Skessuhorn - 29.01.2020, Blaðsíða 31

MIÐVIKUDAGUR 29. JANúAR 2020 31
Körfuknattleikssamband Íslands
hefur sektað Körfuknattleiksfélag
ÍA um 50 þúsund krónur vegna
háttsemi stuðningsmanns félagsins í
leik ÍA og Njarðvíkur í bikarkeppni
10. flokks karla. Umræddur leikur
var spilaður á Jaðarsbökkum á Akra-
nesi 15. janúar síðastliðinn.
Í atvikaskýrslu frá dómara leiksins
kemur fram að undir lok leiks, þegar
leikmaður Njarðvíkur átti tvö víta-
skot, hafi ungur áhorfandi á bandi
heimaliðsins komið úr stúkunni að
endalínu og látið þar öllum illum
látum svo leikmaðurinn brenndi af
vítinu. Mat dómara var að þetta væri
óeðlileg truflun og lét hann endur-
taka vítið. Undir lok leiks fór áhorf-
andinn ungi síðan að varamanna-
bekk Njarðvíkinga, þar sem þeir
fögnuðu sigri og hrinti einum leik-
manni liðsins sem stóð uppi á stól.
Ýtti hann einnig við fleiri leikmönn-
um Njarðvíkur og þjálfara þangað
til formaður ÍA dró hann í burtu.
Fram kemur í úrskurði aga- og
úrskurðarnefndar KKÍ að ÍA harmi
atvikið og að áhorfandinn, ásamt
föður sínum, hafi haft samband við
formann KKÍ sama kvöld og beðist
afsökunar á hegðun sinni og reynt
að koma þeim skilaboðum áleiðs til
leikmanna Njarðvíkurliðsins.
Aga- og úrskurðarnefnd KKÍ
komst að þeirri niðurstöðu að hátt-
semi áhorfandans teljist vítaverð og
hættuleg og á engan hátt hluti af
leiknum. ÍA var því áminnt vegna
atviksins og gert að greiða sekt að
fjárhæð 50 þúsund krónur til KKÍ
vegna háttsemi áhorfandans.
kgk/ Ljósm. úr safni/ jho.
Skallagrímsmenn máttu játa sig
sigraða gegn sterku liði Hattar,
þegar liðin mættust í 1. deild karla
í körfuknattleik á föstudagskvöld.
Eftir jafnan og spennandi fyrri hálf-
leik tóku gestirnir stjórnina í þeim
síðari og sigruðu að lokum örugg-
lega, 64-88.
Borgnesingar byrjuðu leikinn
betur og leiddu 10-3 eftir fjögurra
míntúna leik. Þá tóku gestirnir við
sér, jöfnuðu metin og náðu foryst-
unni áður en upphafsfjórðungur-
inn var úti, 16-17. Leikurinn var í
járnum framan af öðrum fjórðungi.
Hverri körfu var svarað og liðin
skiptust á að leiða leikinn. Undir
lok fyrri hálfleiks náði Höttur að
komast yfir og halda forystunni og
fór með fjögurra stiga forskot inn í
hléið, 33-37.
Gestirnir frá Egilsstöðum byrj-
uðu síðari hálfleikinn af krafti. Með
góðum leikkafla tókst þeim að auka
forskot sitt í 14 stig þegar þriðji
leikhluti var rúmlega hálfnaður.
Borgnesingar tóku þá smá rispu
og minnkuðu muninn í sex stig, en
Höttur átti lokaorði í leikhlutanum
og fór með 16 stiga forskot inn í
lokafjórðunginn, 50-66. Þar héldu
þeir áfram að bæta við forskotið
jafnt og þétt og sigruðu að lokum
með 24 stigum, 64-88.
Kenneth Simms var atkvæða-
mestur í liði Skallagríms og var
hársbreidd frá því að setja upp
þrennu. Hann skoraði 17 stig, reif
niður 18 fráköst og gaf níu stoð-
sendingar. Kristófer Gíslason,
Davíð Guðmundsson og Kristján
Örn Ómarsson skoruðu níu stig
hver, Hjalti Ásberg Þorleifsson var
með sex stig, Almar Örn Björnsson
og Arnar Smári Bjarnason skor-
uðu fimm stig og Isaiah Coddon
og Marinó Þór Pálmason skoruðu
tvö.
Marcus Jermaine Van var stiga-
hæstur í liði Hattar með 24 stig og
ellefu fráköst að auki. Dino Stipcic
skoraði 18 stig, gaf sjö stoðsending-
ar og tók sex fráköst, Matej Karlo-
vic var með 15 stig og Sigmar Há-
konarson ellefu.
Skallagrímur hefur fjögur stig
í áttunda sæti deildarinnar, jafn
mörg og Snæfell í sætinu fyrir ofan
en tveimur stigum meira en botn-
lið Sindra, sem er einmitt andstæð-
ingur Borgnesinga í næstu umferð.
Leikur Skallagríms og Sindra fer
fram á Höfn í Hornafirði næstkom-
andi föstudag, 31. janúar. kgk
Snæfellingar riðu ekki feitum hesti
frá viðureign sinni gegn sterku
liði Breiðabliks þegar liðin mætt-
ust í 1. deild karla í körfuknatt-
leik á föstudagskvöld. Leikið var
í Stykkishólmi. Eftir jafnan upp-
hafsfjórðung tóku gestirnir að síga
fram úr og unnu að lokum stórsig-
ur, 73-111.
Fyrsti leikhluti var sem fyrr segir
mjög jafn. Liðin fylgdust að lengst
framan af og mestu munaði fjórum
stigum, í stöðunni 24-20 fyrir Snæ-
felli. Allt þar til á lokamínútum
leikhlutans þegar gestirnir skoru-
ðu ellefu stig í röð og leiddu með
sjö stigum að upphafsfjórðungnum
loknum, 24-31. Munurinn hélst
meira og minna óbreyttur framan
af öðrum leikhluta. En þegar fór að
líða nær hálfleiknum tóku Blikar að
síga lengra og lengra fram úr. Þe-
gar hálfleiksflautan gall voru þeir
komnir með 20 stiga forystu, 40-60
og róður Snæfellinga heldur betur
tekinn að þyngjast.
Breiðablik hafði góð tök á leik-
num í síðari hálfleik og Snæfell-
ingum tókst ekki að laga stöðuna.
Þvert á móti juku Blikar forskotið
hægt en örugglega í þriðja leikhluta
og leiddu 58-89 að honum loknum.
Það sama var uppi á teningnum í
lokafjórðungnum og leiknum lauk
með stórsigri Blika, 73-111.
Anders Gabriel Andersteg var at-
kvæðamestur í liði Snæfells með 27
stig, níu fráköst og sjö stoðsendin-
gar. Brandon Cataldo skoraði 16
stig og tók ellefu fráköst, Guðni
Sumarliðason var með níu stig og
fimm fráköst, Benjamin Kil sko-
raði sjö stig, Aron Ingi Hinriksson
var með sex stig, Ellert Þór Her-
mundarson þrjú, Valdimar Hannes
Lárusson og Benjamín Ómar
Kristjánsson skoruðu tvö stig hvor
og Ísak Örn Baldursson skoraði eitt
stig.
Snorri Vignisson var stigahæstur
Blika með 32 stig og fimm fráköst
að auki. Larry Thomas skoraði 15
stig og tók átta fráköst, Sveinbjörn
Jóhannesson skoraði tólf stig og tók
sex fráköst, Dovydas Strasunskas
skoraði tólf stig einnig og þeir Stei-
nar Snær Guðmundsson og Bjarni
Geir Gunnarsson skoruðu tíu stig.
Snæfellingar hafa fjögur stig
í sjöunda sæti deildarinnar, jafn
mörg og Skallagrímur í sætinu fyrir
neðan en sex stigum minna en Sel-
foss í sætinu fyrir ofan. Næsti leikur
Snæfells er heimaleikur gegn Ves-
tra mánudaginn 3. febrúar. kgk
Snæfell sigraði Skallagrím örugg-
lega í Vesturlandsslag Domino‘s
deildar kvenna í körfuknattleik.
Liðin mættust í Stykkishólmi á
fimmtudagskvöld. Það voru Hólm-
arar sem höfðu yfirhöndina stærst-
an hluta leiksins og sigruðu að lok-
um með 19 stigum, 73-54.
Snæfellskonur voru öflugar í
upphafi leiks. Þær skoruðu fyrstu
sjö stigin áður en Borgnesingar
komust á blað. Snæfell réði ferð-
inni í fyrsta leikhluta, komst í 19-5
seint í leikhlutanum áður en Skalla-
grímskonur tóku smá rispu og lög-
uðu stöðuna í 19-10 áður en upp-
hafsfjórðungurinn var úti. Mun-
urinn á liðunum var í kringum tíu
stig framan af öðrum leikhluta, en
á lokamínútum fyrri hálfleiks voru
Skallagrímskonur sterkari. Þær
minnkuðu muninn í þrjú stig þegar
leikhlutinn var rúmlega hálfnaður.
Allt í allt skoruðu þær 20 stig gegn
16 í öðrum fjórðungi og því mun-
aði ekki nema fimm stigum á liðun-
um í hálfleik. Snæfell leiddi, 35-30
og leikurinn galopinn.
Jafnræði var með liðunum fram-
an af þriða leikhluta. Skallagríms-
konur minnkuðu muninn í þrjú stig
þegar leikhlutinn var um það bil
hálfnaður en eftir það tóku Snæ-
fellskonur smá rispu og höfðu átta
stiga forskot fyrir lokafjórðung-
inn. Þar höfðu heimakonur yfir-
höndina. Skallagrímskonum tókst
ekki að gera atlögu að Snæfells,
sem hélt forystu sinni um það bil
óbreyttri framan af leikhlutanum.
Á lokamínútum leiksins tóku Snæ-
fellskonur síðan mikinn endasprett
og sigruðu að lokum með 19 stiga
mun, 73-54.
Amarah Coleman var stigahæst í
liði Snæfells með 18 stig, níu frá-
köst og átta stolna bolta. Anna
Soffía Lárusdóttir skoraði 13 stig
og tók sjö fráköst, Emese Vida var
með tíu stig og tólf fráköst og Re-
bekka Rán Karlsdóttir var með tíu
stig einnig. Veera Pirttinen skor-
aði níu stig og gaf sjö stoðsending-
ar, Gunnhildur Gunnarsdóttir var
með níu stig og sex fráköst, Björg
Guðrún Einarsdóttir skoraði þrjú
stig og Helga Hjördís Björgvins-
dóttir skoraði eitt.
Keira Robinson var stigahæst í
liði Skallagríms með 21 stig og ell-
efu fráköst að auki. Emilie Hessel-
dal skoraði 16 stig og tók tólf frá-
köst, Sigrún Sjöfn Ámundadóttir
skoraði tíu stig og tók ellefu frá-
köst, Árnína Lena Rúnarsdóttir var
með þrjú stig og þær Maja Mic-
halska og Mathilde Colding-Poul-
sen skoruðu tvö stig hvor.
Staða liðanna í deildinni er
þannig að Skallagrímskonur sitja í
fimmta sæti með 20 stig, tveimur
stigum á eftir Haukum í sætinu fyr-
ir ofan og í mikilli baráttu um sæti
í úrslitakeppninni. Snæfellskonur
sigla hins vegar nokkuð lygnan sjó
í sjötta sæti með tíu stig og hafa sex
stiga forskot á Breiðablik í sætinu
fyrir neðan.
Bæði lið leika næst í kvöld, mið-
vikudaginn 29. janúar. Skallagrím-
ur fær KR í heimsókn í Borgarnes
en Snæfellskonur mæta Grindavík
suður með sjó.
kgk
Kristján Örn Ómarsson á hér greiða leið að körfunni í leiknum gegn Hetti.
Ljósm. Skallagrímur.
Gestirnir sterkari
í síðari hálfleik
Áhorfandi veittist að
leikmönnum og þjálfara
Anna Soffía Lárusdóttir brýst í gegnum vörn Skallagríms. Ljósm. sá.
Snæfellskonur réðu ferðinni
í Vesturlandsslagnum
Anders Gabriel Andersteg var at-
kvæðamestur Snæfellinga þegar liðið
tapaði gegn Breiðabliki. Ljósm. sá.
Snæfellingar töpuðu stórt