Íþróttablaðið - 01.04.1989, Page 5

Efn isvfi rl it
ÍÞRÓTTABLAÐIÐ brá undir sig betri
fætinum, heimsótti Mílanóá Ítalíu og
hitti að máli einn besta knattspyrnu-
mann fyrr og síðar, Ruud Gullit. í
athyglisverðu viðtali segir Gullit frá
þeim vandamálum sem fylgja því að
vera knattspyrnumaður á Ítalíu og
hann gefur lesendum ÍÞRÓTTA-
BLAÐSINS innsýn í einkalíf sitt. Enn-
fremur segir hann frá kynnum sínum
af Pétri Péturssyni og svarar spurn-
ingunni um hvað honum detti fyrst í
hug þegar hann heyrir ísland nefnt á
nafn.
Sigurför íslenska landsliðsins í hand-
knattleik til Frakklands verður lengi í
minnum höfð því glæsilegri árangri
hefur ísland ekki náð í keppni í hóp-
íþrótt á erlendum vettvangi. En hvað
gerðist bak við tjöldin? Geir Sveins-
son, einn landsliðsmanna, hélt dag-
bók fyrir ÍÞRÓTTABLAÐIÐ og segir
m.a. í léttum dúr frá andrúmsloftinu
sem var ríkjandi í herbúðum lands-
liðsins í keppninni og samskiptum
leikmanna við Bogdan.
Jón Kr. Gíslason körfuknattleiksmað-
ur og þjálfari hefur verið mikið í
sviðsljósinu að undanförnu. Hann
hefur náð einstökum árangri sem
íþróttamaður og fyrir utan það að
leiða Keflavík til sigurs í úrvalsdeild-
inni, gerði hann meistaraflokk
kvenna að íslands- og bikarmeistur-
um. í hressilegu viðtali talar Jón Kr.
tæpitungulaust um körfuknattleik á
íslandi og segir álit sitt á mönnum og
málefnum. Auk þess segir hann frá
því hver sé lykillinn að eigin vel-
gengni í körfubolta.
5