Bókasafnið - mar. 2020, Blaðsíða 23
Bókasafnið 43. árg – 2019-2020 23
Sl. sumar voru 15 ár frá því bókasafnið opnaði í núverandi húsnæði, Safnahúsinu Ísafirði. Þetta fallega friðlýsta hús á Eyrartúni er teiknað af Guðjóni
Samúelssyni og var áður sjúkrahús. Á þessum tíma hefur
ýmislegt breyst í umhverfi bókasafna, að ekki sé minnst á
breytingarnar sem hafa orðið síðan ákveðið var að safnið
flytti í þetta hús en árið 2019 verða árin orðin 30 síðan sú
ákvörðun var tekin.
Bókasafnið deilir húsnæði með Héraðsskjalasafninu
Ísafirði, Ljósmyndasafninu Ísafirði og Listasafni Ísafjarðar í
Safnahúsinu.
Engin útibú eru lengur starfrækt frá aðalsafninu en þau
voru á Suðureyri, Flateyri og Þingeyri, rótgróin söfn sem
urðu hluti af Bókasafninu Ísafirði þegar Ísafjarðarbær varð
til með sameiningu þessara sveitarfélaga árið 1996. Aðsókn
færðist sjálfkrafa frá litlu söfnunum til safnsins á Ísafirði
með betri samgöngum.
Bókasafnið tók upp samstarf við Blábankann á Þingeyri
2017, þá nýstofnaða þjónustu- og nýsköpunarmiðstöð sem
m.. fól í sér að hafa milligöngu um bókasendingar til og
frá Þingeyri fyrir heimamenn
að þeirra óskum. Þingeyri er
sá byggðakjarni sem er lengst frá
Ísafirði og hafa skólar og einstaklingar
nýtt sér þennan möguleika.
Eins og hjá öðrum almenningsbókasöfnum hafa
áherslur færst frá því að sinna aðallega útlánum og
upplýsingaþjónustu í að bókasafnið sé líka staður fyrir alla
þar sem er hægt að njóta menningarviðburða og fræðslu,
hitta fólk og vera staður þar sem börn og fullorðnir geta
komið og staldrað við án neinna kvaða. Einnig hefur margt
breyst varðandi hvernig húsnæði hentar fyrir starfsemi
almenningsbókasafna en nú þarfnast safnið meira pláss fyrir
viðburði.
Undanfarin ár hefur töluverður tími farið í að færa safnið
inn í Gegni, safnið fór þangað seint miðað við önnur
almenningsbókasöfn. Safnið er stórt prentskilasafn og
það þurfti líka að grisja duglega en þessarri vinnu er nú að
mestu lokið, helst er eftir að færa inn fágætar bækur sem
komu frá fyrrum útibúum.
Safnið hefur lengi verið með fasta viðburði sem varða
börn svo sem sumarlestur og bangsadaginn sem er stærsti
barnaviðburður ársins. Seinni árin hefur viðburðum
verið fjölgað sem höfða til fullorðinna, td. var haldinn
„Pólskur mars“ árið 2014 þar sem pólsk menning var
kynnt í samvinnu við félag Pólverja á Vestfjörðum. Einnig
hefur viðburðurinn „Bókaspjall“ verið haldinn u.þ.b.
fjórum sinnum á ári frá 2014. Þar segir heimamaður
frá uppáhalds bókunum sínum og skorar á annan til
að segja næst frá en annað bókatengt erindi er einnig á
dagskrá sem er venjulega um klukkustunda löng. Ýmsir
minni viðburðir eru á dagskrá bókasafnsins yfir árið þar
Bókasafnið Ísafirði
Edda Björg Kristmundsdóttir hefur lokið B.A. prófi í Bókasafns- og upplýsingafræði,
auk viðbótardiplomu í sama. Starfar sem bæjarbókavörður á Bókasafninu Ísafirði.