.is - www.bokmenntir.is - www.literature.is - www.bokvit.tumblr.com
Íslandskort
bókmenntanna
Foldasafn í
Grafarvogskirkju
Ársafn
Hraunbæ 119
Aðalsafn
Tryggvagötu 15
Gerðubergssafn
Gerðubergi 3-5
Sólheimasafn
Sólheimum 27
Kringlusafn
í Kringlunni
Ljóð og sögur
Ljóðakort
Reykjavíkur
LESTU Í LANDIÐ
GÖTURNAR ERU FULLAR AF LJÓÐI
Kortin má finna á www.borgarbokasafn.is
komnar á
kortið
Ljóð um hverfi, staði,
götur og viðburði
í Reykjavík
kanadísk klón