Skólavarðan - 2017, Síða 15

HAUST 2017 15
Opinn fundur um menntamál Kennara-
sambandið stóð fyrir opnum fundi um
menntamál 18. október síðastliðinn.
Fulltrúar allra stjórnmálaflokka sem
buðu fram á landsvísu tóku þar þátt.
fjármagn í menntamálin og styrkja skóla á
öllum skólastigum, hækka laun kennara,
bæta vinnuaðstæður og styrkja innviði
skólanna. Hvort þau fyrirheit verði efnd að
kosningum loknum verður að koma í ljós, en
það verður að viðurkennast að sporin hræða.
600 til 700 þúsund
Á fundinum voru frambjóðendur beðnir
um að skrifa á blað þá upphæð sem þeir
teldu sanngjörn laun fyrir nýútskrifaðan
kennara. Allir nefndu upphæðir á bilinu 600
– 700 þúsund fyrir utan Þorgerði Katrínu
Gunnarsdóttur sem ritaði á sitt blað töluna
480.000. Í kjölfar fundar sendi hún frá sér
yfirlýsingu þar sem hún sagðist hafa skilið
spurninguna þannig að hún ætti að nefna
hver launin væru í dag. Hennar mat væri að
þessi tala ætti að vera 650.000 til 700.000
krónur.
Það velkjast fáir í vafa um að laun
kennara þurfi að hækka og það verulega
og þær tölur sem frambjóðendur nefndu
eru væntanlega í takt við vilja almennings.
Kennarar eru lykilstétt í samfélaginu og það
þarf að greiða þeim í takt við það. En tala
á blaði á opnum fundi um menntamál er
langt í frá það sama og upphæð á launaseðli
kennara og frambjóðandi til Alþingis rétt
fyrir kosningar er allt önnur dýrategund en
sitjandi þingmaður eftir að kosningum lýkur.
Engu að síður verður gagnlegt að geta minnt
sitjandi þingmenn á þessa óopinberu og
óvísindalegu skoðanakönnun á næstu árum.
Með blaðið á lofti Píratinn Björn Leví Gunnarsson, Katrín Jakobsdóttir frá VG og
Samfylkingarmaðurinn Páll Valur Björnsson svara spurningunni um hver byrjunarlaun nýútskrifaðs
kennara eigi að vera.
M
YN
D
: K
R
IS
TI
N
N
IN
G
VA
R
S
S
O
N