Tímarit hjúkrunarfræðinga - 2020, Qupperneq 46

WHO vann skýrsluna í samvinnu við Alþjóðaráð hjúkrunarfræðinga (ICN) og tók
191 land þátt í undirbúningsvinnunni, þar á meðal Ísland. Í skýrslunni segir m.a. að
covid-19-heimsfaraldurinn undirstriki þá brýnu þörf að efla heilbrigðisstarfsmenn
um allan heim. Hjúkrunarfræðingar eru meira en helmingur allra heilbrigðisstarfs-
manna heims og veita þeir nauðsynlega þjónustu í öllu heilbrigðiskerfinu. Sögulega,
sem og í dag, eru hjúkrunarfræðingar í fararbroddi í baráttu gegn ýmiss konar faraldri
svo og heimsfaraldri sem ógnar heilsu manna. Um allan heim sýna þeir samúð sína,
hugrekki, fagmennsku og áræði þegar þeir bregðast við covid-19-heimsfaraldrinum.
Aldrei áður hefur verið sýnt fram á gildi þeirra með skýrari hætti.
Skýrslan er áþreifanleg áminning um einstakt
hlutverk hjúkrunarfræðinga
„Hjúkrunarfræðingar eru hryggjarstykkið í heilbrigðiskerfi allra landa. Í dag eru
margir hjúkrunarfræðingar í fremstu víglínu í baráttunni gegn Covid-19,“ sagði dr.
Tedros Adhanom Ghebreyesus, framkvæmdastjóri WHO. „Þessi skýrsla er áþreifan -
leg áminning um einstakt hlutverk hjúkrunarfræðinga og áminning um að tryggja
að þeir fái þann stuðning sem þeir þurfa til að halda heiminum heilbrigðum.“
„Stjórnmálamenn skilja kostnaðinn við menntun og viðhald fagfólks í hjúkrun, en
fyrst núna eru augu þeirra að opnast fyrir hinu sanna gildi þeirra,“ sagði Annette
Kennedy, forseti ICN. „Sérhver króna sem fjárfest er í hjúkrun bætir líðan fólks og
fjölskyldna á áþreifanlegan hátt sem öllum er ljóst. Skýrsla þessi varpar ljósi á framlag
hjúkrunarfræðinga og staðfestir að fjárfesting í hjúkrunarstéttinni er samfélaginu
hagur en ekki kostnaður. Heimurinn þarfnast milljóna hjúkrunarfræðinga í viðbót
og við skorum á stjórnvöld að gera rétt, fjárfesta í þessari frábæru atvinnugrein og
fylgjast með íbúum þeirra njóta góðs af því ótrúlega starfi sem aðeins hjúkrunar-
fræðingar geta unnið.“
46 tímarit hjúkrunarfræðinga • 2. tbl. 96. árg. 2020
Að fjárfesta í hjúkrunarfræðingum
— Aðalbjörg Finnbogadóttir og Edda Dröfn Daníelsdóttir tóku saman
Alþjóðaheilbrigðismálastofnunin (WHO) sendi frá sér í byrjun apríl langþráða skýrslu um stöðu
og mikilvægi hjúkrunar í heiminum. Skýrslan, State of the World’s Nursing 2020; Investing in
education, jobs and leadership, kortleggur í fyrsta skipti hjúkrun á heimsvísu og kemur með
tillögur að breytingum varðandi menntun, starfsmöguleika, starfsumhverfi, leiðtogahæfni og
launakjör hjúkrunarfræðinga.
„Skýrsla þessi varpar ljósi á framlag hjúkrunarfræðinga og stað -
festir að fjárfesting í hjúkrunarstéttinni er samfélaginu hagur en
ekki kostnaður. Heimurinn þarfnast milljóna hjúkrunarfræðinga
í viðbót og við skorum á stjórnvöld að gera rétt, fjárfesta í þessari
frábæru atvinnugrein og fylgjast með íbúum þeirra njóta góðs af
því ótrúlega starfi sem aðeins hjúkrunarfræðingar geta unnið.“
Investing in education,
jobs and leadership
STAT E O F T H E
2020

NURSING

Skýrsla Alþjóðaheilbrigðismálastofnunar
(WHO) um stöðu og mikilvægi hjúkrunar
í heiminum.