Sveitarstjórnarmál - 2020, Síða 10

SVEITARSTJÓRNARMÁL
Á þessum tímapunkti er núverandi
samningur sveitarfélaganna á
höfuðborgarsvæðinu um akstursþjónustu
fatlaðs fólks að renna sitt skeið.
Ákveðið hefur verið að framlengja
samninginn til að minnsta kosti sex
mánaða, en undirbúningur nýs útboðs
hefur tekið lengri tíma en gert var ráð
fyrir, meðal annars vegna ákvörðunar
Hafnarfjarðarbæjar um að taka ekki þátt í
áframhaldandi samstarfi. Skrifað var undir
núverandi samning á miðju árinu 2014
og tók hann gildi 1. janúar 2015. Tóku
öll sveitarfélögin á höfuðborgarsvæðinu,
utan Kópavogs, þátt í útboði um
þjónustuna. Meginmarkmið þess að hefja
samvinnuna voru tvö. Hið fyrra var að
svara kalli notenda og hagsmunasamtaka
um samnýtingu ferða með farþega sem
tilheyrðu mismunandi sveitarfélögum.
Hið seinna var að ná fram fjárhagslegri
hagræðingu.
Eins og sást í fréttum í upphafi árs 2015
var margt sem fór úrskeiðis í þessu
sameiginlega verkefni, svo sem þegar
farþegar „týndust“ á ferðalagi sínu
um höfuðborgina eða starfsfólki með
þekkingu var sagt upp. Í öllu því ferli
Akstursþjónusta fatlaðs fólks á höfuðborgar-
svæðinu: Samvinnuverkefni með ábyrgðarvanda
10
Sigurbjörg Fjölnisdóttir, verkefnastjóri gæða og þróunar hjá Mosfellsbæ
virðist ekki hafa verið ljóst hver bæri
ábyrgð á þeim ákvörðunum sem voru
teknar, eða ekki teknar, sem og hver
ætti að vera í forsvari fyrir verkefnið.
Með orðum Donald F. Kettl: „Ef allir
eru við stjórnvölinn, er þá nokkur við
stjórnvölinn?“.
Það að engin ein stofnun sé í forsvari
fyrir verkefni sem og þegar þjónustu er
úthýst til annarrar stofnunar þýðir að
hin hefðbundna ábyrgðarkeðja hefur
tekið breytingum, keðja sem alla jafna
er nokkuð einföld í framkvæmd. Mynd
1 sýnir hið flókna skipulag verkefnisins
þar sem má sjá bæjarstjóra í tvöföldu
hlutverki, annars vegar í samráðshópi
SSH (stjórn SSH) og hins vegar sem
eigendur byggðasamlagsins Strætó.
Engar ákvarðanir um verkefnið eru teknar
nema að höfðu samráði við og að fengnu
samþykki frá bæjarstjórum. Sveitarfélögin
sem eiga hlut í verkefninu eru misstór,
með íbúafjölda frá tæplega 5.000 upp í
130.000 og getur stærsta sveitarfélagið,
Reykjavíkurborg, auðveldlega sett
sig í ráðandi stöðu gagnvart minni
sveitarfélögunum í verkefninu.
Engar ákvarðanir um
verkefnið eru teknar nema
að höfðu samráði við og
að fengnu samþykki frá
bæjarstjórum.
Sigurbjörg Fjölnisdóttir
Sveitarfélögin Strætó bs.
Bæjarstjórar
SSH samráð
Bæjarstjórar
Eigendur
Félagsmálastjórar Framkvæmdastjórn
Stjórn
Sameiginlegt verkefni
akstursþjónustu
Mynd 1