Morgunblaðið - 29.08.2020, Blaðsíða 51

MENNING 51
MORGUNBLAÐIÐ LAUGARDAGUR 29. ÁGÚST 2020
Nánari upplýsingar um sýningartíma á sambio.is
Magnaður nýr spennuþriller
með Russell Crowe í aðalhlutverki.
SÝND MEÐ ÍSLENSKU
OG ENSKU TALI
AÐRAR MYNDIR Í
SÝNINGU:
* Tröll 2 (ísl. tal)
* Hvolpasveitin (ísl. tal)
* My Spy
* The Postcard
Killings
* The Secret : Dare to
dream
FYRSTA STÓRMYND ÁRSINS
Nýjasta Meistaraverk
Christopher Nolan
SÝND MEÐ
ÍSLENSKU TALI
Frábær ný teiknimynd fyrir
alla fjölskylduna.★★★★★
★★★★★
★★★★★
The Guardian
The Times
The Telegraph
TÓNLIST
Arnar Eggert Thoroddsen
arnareggert@arnareggert.is
Ég hitti Atla í Breiðdalsvík ísumar, í glæsilegu kaup-félagi þess staðar. Hann var
þar á stjákli að gera nákvæmlega
sömu hluti og feður á ferðalagi gera.
Kaupa sælgæti handa krökkunum,
virða fyrir sér matseðilinn, spyrja
hvort reitt sé fram kakó. Ég sá hann
álengdar, en ég hef aldrei talað við
manninn, þrátt fyrir að hafa sinnt
tónlistarskrifum í rúm tuttugu ár.
Ákvað því að kynna mig (og taldi lík-
legra en ekki að hann myndi kannast
við mig, nafnið a.m.k.). Það gerði
hann og kveðjan var kumpánleg,
ekki nema mátulega vandræðaleg.
Vinsamleg fyrst og fremst. Brosið
var breitt og hlýlegt.
Ég man þegar Stuðkomp-
aníið vann Músíktilraunir
árið 1987. Var þrettán ára.
Og fílaði „Jólastund“ (og
geri enn). Maður vissi svo af
Atla næstu árin. Hann slóst
í lið með Sálinni hans Jóns
míns og Síðan skein sól m.a. og var
eitt af þessum nöfnum sem voru
áberandi í íslenskum dægurtónlist-
arheimi.
Það var svo liðið aðeins inn í
fyrsta áratuginn þegar ég fer að
Með fast land undir fótum
Tónskáld Músíkin á hug og hjarta Atla Örvarssonar og hefur alltaf átt.
heyra nafnið hans aftur nokkuð títt
en þá í tengslum við tónlist fyrir
sjónvarp og kvikmyndir. Fyrsta
kvikmyndaverkefnið var
Stuart Little 3 og snemma
fór hann að vinna með Hans
Zimmer sem er eitt allra
þekktasta kvikmynda-
tónskáld heims í dag.
Myndir eins og Edge of Se-
venteen og The Hitman‘s Body-
guard hafa verið tónsettar af Atla og
stærð verkefnanna vex, hægt en bít-
andi. Ég nefni líka í þessu samhengi
undurfagra tónlist hans við Hrúta og
vinnu hans við jólaplötu systur hans,
Hildu Örvarsdóttur. Bæði verkefnin
til mikillar prýði þó ólík séu. Nú, svo
sá hann einnig um Evróvisjónmynd
Will Ferrell.
Og allt þetta sem ég hef verið að
nefna hefur reyndar verið unnið eft-
ir að Atli flutti aftur til Akureyrar,
heimabæjar síns, árið 2014. Atli tal-
ar um að bærinn hefði farið að seiða
hann til sín á ný, bærinn sem hann
vildi ekkert frekar en að komast frá í
eina tíð. Þar hefur hann nú komið
sér haganlega fyrir í eigin hljóðveri
og sinnir verkefnum af ýmsum toga.
Þar á meðal hefur hann nú lokið
sinni fyrstu eiginlegu sólóplötu, You
are here, sem ég ætla að hugsa að-
eins um hérna ásamt þér, lesandi
góður.
Það er ekki sérstaklega algengt,
þegar fólk er komið djúpt í feril sem
kvikmyndatónskáld, að það finni hjá
sér þörf til að stíga út fyrir það svið
og búa til frístandandi plötur. Jó-
hann heitinn Jóhannsson gerði þetta
að vísu. Hann hafði reyndar byrjað
ferilinn þannig og kvikmyndatónlist-
in fór að taka meira pláss með ár-
unum getum við sagt. Atli er að því
leytinu til að fara öfugum megin inn.
Mér varð hugsað til Jóhanns þegar
ég hlustaði á þessa plötu Atla, ekki
endilega vegna líkinda í formi, held-
ur varð mér hugsað til þessarar
þarfar sem Jóhann hafði, að gera
„sitt“, ekki bara það sem kvik-
myndamiðillinn kallar eftir, því að
tónspor kvikmynda tekur alltaf eðli-
lega mið af þeirri stemningu sem á
skjánum er. Ég sá svo eftir á, þegar
ég var að rannsaka fyrir þessa grein,
að Atli nefnir Jóhann í viðtali við
Bergstein Sigurðsson um þessa
plötu, að sviplegt fráfallið hafi ein-
mitt ýtt honum út í það að klára
þetta verk. You are here er vissu-
lega kvikmyndaleg en það er ekki al-
veg svo einfalt. „Húm“, hlutar eitt
og tvö, keyrir hana af stað, höfug
verk og nokk voldug. „Dropar“ (hvar
Gyða Valtýsdóttir leikur á selló) er
sorgarþrungið, hægt lag og umlykj-
andi – eiginlega stillt. Platan öll situr
einhvern veginn á milli þessara póla.
Tónlistin á það til að vera stór en
oggulítil líka. Síðasta lagið, „Solid
Ground“, unnið með Viktori Orra
Árnasyni, er naumhyggjulegt, hæg
píanóslög í tóminu, ris er svo gefið til
kynna frekar en að það eigi sér stað
og svo rennur lagið snoturlega út í
sandinn. Með reisn.
Atli hefur talað um að hann hafi
fundið innri frið heimkominn. Það er
nóg að hlýða á þessa plötu til að
sannfærast um það.
» Platan situr ein-hvern veginn á milli
þessara póla. Tónlistin á
það til að vera stór en
oggulítil líka.
Fyrsta sólóplata Atla
Örvarssonar, kvik-
myndatónskálds með
meiru, kallast You Are
Here. Þar sveigir hann
að vissu leyti frá
viðteknum venjum
kvikmyndatónlist-
arformsins þó að sá
starfsvettvangur hans
móti verkið sumpart
líka.
Spænsk-íslensk
heimildarmynd,
Humarsúpa eða
Lobster soup á
ensku, verður
sýnd á alþjóðlegu
kvikmyndahátíð-
inni í San Sebast-
ian á Spáni nú í
haust en hún er
ein af þeim virt-
ari sem haldnar
eru árlega í heiminum og flokkast
sem A-hátíð. Myndin verður sýnd í
flokkinum Zinemira sem helgaður
er kvikmyndum á alþjóðlegum
markaði og eru framleiddar að ein-
hverju leyti í Baskalandi. Humar-
súpa var framleidd af íslenska fyrir-
tækinu Axfilms ehf. og spænsku
fyrirtækjunum SUICAfilms og REC
Grabaketa Estudioa og var hún tek-
in upp með hléum frá nóvember
2017 fram í maí á þessu ári.
Umfjöllunarefni myndarinnar er
mannlífið á veitingahúsinu Bryggj-
unni í Grindavík og spænskir höf-
undar myndarinnar eru Pepe And-
reu og Rafa Molés. Þeir komu fyrst
til Íslands árið 2006, heilluðust af
mannlífinu á Bryggjunni og sneru
svo aftur 11 árum síðar. Hafði þá
orðið mikil breyting á íslensku sam-
félagi og þær breytingar leiddu til
þess að þeir ákvaðu að gera heimild-
armynd um staðinn og mannlífið.
Ólafur Rögnvaldsson hjá Axfilms sér
um íslenskan hluta framleiðslunnar
og kom hann einnig að handritsgerð
og annaðist hluta kvikmyndatöku.
Humarsúpa sýnd
í San Sebastian
Ólafur
Rögnvaldsson
Fegurðin býr í
litunum nefnist
sýning sem opn-
uð var í fyrradag
í Galleríi Gróttu.
Guðrún Gunn-
arsdóttir sýnir
þar verk sín sem
sögð eru óður til
lífsins og hug-
mynd um bjart-
ari og litfegurri
tíma. Guðrún hefur unnið að
frjálsri myndsköpun og textílhönn-
un frá árinu 1976.
Um bjartari og
litfegurri tíma
Guðrún
Gunnarsdóttir