Sveitarstjórnarmál - 2020, Qupperneq 24

SVEITARSTJÓRNARMÁL
ef allt færi á versta veg. Fannar segir
að fljótlega hafi verið haft samband
við Landhelgisgæslu Íslands um að fá
varðskipið Þór í Grindavíkurhöfn en skipið
hafði ekki áður lagst þar að bryggju.
„Það var mikilvægt að sjá hvernig
skipinu gengi að leggjast hér að bryggju.
Við höfum höfnina sem rýmingarleið
til þrautavara og þá myndi skipið geta
haft mikilvægt hlutverk en skipið myndi
jafnframt koma að góðum notum við
aðhlynningu fólks ef á þyrfti að halda.
Það getur líka séð bænum fyrir varaafli
eins og það gerði á Dalvík eftir ofsaveðrið
í desember. Áætlanir gerðu ráð fyrir
að Þór myndi ekki vera langt undan ef
ófremdarástand myndi skapast.
24
Við höfum jafnframt átt viðræður við HS
Veitur um varaaflsstöðvar og ættum því
ekki að þurfa að lenda í rafmagnsleysi.
Það væri hins vegar afar slæmt ef
náttúruvá yrði til þess að orkuveitan
í Svartsengi gæfi sig. Hún sér öllum
Suðurnesjum fyrir heitu vatni og reyndar
köldu vatni að mestu leyti líka.”
Fannar segir að í áætlunum hafi verið
gert ráð fyrir að fjöldahjálparstöð yrði í
Hópsskóla en við nánari athugun hafi
komið í ljós að íþróttahúsið myndi henta
betur.
„Það hefur verið þumalputtaregla
hjá sveitarfélögum að hafa
fjöldahjálparstöðvar í skólum en það
er ekki endilega besti kosturinn. Við
ákváðum að við yrðum betur sett í
íþróttamiðstöðinni og höfum keypt
varaaflsstöð til að tryggja henni rafmagn í
neyðartilvikum.
Við höfum jafnframt rætt um að setja
upp varanlega rafstöð við dvalarheimilið.
Það er að mörgu að hyggja við aðstæður
sem þessar og ástæða til að hvetja
sveitarfélög til að fara yfir allar mögulegar
sviðsmyndir,” undirstrikar Fannar.
Bæjarlífið gengur sinn vanagang
Þegar líða tók á febrúar og framan
af mars höfðu allar aðstæður batnað
til muna. Hægt hafði á landrisi og
Fjallið Þorbjörn var mikið í sviðssljósinu meðan óvissustig varði við Grindavík í upphafi ársins. Ljósmynd: Kate Haynes á Unsplash