Heilbrigðisskýrslur - 01.12.1967, Blaðsíða 92

1967
— 90
D. Geðsjúkdómar. Áfengis- og deyfilyfjasjúklingar.
Töflur XV, XVI.
Á geðveikrahælunum lágu 1243 sjúklingar á árinu, en læknar telja
fram 218 geðsjúklinga á árinu utan Reykjavíkur, 66 áfengissjúklinga
og 5 deyfilyfjaneytendur (einnig utan Reykjavíkur). Þó að tölur þess-
ar séu birtar að gamalli venju, gefa þær enga hugmynd um raunveru-
lega tíðni þessara sjúkdóma.
Rvík. Skráning og greining sjúklinga undir þessum lið er
einungis sú, er varðar vistaða sjúklinga, og gefur enga tæmandi hug-
mynd um tíðni þessara sjúkdóma. Hjá Áfengisvarnardeild Heilsuverad-
arstöðvarinnar voru frumskráðir 54 karlar og 10 konur. Sjúklinga-
f.jöldi á Kleppi og á Flókadeild 977, á Farsóttahúsinu 266 og í Arnar-
holti 89.
Stykkishólms. Drykkjusýki sést varla hér á því stigi, að menn geti
ekki stundað starf sitt skammlaust af þeim sökum. Hins vegar er vín-
notkun almenn og þeir menn teljandi á fingrum sér, sem eru templ-
arar.
Akureyrar. Á geðveikraskrá er 121 sjúklingur.
Norður-Egilsstaða. Geðrænir sjúkdómar virðast færast í vöxt, og
ætti raunar að telja fleiri fram í ár en gert er á skýrslu E þessu sinni,
en verst er, að viðeigandi stofnanir til lækninga þessara svo oft
þjökuðu og hrjáðu sjúklinga virðast svo yfirfullar, að þar er varla
rúm að fá, hversu hart sem á er sótt.
E. Atvinnusjúkdómar.
Töflur XV, XVI.
Með atvinnusjúkdóma eru taldir 21 sjúklingur utan Reykjavíkur,
allt karlar.
Rvík. Til atvinnusjúkdómadeildar var leitað 81 sinni á árinu.
Þessi tiltölulega unga deild hélt uppi svipaðri athafnasemi þetta ár
sem á undanförnum árum. Tekið var starfsfólk til rannsóknar úr
ýmsum greinum iðnaðar vegna meintra atvinnusjúkdóma. Strangt sí-
endurtekið eftirlit var haft með því fólki, sem vinnur að þeim iðnaði,
þar sem hætta er á blýeitrun. Rannsóknir leiddu í ljós, að blýmagn i
blóði og þvagi fór þverrandi og heilsufar jafnframt batnandi hjá þessu
fólki vegna stöðugra áminninga um persónulegt hreinlæti og góða um-
gengni á vinnustað. Með fjölgun hraðhreinsunarefnalauga hefur auk-
izt hætta á perchloreitrun hjá starfsfólki í þeiiTÍ grein og þá oftast
vegna bilana á tækjum. Þaðan hefur verið tekið fólk til rannsóknar af