Íþróttablaðið - 01.04.1989, Qupperneq 35

SKREFI OFAR
Bandaríkjamenn eru alltaf jafn
uppfinningasamir. Um þessar mund-
ir eru all-sérstæðir íþróttaskór að
koma á markaðinn vestanhafs. Eins
og myndirnar bera með sér eru
skórnir upphækkaðir en auka-sólinn
nær aðeins yfir hluta iljarinnar og lík-
ist helst vöfflujárni. Sá sem hefur
áhuga á að prófa hvernig það er að
standa í svona skóm getur sett þykka
bók á gólfið og staðið síðan á henni
þannig að hælarnir eru í lausu lofti.
Þegar þú hefur staðið í smástund á
bókinni finnur þú fyrir taki í kálfun-
um því án stuðnings hælanna strekk-
ist á hásininni. Þeir sem nota þessa
íþróttaskó reglulega munu teygja og
styrkja bæði sinar og vöðva og gera
viðkomandi kleift að hlaupa hraðar
og stökkva hærra.
Auðvitað tekur sinn tíma að venj-
ast skónum því hælarnir slást lítillega
við jörðina. Enn furðulegra er að
hlaupa í þeim til að byrja með en
auðvelt er að komast upp á lagið með
það. Maður virkar klunnalegur í
skónum en innan tíðar finnur maður
ekki fyrir þeim. Það er ekki fyrr en
daginn eftir fyrstu notkun að áhrifin
koma í Ijós því þá eru kálfarnir eins
og steypa.
Þeir sem hafa notað íþróttaskóna í
nokkurn tíma eiga að geta stokkið
13-18 sentímetrum hærra en áður,
sömuleiðis eiga þeir að vera mýkri og
sterkari í kálfum og ökklum.
Fyrstu skópörin voru seld í Banda-
ríkjunum árið 1987 og seldust þá
7.000 pör. í fyrra jóks salan um rúm
200% og líta framleiðendurnir björt-
um augum til ársins 1989. Skórnir
kosta um 5.000 íslenskar krónur. Lítil
hætta er á meiðslum ef skórnir eru
notaðir rétt en með hverju pari fylgir
28 síðna leiðbeiningabæklingur.
Þeir sem hafa áhuga á að eignast
skóna hér á landi geta annað hvort
hringt í síma 1-800-451 eða skrifað til
Strenght Footwear Inc., 2701 Inde-
pendence St. Metairie, LA, 70006.
Kannski meðalhæð íslendinga verði
mun hærri eftir nokkur ár!
35