Morgunblaðið - 26.11.2020, Side 2

2 FRÉTTIRInnlent
MORGUNBLAÐIÐ FIMMTUDAGUR 26. NÓVEMBER 2020
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Andrés Magnússon andres@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson
menning@mbl.is Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Helgi Bjarnason
helgi@mbl.is
Ástæða þess að stefnu meirihlutans í
Reykjavík og samþykkt borgar-
stjórnar um að stytta tímann á milli
ferða á völdum leiðum Strætó hefur
ekki verið hrint í framkvæmd er
kostnaður og tafir í umferðinni. Hins
vegar kemst loforð um að frítt verði í
Strætó fyrir börn undir tólf ára aldri
til framkvæmda við gjaldskrárbreyt-
ingar um komandi áramót.
Ekki trúverðugt
Eyþór Arnalds, oddviti sjálfstæðis-
manna í borgarstjórn Reykjavíkur,
vakti athygli á því í pistli í Frétta-
blaðinu í gær að umrædd kosninga-
loforð meirihlutans vegna Strætó
hefðu ekki verið efnd. Eyþór segir í
samtali við Morgunblaðið að í meiri-
hlutasáttmála flokkanna sem fara
með stjórn borgarinnar hafi því verið
lofað að tíðni á helstu stofnleiðum
yrði aukin í 7,5 mínútur á háannatím-
um. Málið hafi verið tekið upp í borg-
arstjórn um haustið og samþykkt
með 22 atkvæðum. Rætt hafi verið
um þrjár helstu leiðir Strætó.
„Reykjavíkurborg er stærsti eig-
andi Strætó og töldum við að málið
væri klappað og klárt. Svo var ekki
heldur hefur ferðum þvert á móti ver-
ið fækkað á þessu ári og það rökstutt
með kórónuveirufaraldrinum,“ segir
Eyþór.
Hann heldur áfram. „Í stað þess að
standa við það sem lofað var tvisvar
er bara talað um borgarlínu. Maður
spyr sig hversu trúverðugt það er að
standa ekki við það sem lofað er og
samþykkt er í borgarstjórn og lofa í
staðinn að borgarlínan muni leysa öll
samgönguvandamálin. Það er ekki
trúverðugt. Það er oft meira að
marka það sem fólk gerir en það sem
það segist ætla að gera.“
Stefnan óbreytt
Hjálmar Sveinsson, borgarfulltrúi
Samfylkingarinnar og formaður
stjórnar Strætó, segir það rétt að
aukin tíðni Strætó hafi verið á stefnu-
skrá meirihlutans og í samþykkt
borgarstjórnar. Hann segir að stjórn
Strætó hafi beðið um að reiknaður
yrði út kostnaðarauki við að auka
ferðatíðni á völdum stofnleiðum.
„Kom í ljós að kostnaðurinn er býsna
mikill, samanlagt nokkur hundruð
milljónir króna. Þar við bætist að
einn meginvandi Strætó í umferðinni
er skortur á sérreinum. Hætt er við
að vagnarnir sitji fastir í umferðinni
og þá er til lítils að auka tíðnina. Þetta
eru ástæðurnar fyrir því að ekki hef-
ur orðið af þessu ennþá,“ segir
Hjálmar.
Hann tekur fram að meirihlutinn
hafi ekki breytt um stefnu í þessu
máli, vilji sé til þess að auka tíðni í 7,5
mínútur á helstu stofnleiðum og bæt-
ir því við að þegar borgarlínan fari af
stað sé miðað við 7 mínútna tíðni á há-
önn. Vonast Hjálmar til að hægt verði
að auka tíðnina fyrir lok kjörtímabils-
ins en treystir sér ekki til að lofa því.
Hjálmar getur þess að tíðni á leið-
um 1 og 6 hafi verið aukin á síðasta
kjörtímabili. Þar aka vagnarnir á tíu
mínútna fresti. Þarf því aðeins að
auka tíðni þar um tvær og hálfa mín-
útu. Aftur á móti er ekið á fimmtán
mínútna fresti á leið 3 og þar þarf að
auka tíðnina um sjö og hálfa mínútu.
Börnin fá frítt í Strætó
Varðandi hitt loforð meirihlutans
um Strætó að börn undir tólf ára aldri
fái frítt í strætó í fylgd með fullorðn-
um, segir Eyþór að börn þurfi enn að
borga. „Svo kann að fara að þessu
verði lofað yfir á næsta kjörtímabil,
allavega er þetta ekki enn komið í
framkvæmd þótt langt sé liðið á kjör-
tímabilið,“ segir Eyþór.
„Eins og Eyþór veit er að koma ný
gjaldskrá og gjaldskrárstefna um
áramótin. Þar er gert ráð fyrir að
börn undir 12 ára aldri fái frítt í
strætó. Það gengur því eftir sem tal-
að var um,“ segir Hjálmar.
Ekki búið að auka tíðni Strætó
 Eyþór Arnalds kallar eftir efndum á loforðum meirihluta borgarstjórnar um aukna ferðatíðni Strætó
 Hjálmar Sveinsson segir að aukin tíðni kosti hundruð milljóna og vagnar sitji fastir í umferðinni
Hjálmar
Sveinsson
Eyþór
Arnalds
Guðni Einarsson
gudni@mbl.is
Mjög dró úr alvarlegum sýkingum
af völdum þriggja algengra baktería
þegar gripið var til sóttvarnaað-
gerða gegn útbreiðslu kórónuveiruf-
araldursins fyrr á þessu ári.
Karl Gústaf Kristinsson, yfir-
læknir sýkla- og veirufræðideildar
Landspítalans og prófessor við Há-
skóla Íslands, segir að þetta hafi
komið fram í fjölþjóðlegri rannsókn
sem Ísland tók þátt í. Hún náði til
26 landa í sex heimsálfum og er
samstarf rannsóknastofanna kallað
IRIS.
„Þetta eru mikilvægar bakteríur
sem geta leitt til sýkinga í blóði,
lungnabólgu og heilahimnubólgu.
Þessar algengu bakteríur eru
pneumókokkar (Streptococcus
pneumoniae),
Haemophilus
influenzae og
meningókokkar
(Neisseria men-
ingitidis). Þetta
eru allt bakteríur
sem við bólusetj-
um fyrir núna og
þess vegna er t.d.
heilahimnubólga
orðin mjög sjald-
gæf hér á landi. Allar þessar bakt-
eríur geta einnig valdið blóðsýking-
um, sérstaklega pneumókokkarnir.“
Karl sagði rannsóknina sýna að
sýkingum af völdum þessara þriggja
baktería hefði fækkað mjög mark-
tækt mikið á liðnu vori, á Íslandi
eins og í öðrum löndum. Það gerðist
án tillits til þess hvað sóttvarnaað-
gerðir voru strangar í einstökum
löndum, t.d. hvort skólum var lokað
eða ekki.
Rannsökuð var til samanburðar
baktería (S. agalactiae) sem er al-
geng í þvagfærasýkingum, en getur
valdið alvarlegum sýkingum hjá ný-
burum og hjá öldruðum. Engin
breyting varð á útbreiðslu hennar
þrátt fyrir sóttvarnaaðgerðirnar.
„Við viljum meina að ástæðan sé
sú að þessir þrír sýklar sem fækkaði
í vor smitast um öndunarfærin,
gjarnan með dropasmiti, eins og
kórónuveiran sem veldur Covid-19.
Aðgerðirnar sem gripið var til
vegna heimsfaraldursins virðast
hafa haft áhrif á útbreiðslu þessara
baktería og minnkað dreifingu
þeirra,“ sagði Karl. Hann sagði
þessa niðurstöðu ekki koma á óvart
en það væri ánægjulegt að fá þetta
staðfest.
Færri bakteríusýkingar
 Sóttvarnaaðgerðir drógu úr útbreiðslu algengra sýkla
Karl G.
Kristinsson
Víðir Reynisson,
yfirlögregluþjónn
almannavarna,
greindist í gær
með kórónu-
veirusmit. Hann
hafði þá verið í
sóttkví frá mánu-
degi. Víðir hefur
verið fremstur í
flokki í barátt-
unni við kórónu-
veirufaraldurinn og segir sitt smit
sýna hversu lúmsk veiran er. Á því
hafi hann hamrað síðan í febrúar.
„Í mínu tilfelli finnum við ekki
hvaðan við fengum þetta smit. Við
hjónin erum með þetta og það er
búin að vera mikil smitrakning og
skimun í kringum okkur en það
finnst ekkert,“ sagði Víðir í samtali
við mbl.is í gær.
Sjö kórónuveirusmit greindust
innanlands í fyrradag. Fimm voru
utan sóttkvíar við greiningu en hin-
ir tveir í sóttkví. Tvö smit greindust
við landamæraskimun. Annað smit-
ið er virkt en hitt gamalt. 736 sýni
voru tekin innanlands í gær og 157 í
landamæraskimun.
176 eru í einangrun, 291 í sóttkví
og 878 í skimunarsóttkví. 45 liggja á
sjúkrahúsi en þar lágu 43 í fyrra-
dag.
Víðir með
veirusmit
Víðir
Reynisson
Eftir 40 daga siglingu frá Guangzhou í Kína er
Brúarfoss, nýtt gámaskip Eimskips, komið til
landsins. Karl Guðmundsson skipstjóri sést hér
sigurreifur eftir að hafa stigið í land við komuna
í gærkvöldi. Brúarfoss staldrar þó stutt við og er
förinni nú heitið rakleiðis til Nuuk á Grænlandi.
Nýjasta gámaskip Eimskips loksins komið í höfn
Morgunblaðið/Kristinn Magnússon