Skólavarðan - 2020, Blaðsíða 29

HAUST 2020 SKÓLAVARÐAN 29
Leiðsagnarnám / GRUNNSKÓLI
hennar var að finna hvort það væri
eitthvað í skólunum sem styddi betur
við nám drengja en annað og hvort það
væru einhverjir skólar í Bretlandi að ná
betri árangri með drengi heldur en aðrir
skólar.
Younger benti okkur á tvo skóla og
er annar þeirra Ardleigh Green Junior
School í London. Við fórum þangað vor-
ið 2007 og hittum skólastjórann, John
Morris, og kom í ljós að í þeim skóla
mældist minni munur á námsárangri
drengja og stúlkna en í öðrum skólum
sem voru í rannsókninni sem var mjög
viðamikil. Þetta kom skólastjóranum og
kennurunum algjörlega í opna skjöldu
vegna þess að þau höfðu ekki verið að
gera neitt sérstakt fyrir stráka. John
Morris var hins vegar sannfærður
um að skýringanna væri að leita í
innleiðingu á leiðsagnarnámi sem hafði
átt sér stað nokkrum árum áður og
sagðist hann hafa séð algjöra breytingu
á strákum og viðhorfum þeirra til náms
eftir að þau tóku upp þessa aðferðafræði
sem byggir á aðferðum Shirley Clarke. Í
rannsókninni var dregin sú ályktun að
góðan árangur drengja í Ardleigh Green
Junior School mætti fyrst og fremst
skýra með góðum kennsluháttum sem
hentuðu öllum nemendum óháð kyni.“
Áhugi íslensku kennaranna á
náms- og kennsluaðferðum leiðsagnar-
náms var vakinn og var John Morris
í kjölfarið boðið að halda námskeið
fyrir kennara Vesturbæjarskóla sem
hann gerði síðsumars næsta ár. Hann
var aðalfyrirlesari Öskudagsráðstefnu
Menntasviðs Reykjavíkur og Kennara-
félags Reykjavíkur, auk þess sem hann
var með vinnustofu um leiðsagnarnám
í samstarfi við kennara Vesturbæjar-
skóla.
Boltinn var farinn að rúlla og síðan
hafa rúmlega 200 íslenskir kennarar
og skólastjórnendur heimsótt Ardleigh
Green Junior School auk þess sem
John Morris og kennarar við skólann
hafa haldið fjölmörg námskeið, og þá
sérstaklega um leiðsagnarnám, fyrir
íslenska kennara og skólastjórnendur
bæði í Reykjavík og London. Þá hefur
John Morris veitt nokkrum skólum í
Reykjavík ráðgjöf til lengri eða skemmri
tíma. Þess má geta að hann var árið
2012 valinn skólastjóri ársins í London.
Þá hlaut hann OBE-orðuna sem
Elísabet Bretadrottning veitir árið 2015.
Fyrirlestrar og námskeið
Nanna hætti störfum við Vestur-
bæjarskóla skömmu eftir að John
Morris hélt þar námskeið og var um
árabil verkefnastjóri á skrifstofu
Nanna Kristín Christiansen. „Í stuttu máli má segja að leið-
sagnarnám snúist um að hjálpa nemandanum til að komast frá
þeim stað sem hann er á í náminu og að markmiði sínu. Það er
gert með leiðsögninni.“
„Kennarar hafa mismikinn áhuga á leiðsagnarnámi en á meðan sumir eru ástríðufullir í þróunarverkefninu láta aðrir sig það minna varða og það sá maður
í þessum rýnihópsviðtölum.“