Morgunblaðið - 19.11.2020, Side 55

Þóra Kolbrá Sigurðardóttir
thora@mbl.is
Að sögn Silju Mistar, markaðsstjóra
Nóa-Síríusar, er unnið hörðum
höndum að því að tryggja að allir fái
sitt konfekt. „Nóa-konfektið skipar
stóran sess í jólahaldinu hjá mörg-
um og við berum ómælda virðingu
fyrir því. Eins og staðan er núna er
allt kapp lagt á að framleiða eins
mikið og hægt er innan þeirra
reglna sem gilda. Það sem gerir okk-
ur erfitt fyrir er að allt konfektið
okkar er handgert og þar sem venju-
lega eru rúmlega 30 manns á fram-
leiðslulínunni eru einungis tíu núna,“
segir Silja Mist. Allt kapp sé þó lagt
á að framleiða konfektið. „Það er
einungis leyfi fyrir tíu manns í fram-
leiðslusalnum sjálfum og því höfum
við leitað allra leiða til að nýta annað
rými til að geta haldið fram-
leiðslugetunni að einhverju leyti.“
Einstakur starfsandi hjá Nóa
Ástandið í kjölfar Covid-19 hefur
haft í för með sér verulega krefjandi
áskoranir fyrir starfsfólk Nóa-
Síríusar en Silja segir að það sem
standi upp úr sé án efa samstaðan
meðal starfsfólks og hvað allir eru
tilbúnir að gera allt til að láta hlutina
ganga. „Venjulega erum við hætt að
framleiða jólavörurnar viku fyrir jól
en nú er ljóst að við verðum að fram-
leiða alveg fram á aðfangadag til að
tryggja að allir fái sitt konfekt. Og
það eru allir til í það! Eftirspurnin er
til staðar og við gerum allt sem við
getum til að mæta henni,“ segir Silja
Mist en Nói-Síríus fagnar 100 ára af-
mæli sínu í ár og er því eitt elsta
fyrirtæki landsins. „En þessi andi
meðal starfsfólksins kemur mér
ekkert á óvart. Hér er gott að vinna
og starfsmannaveltan afar lítil.
Dæmi eru um fólk sem hefur unnið
hér áratugum saman og það er það
sem gerir Nóa-Síríus að því fyrir-
tæki sem það er. Hér ríkir fjöl-
skylduandi og það skilar sér – ekki
síst þegar virkilega þarf á að halda,“
segir Silja.
Nýju molarnir vekja lukku
Fyrirtækið tilkynnti fyrr á árinu
að fjórir nýir molar væru vænt-
anlegir í sjálft Nóa-konfektið og
vakti það mikla athygli enda kon-
fektið rótgróin eftirlætisvara með
áratuga hefð. „Nýju molarnir hafa
fengið frábærar viðtökur enda
skemmtileg viðbót við konfektkass-
ana. Það er saga á bak við molana og
þróun þeirra og mér finnst það gæða
vöruna enn meira lífi.“ Aðspurð seg-
ir Silja að pressan eftir nægu kon-
fekti fyrir jólin sé síst minni nú þeg-
ar eftirvæntingin vegna nýju
molanna bætist við. „Nei, áhuginn er
meiri en nokkru sinni. Þess vegna
ætlum við að gera allt sem í okkar
valdi stendur til að hafa nóg á boð-
stólum fyrir alla í aðdraganda jóla.“
Höldum sterkt í hefðirnar
Framleiðsla Nóa-Síríusar er tals-
vert viðamikil og jólavenjur þjóð-
arinnar tengjast fjölmörgum vörum
frá fyrirtækinu sem seljast fyrir
bragðið í auknum mæli í aðdraganda
jóla.
„Það er að sjálfsögðu konfektið,
enda ómissandi um hátíðarnar.
Sama er að segja um bökunarvör-
urnar og allt í baksturinn eins og
suðusúkkulaðið, ásamt nýjum hátíð-
arvörum hvers árs,“ útskýrir Silja.
„Nýju bökunarvörurnar í ár eru
trompkurl og súkkulaðihúðaðar
krispkúlur.“
En hefur smekkur landsmanna
breyst? „Við höldum sterkt í hefð-
irnar og konfektið er fastur liður á
jólunum hjá fólki, ekki síst sá fallegi
siður að gefa Nóa-konfektið í jóla-
gjöf. Fólk fær sér heitt súkkulaði úr
suðusúkkulaðinu okkar um hátíð-
arnar, en á sama tíma tekur landinn
öllum nýjungum svakalega vel. Sem
dæmi nefni ég nýju konfektmolana
fjóra, nýjungar frá okkur hafa aldrei
fengið aðrar eins viðtökur og fólk
bara getur ekki beðið eftir að
smakka.“
Gera allt til að mæta eftirspurninni
Kórónuveiran hefur snúið flestum hliðum daglegs
lífs okkar á hvolf og fátt sem kemur orðið á óvart í
þeim efnum. En það síðasta sem við áttum líklega
von á var að hinum árvissu sælustundum okkar á
aðventunni með konfektinu frá Nóa-Síríusi væri
teflt í tvísýnu. Vegna fjöldatakmarkana í fram-
leiðslusalnum eru blikur á lofti hvað framboðið
varðar en ekki er þó öll nótt úti enn.
Morgunblaðið/Kristinn Magnússon
Munu gera sitt besta Silja Mist
Sigurkarlsdóttir, markaðsstjóri
Nóa-Síríusar, segir að starfsfólk
fyrirtækisins muni gera sitt besta
til að allir fái sitt konfekt.
MORGUNBLAÐIÐ FIMMTUDAGUR 19. NÓVEMBER 2020
Aðalstræti 2 | s. 558 0000
JÓLIN ERU BYRJUÐ
„Upplifðu jólin” og „Jólaleyndarmál
Matarkjallarans” eru mætt aftur í sal
Jólaboðið heim – lágmark fyrir 2
5 forréttir til að deila, 2 aðalréttir
og jóla eftirréttur – 9.990 kr. á mann
25% afsláttur ef sótt
Pantaðu á www.matarkjallarinn.is
á Matarkjallaranum
„Jólakaffið er ómissandi hluti af aðventunni og bíða
margir með eftirvæntingu eftir jólakaffinu okkar,“ segir
Ása Ottesen markaðsstjóri hjá Te & kaffi.
„Við ákváðum að fara í breytingar á útliti á öllum okk-
ar jólavörum og vildum koma með eitthvað alveg nýtt
þar sem við höfum verið að vinna með rauðan lit á vörum
og umbúðum í mörg ár. Blátt þema varð fyrir valinu þar
sem við vildum fanga stemningu á kaldri og stjörnu-
bjartri íslenskri vetrarnótt. Við erum gríðarlega ánægð
með útkomuna sem við unnum í samstarfi við Öggu
Jónsdóttur á auglýsingastofunni Pipar,“ segir Ása um
nýju umbúðirnar.
Umhverfisvænar umbúðir
„Við höfum sett okkur skýra stefnu í umhverfismálum
og markmið um grænna fyrirtæki. Liður í því eru um-
hverfisvænni umbúðir og er jólakaffið okkar í vistvænum
umbúðum unnum úr plöntusterkju. Það má því annað-
hvort flokka þær í lífrænt eða almennt sorp,“ segir Ása
að lokum en kaffið er komið í allar helstu verslanir.
Ilmríkt jólakaffi í vistvænum umbúðum
Það er alltaf ákveðin dulúð og spenningur sem fylgir jólakaffinu sem er þessa
dagana að detta í verslanir. Hjá Te & kaffi liggur margra mánaða undirbún-
ingur að baki sem skilar sér í þéttu og bragðmiklu kaffi með einstökum ilmi.