Morgunblaðið - 28.03.2020, Page 19

FRÉTTIR 19Innlent
MORGUNBLAÐIÐ LAUGARDAGUR 28. MARS 2020
Góð þjónusta í tæpa öld 10%afslátturfyrir 67 áraog eldri
Flugvallarþjónusta
BSR sér um að skutla þér út á flugvöll og aftur heim þegar þú ferð til útlanda.
5-8 manneskjur
19.500 kr.
1-4 manneskjur
15.500 kr.
Verð aðra leið:
Matvælaframleiðendur finna vel fyr-
ir breyttum takti í þjóðfélaginu. Sala
til veitingahúsa, hótela og mötu-
neyta hefur dregist mikið saman en
sala til matvöruverslana stóraukist.
„Það er mjög breytt munstrið í
þessu,“ sagði Ágúst Andrésson, for-
stöðumaður Kjötafurðastöðvar KS.
Hann sagði að það munaði um fækk-
un ferðamanna en á móti kæmi að
framundan væri mikil kjöt-
neysluhátíð, páskarnir. „Það lítur út
fyrir að Íslendingar borði heima um
páskana. Salan í verslunum hefur
verið mjög góð. Það hefur verið mikil
sala í því sem kalla má aðeins ódýr-
ari vöru eins og hakki, bjúgum, gúll-
asi og fleiru.“ Ágúst sagði að búð-
irnar væru ágætlega birgar og verið
væri að undirbúa pantanir á lamba-
steikum og öðru fyrir páskana. Hann
sagði að þeir fyndu áþreifanlega fyr-
ir minni sölu á vöru eins og lamba-
fille og nautafille til veitingahúsa.
Einnig hefði árshátíðahald mikið til
lagst af og munaði mikið um það.
Mikil tilfærsla í sölunni
„Það er mikil tilfærsla yfir í smá-
söluna frá sölu til veitingaþjónustu.
Veitingaþjónustan var kannski um
40% af markaðnum en er komin nið-
ur í 5-10%. Þetta mun hafa alls konar
áhrif,“ sagði Steinþór Skúlason, for-
stjóri Sláturfélags Suðurlands.
Hann sagði að ef til vill hefðu
menn ofmetið hlutfallsleg umsvif
sölu á matvælum til erlendra ferða-
manna. Í ljósi fjölda ferðamanna og
meðal dvalartíma þeirra mætti gróf-
lega áætla að þeir hefðu aukið árs-
neyslu matvæla hér á landi um 7-8%
meðan best lét. Ferðamenn hefðu
haft hlutfallslega mun meiri áhrif á
tekjur af gistingu, afþreyingu og
annarri þjónustu en heildarsölu mat-
væla.
Steinþór sagði að mikil sala hefði
verið undanfarið í ódýrari matvöru
og eins vöru með löngu geymsluþoli,
frosnum vörum og öðru slíku. Fólk
hefði birgt sig upp í byrjun.
„Það þarf eitthvað mikið að gerast
til að hér verði matvælaskortur. Ég
held að það muni ekki gerast,“ sagði
Steinþór. Hann sagði að kórónu-
veirufaraldurinn hefði haft mikil
áhrif á rekstur SS. Búið væri að
skipta upp deildum, sem yki fram-
leiðslukostnað en minnkaði hættu á
framleiðslutruflunum. gudni@mbl.is
Aukin sala til búðanna
 Mjög hefur dregið úr sölu kjötafurða til veitingaþjónustu
vegna kórónuveirufaraldurs  Munstrið í sölunni gjörbreytt
Morgunblaðið/Eggert
Kjötsala Sala afurðastöðva til verslana hefur stóraukist.
Baldur Arnarson
baldura@mbl.is
Hermann Jónasson, forstjóri Hús-
næðis- og mannvirkjastofnunar
(HMS), segir
ekki tilefni til að
endurmeta áður
útgefna íbúða-
þörf HMS. Til-
efnið er ný taln-
ing Samtaka
iðnaðarins en
samkvæmt henni
eru ríflega 40%
færri íbúðir á
fyrstu byggingar-
stigum á höfuðborgarsvæðinu en í
fyrravor.
Mun ráðast af viðspyrnunni
„Við teljum ekki þörf á að breyta
þeirri grunnspá okkar að byggja
þurfi 1.800 íbúðir árlega til 2040.
Vegna fordæmalausra aðstæðna
þurfi hins vegar að gæta varkárni á
næstu 2-4 árum. Á því tímabili þurfi
að byggja 1.500 íbúðir árlega en það
fer eftir því hvernig hagkerfið tekur
við sér,“ segir Hermann. Samdrátt-
ur í ferðaþjónustu geti haft áhrif á
framboðið til skemmri tíma.
„Við gerum ráð fyrir að á næst-
unni muni íbúðir sem voru í skamm-
tímaleigu á airbnb-markaðnum leita
í auknum mæli á húsnæðismarkað-
inn. Við höfum áætlað að 1.000-1.200
íbúðir séu í slíkri útleigu. Ef það
verður meiriháttar áfall á þeim
markaði kæmu kannski ekki nema
um 500 íbúðir á markaðinn. Það
breytir ekki stóru myndinni. Íbúða-
þörfin liggur fyrir. Nú þurfum við að
anda í gegnum nefið þetta tímabil og
horfa til framtíðar,“ segir Hermann.
Tryggi stöðugleika
Markmið HMS sé að tryggja
stöðugleika á húsnæðismarkaði.
Þannig fari hagsmunir iðnaðarins og
heimilanna saman. Sveiflur séu dýr-
ar fyrir samfélagið. Með það í huga
vinni HMS með sveitarfélögunum
að gerð áætlana um húsnæðisþörf
næstu áratugi. Áður hafi ekki legið
fyrir áætlanir. Afleiðingin hafi verið
of miklar framkvæmdir í uppsveiflu
og framkvæmdastopp í niðursveiflu.
„Það er mikilvægt að halda áfram
uppbyggingu íbúða. Því annars má
gera ráð fyrir íbúðaskorti eftir
nokkur ár. Það gæti haft áhrif á
verð fasteigna,“ segir Hermann og
vísar til mögulegra verðhækkana.
Meðal þátta sem hafa aukið eftir-
spurn eftir húsnæði síðustu ár er
mikill aðflutningur erlendra ríkis-
borgara. Í langtímaspá HMS er gert
ráð fyrir að um helmingur þeirra
muni ekki dvelja hér til framtíðar.
Mikilvægt að
byggja meira
 HMS stendur við spá um íbúðaþörf
Hermann
Jónasson
Morgunblaðið/Eggert
Miðborgin Horft til norðurs frá þakíbúð á Brynjureit í Reykjavík.
Samninganefndir Landssambands
slökkviliðs- og sjúkraflutningamanna
og Sambands íslenskra sveitarfélaga
skrifuðu í gær undir nýjan kjara-
samning sem gildir til 30. september
2023. Samningamenn hittust á óform-
legum fundi við upphaf samningalot-
unnar en funduðu eftir það alfarið
með fjarfundarbúnaði og undirskrift-
in var einnig rafræn.
„Ég tel að þessi samningur sé
nokkuð góður,“ segir Magnús Smári
Smárason, formaður Landssambands
slökkviliðs- og sjúkraflutningamanna.
Samningurinn gildir frá 1. janúar sl.
en samið er um tvær eingreiðslur fyr-
ir samningsleysi á síðasta ári, samtals
210 þúsund krónur.
Stytting vinnutíma dagvinnufólks
er innleidd með samningnum en
ákveðið að fresta innleiðingu vinnu-
viku í vaktavinnu vegna sérstaks
vaktavinnufyrirkomulags stéttarinn-
ar á meðan verið er að skoða þau mál
betur. Þá fá hlutastarfandi slökkvi-
liðs- og sjúkraflutningamenn full rétt-
indi samkvæmt kjarasamningum eft-
ir lok næsta árs. Loks má geta þess að
yfirmenn munu á samningstímabilinu
gera sérstakan kjarasamning.
Félagsmenn Eflingar sem starfa
hjá Reykjavíkurborg og ríkinu sam-
þykktu í gær kjarasamninga sem
undirritaðir voru í byrjun mars. Af
þeim 777 sem greiddu atkvæði um
samninginn við Reykjavíkurborg
sögðu 715 já, eða 92%. Af þeim 72 sem
greiddu atkvæði um ríkissamninginn
sögðu 69 já eða 96%. Kjörsókn hjá
ríkisstarfsmönnum var aðeins 13%.
Blaðamenn samþykktu
Yfirgnæfandi meirihluta þeirra fé-
laga í Blaðamannafélagi Íslands sem
tóku þátt í atkvæðagreiðslu um samn-
inga félagsins við Samtök atvinnulífs-
ins sögðu já, eða 126 af þeim 140 sem
greiddu atkvæði. Samningarnir voru
því samþykktir með 90% atkvæða.
helgi@mbl.is
Gerðu kjarasamning
án þess að hittast
 Slökkviliðsmenn semja við sveitarfélög
Morgunblaðið/Eggert
Að störfum Slökkviliðsmenn hafa
náð samningum við sveitarfélögin.
Laun alþingismanna, ráðherra, ráðu-
neytisstjóra og æðstu embættis-
manna verða fryst til 1. janúar næst-
komandi, samkvæmt breytingar-
tillögu fjármála- og efnahags-
ráðherra, til efnahags- og viðskipta-
nefndar Alþingis. Nefndin er að fjalla
um bandorm um aðgerðir til að mæta
efnahagslegum áhrifum í kjölfar
heimsfaraldurs kórónuveiru.
Tillagan var samþykkt í ríkisstjórn
í gærmorgun og rædd á fundi for-
manna stjórnmálaflokka á Alþingi í
kjölfarið. Í henni
er kveðið á um að
hækkun launa al-
þingismanna, ráð-
herra og ráðu-
neytisstjóra,
dómara, saksókn-
ara, lögreglu-
stjóra, seðla-
bankastjóra og
ríkissátta-
semjara, sem
hefði átt að koma til framkvæmda 1.
júlí næstkomandi, verði frestað til 1.
janúar nk.
Laun þessa hóps eru ákveðin í lög-
um sem tiltekin fjárhæð í krónum en
taki breytingum 1. júlí ár hvert í sam-
ræmi við breytingu á meðaltali reglu-
legra launa starfsmanna ríkisins. Í
tilkynningu fjármálaráðuneytis er
vakin athygli á því að launahækkun-
um þjóðkjörinna fulltrúa, ráðherra
og ráðuneytisstjóra sem koma áttu til
framkvæmda á síðasta ári hafi verið
frestað til 1. janúar sl. helgi@mbl.is
Launahækkun verði frestað
Alþingi Fá
hækkun seinna.