Víkurfréttir - 09.09.2020, Page 23

Stór hópur stelpna á aldrinum
níu til þrettán ára drippluðu bolta
með ströndinni frá íþróttahúsinu
í Njarðvík að Skessuhellinum í
Gróf síðasta föstudag. Hópurinn
samanstendur annars vegar að
tólf og þrettán ára stelpum í 7. og
8. bekk sem þær Eygló Alexand-
ersdóttir og Bylgja Sverrisdóttir
eru að þjálfa í körfuknattleik og
svo stelpur í níu ára minnibolta
sem Bylgja þjálfar.
Bylgja segir að það hafi verið
fín æfing að ganga þessa leið og
drippla bolta. Þegar komið var
að Skessuhellinum beið svo eftir
hópnum flott hressing en Eygló
og Ragnar, tengdaforeldrar Bylgju,
höfðu bakað pönnukökur. Það
voru því upprúllaðar pönnukökur
og muffins sem var skolað niður
með djús í sól og blíðu og góðu
skjóli fyrir norðanáttinni. Eygló og
Ragnar fóru létt með baksturinn
enda hafa þau keppt nokkrum
sinnum í pönnukökubakstri á
Landsmóti Ungmennafélags Ís-
lands.
„Þetta var mjög gaman og frá-
bært að blanda aldrinum, þessar
yngri líta mikið upp til þeirra sem
að eldri eru,“ sagði Bylgja Sverris-
dóttir í samtali við Víkurfréttir.
Meðfylgjandi myndir voru
teknar af hópnum á ferðalaginu
með boltana á föstudaginn.
Drippluðu bolta með
ströndinni frá Njarð-
vík í Skessuhelli
Óvænt fornbílasýning
Það má segja að Ekki-Ljósanótt hafi verið haldin um síðustu helgi. Þó voru
nokkrir viðburðir í tilefni þess að hátíðin hefði átt að fara fram um liðna helgi.
Eitt óvænt atriði var við Duus-húsin þegar þar söfnuðust saman fornbílar af
ýmsu tagi. Margir létu sjá sig og skoðuðu bílana.
vÍKURFRÉTTiR á SUðURNESJUM Í 40 áR // 23