Fjarðarfréttir - 01.12.1985, Qupperneq 22

22
FJARÐARFRÉTTIR
Minjasafn Pósts og sfma
Söfn eru ekki mörg í Hafnarfirði. Fyrir utan Bæjarbókasafnið þá er hér
byggðasafn, sem ekki hefur enn þá aðstöðu að almenningur geti skoðað
það sem til er, verið er að koma á fót Sjóminjasafni, sem væntanlega verður
opið allt árið og síðan er það Hafnarborg sem menn binda miklar vonir við
sem menningarmiðstöð í náinni framtíð. Þar verður málverkaeign bæjar-
ins til húsa og stöðugar sýningar í gangi. En þá er líka upptalið, þar sem
hægt er að telja til sýningarsafna.
Hér í Hafnarfirði er þó safn sem er einstætt að mörgu leyti og lítið hefur
farið fyrir. Innan veggja gömlu símstöðvarinnar að Austurgötu 11 hefur
verið unnið að Póst- og símaminjasafni nú í nokkur ár. Það er Magnús
Eyjólfsson, fyrrverandi stöðvarstjóri Pósts og síma hér í Hafnarfirði, sem
hefur haft umsjón með og er forstöðumaður þessa safns. Magnús varð
stöðvarstjóri í Hafnarfirði árið 1961 og var það óslitið til ársins 1978. Síðan
hefur hann unnið að skráningu og skipulagi þessa safns, sem spannar
íslenska póst- og símasögu frá upphafi þeirrar þjónustu.
Húsið að Austurgötu 11 var reist árið 1922. Áður hafði símstöðin verið
að Reykjavíkurvegi 6. Flestir gamlir Hafnfirðingar hafa einhverntíma lagt
leið sína í gömlu símstöðina við Austurgötu. Við vonum því að bæði þeir
og aðrir hafi gaman af því að kynnast nýju hlutverki þess húss og það
gerum við nú í fylgd Magnúsar Eyjólfssonar, sem hefur haft veg og vanda
af uppbyggingu þessa safns. Við gefum Magnúsi orðið.
ELSTU SKJOL FRA 1873
„Upphaf safnsins má rekja til
reglugerðar sem Jón A. Skúlaon,
póst- og símamálastjóri setti 31.
desember 1979. Þar segir að varð-
veita eigi sögulega- muni og minjar
úr póst- og símasögunni. Frá þeim
tíma má segja að stöðugt hafi verið
unnið að því að koma á fót þessu
safni.
Mjög strangar reglur hafa löng-
um verið um varðveislu skjala hér-
lendis hjá opinberum stofnunum,
en sjaldnast gert ráð fyrir hve pláss-
frek slík geymsla getur orðið. Hér
eru elstu skjöl og bréfasöfn frá ár-
inu 1873 og skjöl og bréf skipta hér
mörgum þúsundum. Mörg þeirra
eru mjög merkar heimildir og hafa
sögulegt gildi. Önnur aftur síður
merkileg og hér hefur verið grisjað
mjög og má sjálfsagt telja í tonnum
því hingað berst gríðarmikið magn
skjala og bréfa, og afrit margs
konar.
Við höfum látið breyta húsinu
dálítið og lagað það að nýjum þörf-
um en herbergjaskipun heldur sér
að mestu. Húsið er að vísu lítið, en
því hefur verið haldið vel við. Sýn-
ingarkassar eru tilbúnir og búið er
að merkja og skrá mikinn fjölda
muna. Minnstur hluti safnsins er þó
hingað kominn en er í geymslu þar
til betur stendur á. Auk bréfa,
skjala og ýmissa muna þá er ætlað
að hér verði stimpla- og frímerkja-
safn og einnig verður unnið að því
að koma upp myndasafni úr póst-
og símasögunni. Við reynum að ná
til sem allra flestra aðila hvarvetna
á landinu og ég vil nota þetta tæki-
færi að hvetja þá sem eiga myndir
eða muni sem snerta póst- og síma-
söguna að þeir hafi samband við
mig. Víða geta leynst þeir munir og
þær myndir sem geta haft mikið
sögulegt gildi.
NÝI OG GAMLI TÍMINN
Þó að þetta sé nefnt minjasafn,
þá er ekki svo farið að hér séu ein-
göngu gamlir munir. Hér er t.d.
nýjasti hlutinn símastrengur sem
gerður er úr glerþráðum og er flutn-
ingsgeta slíks þráðar margfalt meiri
en eldri gerða. Hafist var handa um
lagningu slíkra strengja í nóvember
1985. Eins eru hér komnar elstu
tölvurnar sem stofnunin tók í
notkun en eru nú orðnar úreltar, þó
aldur þeirra sé nú ekki hár.
En hér er einnig margt muna sem
komnir eru til ára sinna. Góð sam-
vinna hefur verið við þjóðminja-
vörð og höfum við fengið senda
muni úr þjóðminjasafninu til varð-
veislu. En það er greinilegt að hér
verður ekki hægt að hafa annað en
brot af þeim munum sem tilheyra
eiga Póst- og símaminjasafni.
Þróunin er mjög ör hjá stofnuninni
og sífellt eru tæki að verða úrelt og
önnur þróaðri taka við. Það þýðir
að hér þarf stöðugt að vera að
endurnýja í sýningarkössum og
ætti því safnið að verða fjölbreytt-
ara fyrir bragðið.
Gamli og nýi tíminn. Ljósleiðarastrengur og símatæki sem komið er til
ára sinna.____________________