Skólavarðan - 2020, Blaðsíða 39

Viðtal / KENNARINN
hættur að vinna og þau langaði til að
ferðast meira á veturna. „Ég bjóst við
að það yrði svolítið erfitt að hætta að
vinna og ég myndi sakna þess að fara
ekki í vinnuna en það kom mér svolítið
á óvart að svo var ekki. Það var svo
skrýtið. Þetta er nýr kafli í lífinu. Við
vorum bæði búin að vinna mikið; ég var
með heimili, vann í FB og svo rákum við
fyrirtækið Pústþjónustu BJB og ég vann
stundum þar eftir að ég minnkaði við
mig kennslu á sínum tíma. Við seldum
fyrirtækið, sem var orðið ansi stórt, árið
2007. Ég kalla þetta uppskeruhátíðina
mína. Við hjónin erum að uppskera
eftir mikla vinnu.“
Hjónin fóru að ferðast eftir að
Alma hætti að vinna og hafa farið í
nokkrar utanlandsferðir. „Ég hef ekki
haft tíma til að láta mér leiðast. Við
vorum búin að ferðast mikið áður en ég
hætti að vinna. Við höfðum til dæmis
farið í tvær Evrópuferðir í húsbíl og
okkur langaði til að gera meira af því og
vera lengur; það var kannski hvatning
til að hætta að vinna. Við höfum síðan
farið í tvær þriggja og fjögurra mánaða
Evrópuferðir í bílnum.“ Hjónin hafa
alltaf farið með húsbílinn sinn með
Norrænu og ekið frá Danmörku suður
á bóginn hvað þessar ferðir varðar. „Í
einni ferðinni ókum við til dæmis niður
allan Spán og svo upp Portúgal. Við vor-
um í síðustu Evrópuferð í fjóra mánuði
en þá ókum við alla leið til Grikklands.
Við tókum síðan ferju yfir til Ítalíu og
fórum til Sikileyjar og fórum síðan
aftur norður eftir. Þetta er voðalega
skemmtilegur ferðamáti og maður sér
löndin með öðrum augum en ella. Við
erum með rafmagnshjól í bílnum og
hjólum mikið erlendis. Við höfum til
dæmis hjólað upp klettinn á Gíbraltar
og eftir Champs-Élysées-breiðgötunni
í París.“
Frá því Alma hætti að vinna hafa
hjónin einnig farið til Flórída þar sem
þau hafa leigt hús á svæði fyrir 50 ára
og eldri. Þar hafa þau stundað golf þar
sem golfvellir eru í nágrenninu. „Það er
voða notalegt. Maður er þá eigin herra
og getur bara notið þess að vera í góða
veðrinu.“ Hún segir að í einni ferðinni
hafi þau svo að áeggjan vinahópsins
farið á siglingu á skemmtiferðaskipi
sem sigldi til Mexíkó þannig að vina-
hópurinn naut félagsskaparins undir
suðrænni sól.
Í sumar ferðuðust hjónin um
Ísland á húsbílnum. Svo eiga þau
sumarbústað við Laugarvatn þar sem er
mikill skógur og alltaf nóg að gera.
Hjónin hafa líka nóg að gera þegar
þau eru ekki að ferðast. „Við förum í
sund daglega og ég er alveg búin að
venjast því og tel það lúxus að fara í
sund, borða morgunmatinn í róleg-
heitunum og lesa blöðin.“
Alma segir að hún sé búin að
skipta út bókunum í bókahillunum á
heimilinu. „Fræðibækurnar voru teknar
út og núna eru þar aðallega ferða- og
prjónabækur en mér finnst agalega
gaman að prjóna. Ég hef prjónað í bíln-
um í Evrópuferðunum. Maður er búinn
að skipta um gír. Þetta er nýr kafli.“
Þetta er mjög þakk-
látt starf og þessi
nánd við einstak-
lingana heillaði mig
strax.