Dagblaðið Vísir - DV - 30.12.2020, Page 66
Mamma þreytt – freyðandi ginkokteill
Þetta er frábær kokteill með sumar-
legu ívafi. Það má vel sleppa gininu
og nota áfengislaust freyðivín
eða jarðaberja AVA sódavatn fyrir
börnin.
Innihald per glas
1 dl safi úr vatnsmelónu
2 cl Bleikt gin
1,5-2 dl gott freyðivín Ekki of sætt
t.d. Codorniu. Það fæst einnig
áfengislaust.
Klakar að vild
Nokkur trönuber og myntulauf
Byrjið á að mylja niður klaka í glas.
Setjið melónukjöt í blandara og
sigtið hratið frá. Þá er kominn safin.
Blandið saman gini og safanum og
hrærið varlega saman.
Fyllið upp með freyðivíni.
Skreytið með myntu og trönuberjum.
Una í eldhúsinu
Ostakaka með trönuberjasósu
Miðast við 5-6 skálar
200 g Mc´vities súkkulaðikex
500 ml rjómi
400 ml rjómaostur
100 g flórsykur
1 tsk. kanill
1 msk. vanilludropar
70-80 g trönuber
1 dl appelsínusafi
2 msk. sykur
Byrjið á mylja kex í skálar – best
að setja kexið í matvinnsluvél.
Þeytið rjóma.
Bætið mjúkum rjómaostinum
saman við ásamt flórsykri og van-
illudropum og blandið vel saman.
Leggið rjómablönduna yfir kex-
mulninginn.
Sjóðið saman í potti við vægan
hita trönuber, appelsínusafa,
kanil og sykur. Passið að hræra
vel í sósunni.
Þegar sósan er farin að þykkna er
slökkt undir hitanum.
Sigtið sósuna, þannig að engir
kekkir verði eftir, hellið sósunni
svo yfir rjómaostblönduna.
Geymist í kæli í 2-3 klst. áður en
borið fram.
Verði ykkur að góðu.
Una Guðmundsdóttir matgæð-
ingur DV óskar lesendum gleði-
legs árs og hvetur landsmenn til
þess að eiga fleiri gæðastundir
við eldhúsborðið með sínum
nánustu á næsta ári.
MYND/GETTYMYNDIR/AÐSENDAR
66 MATUR 30. DESEMBER 2020 DV