Skólavarðan - 2020, Blaðsíða 41
HAUST 2020 SKÓLAVARÐAN 41
UNESCO-skólar / MANNRÉTTINDI
A
ð vera UNESCO-skóli
felur í sér samkomulag og
samvinnu milli skólans og
UNESCO þar sem skólinn
innleiðir verkefni tengd
einhverjum af fjórum
þemum UNESCO-skóla. Þemun eru:
alþjóðasamvinna, starfsemi Sam-
einuðu þjóðanna og heimsmarkmiðin
um sjálfbæra þróun og/eða frið og
mannréttindi, “ segir Kristrún María
Heiðberg, verkefnastjóri UNESCO-
-skóla á Íslandi. „Skólanet UNESCO
hefur verið starfrækt frá árinu 1953
og nú eru um 10 þúsund skólar sem
tilheyra netinu og starfa í 181 landi um
allan heim. Á skólanetinu, sem er öllum
opið, er fjölbreytt námsefni sem fellur
vel að grunnþáttum aðalnámskráa
grunn- og framhaldsskóla.“
UNESCO skólar á Íslandi eru
Landakotsskóli, Salaskóli, Fjölbrauta-
skólinn í Breiðholti og Kvennaskólinn í
Reykjavík. Félag Sameinuðu þjóðanna
fer fyrir skólanetinu á Íslandi í sam-
starfi við íslensku UNESCO nefndina.
Verkefnið er styrkt af mennta- og
menningarmálaráðuneytinu.
„Heimsmarkmiðin eru eitt af stóru
verkefnum UNESCO-skóla. Um er að
ræða 17 markmið og 169 undirmarkmið
sem taka til alls heimsins og ber ríkjum
að ná þeim fyrir árið 2030. Íslenska rík-
isstjórnin hefur skipað verkefnastjórn
sem nú vinnur að innleiðingu mark-
miðanna og eitt af forgangsmarkmiðum
hennar er að efla menntun og fræðslu á
sviðum sjálfbærni, friðar og mann-
réttinda.“ Kristrún segir innleiðingu
á kennsluefni um heimsmarkmiðin
gefa nemendum innsýn í ferlið og
auka skilning þeirra á alþjóðamálum.
„Markmiðið er að nemendur þjálfist í
gagnrýnni hugsun og öðlist nauðsyn-
lega þekkingu og færni til að ýta undir
sjálfbæra þróun í heiminum.“
Að sögn Kristrúnar skuldbinda
UNESCO skólarnir sig til að halda
árlega upp á tvo ólíka alþjóðadaga
Sameinuðu þjóðanna. „Þar má t.d.
nefna alþjóðadaga læsis, mann-
réttinda, hafsins, einhverfu, barnsins,
UNESCO, Menningarmála-
stofnun Sameinuðu þjóð-
anna, starfrækir alþjóðlegt
samstarfsnet skóla sem
kallast UNESCO-skólar.
Meginmarkmið UNESCO er
að stuðla að friði og öryggi
í heiminum með því að efla
alþjóðlega samvinnu á sviði
menntunar, vísinda- og
menningarmála.