Íþróttablaðið - 01.04.1989, Blaðsíða 59

þennan leik gegn Pólverjum. Ekki
það að þetta sé eitthvað sem hægt er
að treysta á, enda myndi ég aldrei
gera það, en tilfinningin skapar
ákveðiðöryggi og gefuraukinn styrk.
Það var erfitt að trúa því að keppn-
in hefði gengið svona stórkostlega
upp. Að standa á verðlaunapallinum,
horfa á fánana dregna að húni og
hlusta á þjóðsönginn okkar innan um
18 þúsund manns, auk allra sem
horfðu á í sjónvarpi, fyllti mann svo
miklu stolti að ég hélt ég myndi
springa. SælutiIfinning hríslaðist um
mig allan og helst langaði mig til að
öskra og sleppa mér gjörsamlega. Þó
þetta hafi verið B-keppnin skiptir það
litlu máli þvf frekar hefði ég viljað ná
A-sæti á þennan hátt en 7. sæti á
Ólympíuleikunum í Seoul. Auk þess
sem þessi sigur skipar okkur einum
styrkleikaflokki ofar en 7. sætið hefði
gert og það kemur sér vel þegar dreg-
ið verður í riðla fyrir HM í Tékkó-
slóvakíu 1990. Þessi úrslitvoru stór-
kostleg fyrir íslenskan handknattleik
og vonandi tekst okkur að fylgja því
eftir. Draumurinn, sem enginn hafði
átt von á, rættist og óvíst er hvort
hann rætist að nýju í bráð. Þó er
aldrei að vita. í það minnsta er allt í
lagi að láta sig dreyma!
Bogdan áfram??
Þegar þetta er skrifað hefur enn
ekki verið gengið frá þjálfaramálum
íslenska landliðsins. Nokkur nöfn
hafa komið til greina en það nýjasta í
málinu er að Bogdan hafi verið boðið
starfið að nýju. Eftir Ólympíuleikana
voru uppi umræður um hvort ráða
ætti Bogdan fram yfir B-keppnina.
Nokkrir leikmenn töldu nóg komið
en aðrir vildu Bogdan áfram þar sem
svo skammur tími væri til stefnu. Ég
gattekið undir það. En einnig vonuð-
ust þessir sömu menn til að einhverj-
ar breytingar á undirbúningi keppn-
innar kæmu frá Bogdan. En sú varð
ekki raunin. Allt var nákvæmlega
eins, leikkerfi jafnt sem æfingar.
Og nú vilja allir ólmir ráða hann
aftur, almenningur jafnt sem fjöl-
miðlar og talað er um að við séum
með gullmola í höndunum. Vel má
það vera en ekki má gleyma sér í
Ijómanum af B-keppninni og halda
að hlutirnir komi alltaf til með að
ganga jafn vel og þeir gerðu í Frakk-
landi, bara af því að Bogdan er þjálf-
ari. Það er engin spurning að árangur
Bogdans með landsliðið í þessi fimm
ár hefur verið frábær en við verðum
að líta raunhæft á málið og skoða
þessi fimm ár íeinni heild en ekki líta
eingöngu á þessar þrjár vikur í Frakk-
landi. Hætt er við að nokkrir leik-
menn hætti í landsliðinu í kjölfar
endurráðningar hans og eiga þeir
leikmenn alfarið að fá að ráða því án
nokkurs óeðlilegs þrýstings. Ef af
endurráðningu hans verður er Ijóst
að einhver endurnýjun verður í lið-
inu. Það hefur Bogdan sjálfur sagt.
Sá þjálfari sem tekur við landslið-
inu í dag hefur eitt ár til að undirbúa
liðið fyrir HM í Tékkóslóvakíu. Þar
gefa átta efstu sætin farseðla á Ól-
ympíuleikana í Barcelona árið 1992
og eru líkurnar á því bara nokkuð
góðar. Ég er ekki með þessu að segja
að ráða eigi nýjan þjálfara eingöngu
breytinganna vegna. Auðvitað þarf
að finna hæfan þjálfara, helst jafn
hæfan eða hæfari en Bogdan og slíkir
menn eru svo sannarlega ekki á
hverju strái. Mín skoðun er sú að viss
endurnýjun sé nauðsynleg. Vel getur
verið að betra sé að skipta um þjálf-
ara eftir HM 1990 því þá hefur sá sem
tekur við tvö ár til undirbúnings fyrir
Ólympíuleikana árið 1992 og til að
móta nýtt lið.
Allt eru þetta einungis vangaveltur
og eflaust verður búið að ráða lands-
liðsþjálfara þegar þessi orð komast á
prent. En vonandi heldur velgengni
íslenska liðsins áfram burtséð frá þvf
hver verður þjálfari og ég er sann-
færður um að HSÍ ræður hæfan mann
í starfið. Hvort sem það verður Bog-
dan eða einhver annar.
Með kveðju, Geir Sveinsson.
Þessi vinsælu sportstígvél
eiga að vera til í hverri sportvöruverslun.
Við seljum þau f heildsölu til verslana.
Heildverzlun
And résar Guðnasonar
BOLHOLTI 4 • SÍMI 686388