Fréttablaðið - 05.09.2020, Qupperneq 4

Ég held að einstakl-
ingar séu ekki að
gera einhver ofurkaup með
því að vera að fjárfesta í
gulli núna. Verðið er hátt og
þeir eru að borga virðis-
aukaskatt af þessu.
Arna Arnardóttir, gullsmiður og for-
maður Félags íslenskra gullsmiða
ÞJÓNUSTUVERKSTÆÐI, VARA- OG AUKAHLUTAVERSLUN
Pallbílahús frá ARE á alla USA pallbíla
Varahlutaverslun ÍSBAND býður upp á gott úrval vara- og aukahluta og
íhluta til breytinga. Allir helstu varahlutir í okkar vörumerkjum eru til á
lager. Sérpöntum varahluti í aðra USA bíla.
Úrval af felgum fyrir
Jeep® og RAM
Upphækkunarsett
í Wrangler
Upphækkunarsett
í RAM
Falcon demparar
ÍSLENSK-BANDARÍSKA EHF • VERKSTÆÐI OG VARAHLUTAVERSLUN • SMIÐSHÖFÐA 5 • 110 REYKJAVÍK
SÍMI 590 2323 • THJONUSTA@ISBAND.IS • WWW.ISBAND.IS • OPIÐ VIRKA DAGA KL. 07:45 - 18:00
ALMENNT BÍLAVERKSTÆÐI OG
SMURÞJÓNUSTA FYRIR ALLA BÍLA
ALLIR VINNA - ENDURGREIÐSLA VSK.
FIAT HÚSBÍLAR - ÁBYRGÐAR OG
ÞJÓNUSTUVERKSTÆÐI
BREYTINGAR Á JEEP®, RAM
OG ÖÐRUM USA PALLBÍLUM
ALLIR BÍLAR SÓTTHREINSAÐIR
STUTTUR BIÐTÍMI SÍMI 590 2323
UMBOÐSAÐILI
Gunnar Gunnlaugsson
forstjóri Norðuráls
sagði fyrirtækið
reiðubúið að
ráðast í fjár-
festingu fyrir
vel á annan tug
milljarða, ef það
fæst nýr raforku-
samningur hjá Landsvirkjun til
mögulega allt að tuttugu ára, þar
sem kjörin eru sambærileg meðal-
verði til stóriðjunnar á síðasta ári.
Salvör Nordal
umboðsmaður barna
gagnrýndi fram-
komna tillögu
mennta- og
menningarmála-
ráðuneytisins
um breytingar
á viðmiðunar-
stundaskrá, sem nú
er í umsagnarferli í samráðsgátt
stjórnvalda. Hún segir miður að
umrædd fjölgun kennslustunda
í íslensku og náttúrufræði verði
á kostnað valgreina og svigrúms
grunnskóla, sem hafi meðal ann-
ars verið nýtt til kennslu í lífsleikni
og listgreinum.
Virgill Scheving Einarsson
landeigandi í Skjaldarkoti og
Efri-Brunnastöðum
hafnaði því að
leyfa sveitarfélag-
inu Vogum að
leggja hjólreiða-
og göngustíg
inn á land sitt
og framkvæmdin
er nú sögð í uppnámi.
Hann segist ekkert hafa á móti
stígnum sem slíkum, en framkoma
sveitarstjórnarinnar gagnvart
honum á undanförnum árum sé
ástæðan fyrir því að hann leyfi
þetta ekki. „Ég var búinn að sam-
þykkja þetta en snerist hugur,“
segir Virgill, sem er alinn upp á
þessum jörðum og erfði þær fyrir
10 árum. „Ég hugsaði með mér: Nú
er tíminn til að hefna mín á þeim.“
Þrjú í fréttum
Fjárfestingar,
stundaskrár
og hjólastígar
TÖLUR VIKUNNAR 30.08.2020 TIL 05.09.2020
68
starfsmönnum Herjólfs ohf.
var sagt upp í vikunni.
6
nú- og fyrrverandi starfsmenn
Samherja hafa stöðu sakbornings
í rannsókn héraðssaksóknara.
1.800
sýni frá árunum 2017 til 2019
hafa verið endurskoðuð af
Krabbameinsfélagi Íslands.
83
prósentum fleiri óku undir áhrif-
um annarra vímuefna en áfengis
fyrstu sjö mánuði ársins en í fyrra.
4
ár eru síðan að hrafninn sem kall-
aður er Pabbinn byrjaði að sníkja
mat við Borgarpylsur í Skeifunni.
VIÐSKIPTI Á þriðjudagskvöldið til-
kynnti Costco viðskiptavinum
sínum að verslunin væri með 20,
50 og 100 gramma gullstangir til
sölu. Sólarhring síðar voru þær allar
seldar. Um var að ræða tvær stangir
í hverri þyngd.
Samkvæmt upplýsingum frá
Costco var farið eftir heimsmark-
aðsverði á gulli. Fréttablaðið leit-
aði upplýsinga um söluverðið og
voru um 230.000 krónur settar á
20 gramma gullstöngina, 560.000
krónur á 50 gramma stöngina og
1,19 milljónir á 100 gramma gull-
stöngina. Costco gat þó ekki stað-
fest að stangirnar hefðu selst á
nákvæmlega þessu verði, en starfs-
maður verslunarinnar taldi það
líklegt. Söluverð gullsins er því um
fjórar milljónir í heild.
Samkvæmt þessu verði kostar
gramm af gulli í Costco um 11.500
krónur en heimsmarkaðsverð á
gulli er um 8.600 krónur samkvæmt
gengi gærdagsins.
Sverrir Einar Eiríksson, sjálfstæð-
ur gullkaupmaður hjá Kaupum gull
ehf., segir þennan verðmun stafa af
því að skekkja sé gullmarkaðinum á
Íslandi. „Það sem Costco er að gera
er að þeir eru að selja gullið á heims-
markaðsverði plús virðisaukaskatt.
Ísland er líklegast eina landið í
heiminum sem leggur virðisauka-
skatt á hreint gull,“ segir Sverrir.
„Þegar þú kaupir gull á heimsmark-
aðsverði og þarft bæta virðisauka-
skatti við, þá er skekkja. Nema þú
sért með fyrirtæki og getir nýtt þér
virðisaukaskattinn,“ segir Sverrir.
Samkvæmt upplýsingum frá
Costco er von á fjórum gullstöng-
um til viðbótar um miðjan mánuð,
tveimur 50 gramma og tveimur 100
gramma. Gullstangirnar sem eru
á leið til landsins koma frá öðru
vörumerki, en um 24 karata gull er
að ræða. Starfsmaður Costco sem
Fréttablaðið ræddi við gat ekki gefið
upp hvort nýju stangirnar verði
auglýstar þegar þær koma til lands-
ins, en skrifstofa Costco í Bretlandi
ákveður slíkt.
Arna Arnardóttir, gullsmiður
og formaður Félags íslenskra gull-
smiða, segir að fólk sé ekki að gera
góð kaup með því að kaupa gull
með virðisaukaskatti.
„Ég held að einstaklingar séu ekki
að gera einhver ofurkaup með því
að vera að fjárfesta í gulli núna.
Verðið er hátt og þeir eru að borga
virðisaukaskatt af þessu,“ segir
Arna, sem jafnframt bætir við að
enginn gullsmiður sé að versla við
Costco.
„Enginn gullsmiður hefur verið
að kaupa þetta. Við getum náttúru-
lega keypt hráefnið ódýrara. Þetta
er pínu æði, fólk heyrir að „gull sé
að hækka og nú geturðu keypt það
í Costco“. Þetta er líklegast almenn-
ingur og spákaupmenn sem halda að
þeir séu að gera bestu kaupin en það
er bara eins og það er,“ segir Arna.
Costco tilkynnti viðskiptavinum
sínum um gullsöluna í tölvupósti
sem bar titilinn „Tilboð í vöruhús-
inu hefjast á morgun“. Engin tilboð
eru hins vegar nefnd þar sem gull-
stangirnar eru kynntar til sölu, en
slíkt hefði getað verið varasamt
samkvæmt Neytendastofu.
„Stofnunin hefur ekki fengið
ábendingar um þessa gullsölu og
hefur því hvorki skoðað málið né
kynnt sér póstinn frá Costco þar
sem gullstangirnar eru kynntar.
Það sem helst kæmi til álita hjá
okkur er það hvort viðskiptavinum
væru veittar villandi upplýsingar
varðandi verðlagningu. Í því getur
bæði falist að verið sé að gefa til
kynna að verið sé að fá vöru á betra
verði en almennt er, eða að um verð-
lækkun sé að ræða án þess að hún
sé raunveruleg hjá seljanda,“ segir
Þórunn Anna Árnadóttir, forstjóri
Neytendastofu. mhj@frettabladid.is
Virðisaukaskattur skekkir
gullkaup á Íslandsmarkaði
Verslunin Costco seldi gull fyrir nærri fjórar milljónir á miðvikudaginn. Söluverð gullsins fór eftir heims­
markaðsverði á gulli, en virðisaukaskattur er lagður á gull á Íslandi, sem gerir kaupverðið hærra. For­
maður Félags íslenskra gullsmiða segir það ekki góða fjárfestingu að kaupa gull með virðisaukaskatti.
Auglýsingin sem viðskiptavinir Costco fengu senda.
Heimsmarkaðsverð á gulli er um 8.600 krónur. MYND/GETTY
5 . S E P T E M B E R 2 0 2 0 L A U G A R D A G U R4 F R É T T I R ∙ F R É T T A B L A Ð I Ð