Skessuhorn - 29.01.2020, Blaðsíða 20

MIÐVIKUDAGUR 29. JANúAR 202020
Andrea Þ. Björnsdóttir er Skaga-
maður ársins 2019. Þetta var til-
kynnt á Þorrablóti Skagamanna
sem fram fór í Íþróttahúsinu við
Vesturgötu síðastliðið laugardags-
kvöld. Það er bæjarráð Akraness
sem staðfestir val á Skagamanni
ársins hverju sinni. Fram kom í
ávarpi sem Elsa Lára Arnardóttir,
formaður bæjarráðs flutti, að Andr-
ea hljóti verðlaunin fyrir óeigin-
gjarnt starf hennar við aðstoð við
þá sem glíma við alvarleg veikindi.
Hún er sífellt að gefa af sér í þágu
annarra og kjörorð hennar er „Það
er ljúft að hjálpa“. Þessa köllun hafi
hún fengið fyrir mörgum árum og
vill hún með því færa þakkir fyrir
þá aðstoð sem hún sjálf hefur þeg-
ið og börn hennar. Andrea nýtir
lausar stundir til að selja varning til
stuðnings þeim sem glíma við veik-
indi. Kaupir meðal annars afskurð
af lakkrís sem til fellur við fram-
leiðsluna í verksmiðjunni og sel-
ur ferskan eftir pöntunum og með
því að standa vaktir í verslanamið-
stöðvum og víðar. Nýtur hún einn-
ig aðstoðar barna sinna við söluna.
Andrea hefur staðið fyrir þessu
starfi í mörg ár, en þess má geta að
þetta er ekki í fyrsta skipti sem hún
er verðlaunuð fyrir mannúðarstörf
sín, en hún var kjörin Vestlending-
ur ársins 2016 af lesendum Skessu-
horns fyrir starf sitt í þágu sjúkra og
annarra sem þurfa aðstoð.
„Við þurfum alltaf að hjálpa
náunganum, megum ekki undir
neinum kringumstæðum gleyma
þeim sem hjálpar er þurfi,“ segir
Andrea í samtali við Skessuhorn og
bætir við: „Það er ekkert sem gef-
ur mér meira í lífinu en að leggja
þeim lið sem þurfa. Því er ég afar
þakklát fyrir þessa viðurkenningu
sem samfélagið hér á Akranesi er
að veita mér.“
Amma Andrea
Við kynningu á Skagamanni árs-
ins sagði Elsa Lára Arnardóttir
meðal annars: „Skagamaður árs-
ins er fæddur í Grundarfirði en
flutti hingað á Flórídaskagann fyr-
ir mörgum árum síðan. Hefur búið
hér á Skaganum og utan hans frá
þeim tíma, en flutti aftur heim fyr-
ir nokkrum árum síðan. Skaga-
maður ársins hefur sinnt ýmsum
störfum, m.a. í skóla, við heimilis-
hjálp og hjá HB Granda. Áhuga-
málin eru samvera með börnum
og barnabörnum, prjónaskapur,
bakstur og að láta gott af sér leiða.
Undanfarin ár hefur Skagamað-
urinn svo sannarlega látið gott af
sér leiða með því að safna fyrir þá
sem þurfa að takast á við stór verk-
efni í lífinu eins og alvarleg veik-
indi. Ég veit að stuðningurinn hef-
ur skipt máli og sá hlýhugur sem
fylgir í verki fer ekki fram hjá nein-
um. Leiðarljós Skagamanns árs-
ins í þessu verkefni er að gefa til
baka þann stuðning sem hann fékk
fyrir sjálfan sig og börnin sín fyr-
ir mörgum árum síðan. Þetta er
merki um fallegt hjartalag og ein-
staka hugsun. Samkvæmt mínum
upplýsingum elskar Skagamaður
ársins bleikt og engla. Skagamað-
ur ársins gengur oft undir nafninu
„Amma Andrea“ og er nafnið til
komið vegna þess að hún er tilbú-
in til að vera amma allra barna sem
þurfa á að halda.“
Góðverkum vill
gjarnan sinna
Líkt og venja er þegar Skaga-
maður ársins er valinn er flutt ljóð
sem Heiðrún Jónsdóttir starfmaður
á bæjarskrifstofu Akraneskaupstað-
ar hefur sett saman.
Flutti hingað forðum daga
fann sinn bústað hér á Skaga.
Oft þó væri ekki gaman
endum frægum ná hér saman,
og fengjust engir fullir sjóðir
fundust aðrir kostir góðir.
Ýmis störfin unnið hefur
af sér hlýju og kærleik gefur.
Góðverkum vill gjarnan sinna
gleðja þá sem hafa minna.
Aðstoðin var áður þegin,
annarra nú greiðir veginn.
Allskonar vill englum safna
aldrei bleikum litum hafna.
Elskar sína afkomendur,
öðrum börnum réttir hendur.
Faðmar krakkaanga alla,
ömmu hana margir kalla.
mm
Skýrsla Samtaka sveitarfélaga á
Vesturlandi, Öll él birtir upp um
síðir, kom út á mánudaginn í síð-
ustu viku, 20. janúar. Markmið
skýrslunnar var að greina hvaða
búsetuskilyrði væru líklegust til að
ýta undir fólksflutning úr sveit-
um. Var það gert með því að bera
saman ánægju íbúa í sveitum með
ýmis búsetuskilyrði við ánægju íbúa
í þéttbýli. „Þegar svörunum var
skipt upp á milli þessara aðila, kom
í ljós að búseta fyrri hópsins er að-
allega næm fyrir vinnumarkaðsleg-
um þáttum og því sem tengist þjón-
ustu við fjölskyldufólk,“ segir í frétt
á vef SSV, en þar er jafnframt farið
í stuttu máli yfir helstu niðurstöður
skýrslunnar. Nær öll búsetuskilyrði
eru metin verri til sveita en í þétt-
býli utan höfuðborgarsvæðisins.
Þeir þættir sem voru taldir bæði
verri og mikilvægari til sveita voru
þættir á borð við vegakerfið, far-
símasamband og nettengingar.
Svörun íbúa í dreifbýli var skipt
í tvennt; þá sem búa nær höfuð-
borgarsvæðinu og þá sem búa fjær
því. Mesti munurinn á hópunum
tveimur birtist í afstöðu þeirra til
samgöngu- og fjarskiptakerfa. Voru
þau metin bæði mikilvægari og
verri í sveitum fjær höfuðborgar-
svæðinu en þjónusta við eldri borg-
ara, kyrrð og ró, aðgangur að fjöl-
breyttri náttúru og gott mannlíf var
metið verra hjá þeim sem bjuggu
nær höfuðborginni.
Þeir þættir sem snúa að vinnu-
markaði, einkum möguleikar til
eigin atvinnureksturs og atvinnu-
öryggi, ásamt þjónustu við barna-
fólk eru líklegasti til að ýta undir
flutning fólks úr sveitum. „Gagn-
vart fólki sem starfar í landbúnaði
er búsetan lang viðkvæmust fyr-
ir atvinnuöryggi, en búseta þeirra
sem starfa í öðrum greinum er við-
kvæmust gagnvart mörgum þáttum
sem búseta í þéttbýli er viðkvæm
fyrir eins og t.d. fleiri vinnumark-
aðslegum þáttum (möguleika til
eigin atvinnurekstrus og atvinnuúr-
vals) og þjónustu við barnafólk. Þá
skipta nettengingar líka máli gagn-
vart seinni hópnum,“ segir í frétt
SSV.
Brú inn í framtíðina
Aðeins 30% þeirra sem bjuggu í
sveitum þegar skýrslan var unnin
kváðust starfa við landbúnað. Þeg-
ar svörunum var skipt upp á milli
þeirra sem það gerðu og hinna kom
í ljós að búseta fyrri hópsins er að-
allega næm fyrir vinnumarkaðsleg-
um þáttum og þjónustu við fjöl-
skyldufólk. Búseta hinna er næmari
fyrir nokkrum svipuðum þáttum og
þeirra sem búa í þéttbýli; vinnu-
markaðslegum þáttum, þjónustu
við barnafólk og eldriborgara, sem
og nettengingum og fleiru slíku.
„Báðir hóparnir eru framtíð sveit-
anna mikilvægir. Sá fyrri er sátt-
ur og búseta þeirra lítið næm fyrir
þeim 40 búsetuskilyrðum sem voru
til skoðunar. Hann er líka tenging
samfélagsins við ræturnar í sveit-
inni, söguna, sagnaarfinn og menn-
inguna. Búseta hins hópsins er mun
næmari fyrir hinum fyrrnefndu 40
þáttum,“ segir dr. Vífill Karlsson,
hagfræðingur hjá SSV, í samtali við
Skessuhorn. „Sá hópur starfar hins
vegar gjarnan við atvinnugreinar
sem eru í vexti, eins og sést t.d. í
því að nettengingar eru þeim mjög
mikilvægar, og stuðlar því að fjöl-
breytni mannlífs í íslenskum sveit-
um,“ bætir hann við. „Því má segja
að fyrri hópurinn myndi ákveðinn
stöðugleika og seiglu ef ekki grefur
illa undan stoðum landbúnaðarins
en sá seinni myndar brú inn í fram-
tíðina og gefur von um að ungt fólk
geti sest þar að og snúi óheppilegri
fækkun barnavólks við,“ segir Vífill
að endingu. Áhugasömum er bent á
að skýrslan í heild sinni er aðgengi-
leg á vef SSV.
kgk/ mm
Andrea er Skagamaður ársins 2019
Andrea Þ Björnsdóttir Skagamaður ársins 2019 með blóm og málverk eftir Bjarna
Þór Bjarnason listamann. Á myndinni má sjá hinn vakandi engil gnæfa yfir
Kirkjufellinu, á æskuslóðum Andreu. Ljósm. Sandra Björk.
Nær öll búsetuskilyrði verri til sveita
En hægt að snúa fólksfækkun við
Heyjað í bagga í vestlenskri sveit sumarið 2017. Myndin tengist efni fréttarinnar ekki með beinum hætti. Ljósm. úr safni/ sm.