Gerðir kirkjuþings - 2018, Page 23

23
4374 í Hvalfjarðarsveit. Kirkjuráð gerir ekki athugasemdir við aðilaskiptin og samþykkir
þau fyrir sitt leyti. Þá var tekið fyrir erindi RARIK ohf. vegna endurnýjunar á háspennulínu
að Melstað í Miðfirði. Kirkjuráð samþykkir að ganga til samkomulagsins og áritar það
til staðfestingar. Þá var tekið fyrir erindið Reykhólar, prestbústaður, tilboð um kaup á
íbúð í raðhúsi. Kirkjuráð samþykkir að ganga til samninga við byggingaraðilann, felur
fasteignasviði málið og framkvæmdastjóra að undirrita yfirlýsinguna. Þá var tekið fyrir
erindið Reykholtsskógar, samningur. Kirkjuráð samþykkir samninginn, felur ábúanda að
undirrita hann og framkvæmdastjóra að staðfesta hann f.h. kirkjumálasjóðs. Að lokum
var tekið fyrir mál er varðaði Staðastað, auglýsingu um laust embætti. Kirkjuráð ályktar
að hlunnindi jarðarinnar verði undanskilin í auglýsingunni með sama hætti og fordæmi
eru fyrir. Jörðin verði ekki afhent nýjum sóknarpresti fyrr en niðurstaða fæst í deilur um
landamerki. Ákvörðun um að undanskilja hlunnindin verði eftir atvikum endurskoðuð
þegar starfshópur um hlunnindamál prestsetursjarða lýkur störfum.
Á (2)73. fundi hinn 9. janúar 2018 var tekið fyrir erindið Glaumbær, Sauðárkrókslína
2, erindi Landsnets. Lagt var fram erindi Landsnets ásamt lýsingu á línustæði og sam-
þykkis yfirlýsingu. Stjórnarmaður Landsnets, Svana Helen Björnsdóttir, kirkjuráðsmaður
vék sæti við afgreiðslu málsins. Kirkjuráð samþykkir erindið.
Á (2)74. fundi hinn 20. febrúar 2018 var tekið fyrir erindið Hruni. Lóðarblað fyrir jörðina
Berghyl. Kirkjuráð gerir ekki athugasemdir við lóðarblaðið og telur það vera í fullu
samræmi við fyrirliggjandi gögn um landamerki jarðanna. Þá var tekið fyrir Skálholtsbúið,
úttekt skv. ábúðarlögum. Kirkjuráð hefur kynnt sér skýrsluna og gerir ekki athugasemdir
við hana.
Á (2)75. fundi hinn 9. mars 2018 var lagt fram erindið Valþjófsstaður, tilboð sveitarfélagsins
í landspildu. Ákveðið að gera gagntilboð við fram komið tilboð. Þá var lagt fram erindið
Miðfjarðará, erindi Vegagerðarinnar vegna fyrirhugaðrar viðhaldsframkvæmdar á brú á
Miðfjarðará. Farið er fram á leyfi landeiganda jarðarinnar Melstaðar fyrir framkvæmdinni.
Kirkjuráð samþykkir erindið. Framkvæmdastjóra falið að koma á framfæri þeirri
ábendingu að framkvæmdatími geti haft neikvæð áhrif á veiði í Miðfjarðará. Þá var lagt
fram erindið Hof í Vopnafirði, búsetuskylda, erindi sóknarprests en í því fer hann fram á
að verða leystur undan því að sitja prestsetursjörðina Hof í Vopnafirði. Kirkjuráð ályktar
að orðið verði við erindi sóknarprestsins. Þá var lagt fram kauptilboð í jörðina Árnes 1.
Kirkjuráð ályktaði að hafna tilboðinu enda jörðin ekki á sölulista kirkjuþings. Að lokum
var lögð fram úttektarskýrsla vegna jarðarinnar Hraungerði í Flóahreppi. Kirkjuráð
samþykkti að óska eftir yfirmati samkvæmt ábúðarlögum.
Á (2)76. fundi hinn 10. febrúar 2018 var lagt fram erindið Valþjófsstaður, Landsnet,
Kröflulína 3, tilboð um bætur vegna línulagnar.
Kirkjuráð samþykkti tilboðið. Þá var lagt fram erindið Fjarðarskel ehf. Forkaupsréttur
kirkjumálasjóðs. Kirkjuráð samþykkir að falla frá forkaupsrétti sínum enda meti
fasteignasvið að slíkt gangi ekki gegn hagsmunum kirkjumálasjóðs. Þá var lögð fram
yfirmatsgerð vegna tjóns í Saurbæ af völdum hitaveitulagnar.