Fréttablaðið - 05.06.2021, Síða 2

Millimál í fernu
VÍTAMÍN
& STEINEFNI
PRÓTEIN GLÚTENS LAKTÓSAORKA
ÁN ÁN
Næring+ er á lista Sjúkratrygginga Íslands yfir niðurgreidd
næringarefni fyrir þá sem eiga gilda innkaupaheimild.
Flokkunarhatturinn með síðasta orðið
Ragnheiður Ósk Erlendsdóttir, framkvæmdastjóri hjúkrunar hjá Heilsugæslu höfuðborgarsvæðisins, dró í gær fæðingarárganga handahófskennt úr hatti.
Árgöngum 1975 til 2005 var með því raðað í bólusetningu á næstu þremur vikum. Þegar árgangur er boðaður í bólusetningu fá viðkomandi sent strika-
merki. Ef fólk kemst ekki í bólusetningu á boðuðum tíma gildir strikamerkið næst þegar sama tegund af bóluefni er notuð. FRÉTTABLAÐIÐ/SIGTRYGGUR ARI
Eigandi Djúpakletts í
Grundarfirði segir það borga
sig fyrir hann að kaupa olíur
beint frá Póllandi, heldur
en frá stórum birgja hér á
landi. Hann segir það 227%
dýrara að panta og f lytja frá
Reykjavík en frá Bialystok í
Póllandi.
einarthor@frettabladid.is 
GRUNDARFJÖRÐUR „Ég er að reka
þarna þrjú fyrirtæki en það skiptir
ekki máli. Þetta beinist gegn lands-
byggðinni eins og hún leggur sig,“
segir Þórður Magnússon, eigandi
Djúpakletts ehf. í Grundarfirði.
Þórður, sem rekur meðal annars
Vélsmiðju Grundarfjarðar, fékk
tölvupóst á dögunum frá Skeljungi
þess efnis að frá og með 1. júlí
næstkomandi muni fyrirtækið
innheimta akstursgjald á allar
vöruafhendingar út á land. Í tölvu-
póstinum kom fram að gjaldið fyrir
hverja sendingu væri 4.400 krónur
án virðisaukaskatts og óháð magni
eða upphæð reiknings.
Þórður gagnrýnir þetta og segir
það í raun hagstæðara fyrir sig að
eiga viðskipti við birgja erlendis
en hér á landi ef þetta er það sem
koma skal.
Þórður vakti fyrst athygli á þessu
á Facebook-síðu sinni þar sem hann
tók dæmi um kostnað við að f lytja
20 lítra af olíu frá Skeljungi annars
vegar og Póllandi hins vegar. Frá
Reykjavík myndi samanlagður
kostnaður við f lutninginn til
Grundarfjarðar kosta hann 5.900
krónur. Ef hann myndi panta með
skipi frá Póllandi þá væri kostnað-
urinn tæpar 130 krónur á kíló, eða
2.600 krónur.
„Það er sem sagt 227% dýrara
að panta og f lytja frá Reykjavík en
frá Bialystok í NA-Póllandi,“ segir
hann og bætir við að þetta sé ekki
í neinum takti við sölumennsku
21. aldarinnar. „Ef Jeff Bezos, sem
er orðinn ríkasti maður heims
í gegnum Amazon, myndi setja
svona gjald á sína viðskiptavini,
þá myndi hann skrúfa fyrir öll við-
skipti. Þau yrðu núll sama dag.“
Þórður segir að ef hann myndi
kaupa einn til tvo gáma myndu
þessar 4.400 krónur ekki skipta
neinu máli, en þegar um lítil fyrir-
tæki er að ræða úti á landi sem
kaupa í minna magni, sé þessi upp-
hæð fljót að telja. Kaupa þurfi fyrir
100 þúsund krónur eða meira til að
akstursgjaldið fari ekki yfir 5% af
heildarupphæðinni. Segir Þórður
að hér eftir muni hann kaupa
nákvæmlega sömu olíur frá Pól-
landi til að spara f lutningskostnað.
Ólafur Þór Jóhannesson, fram-
kvæmdastjóri f jármálasviðs og
aðstoðarforstjóri Skeljungs, segir
að afgreiðslugjald vegna af hend-
ingar á vörum hafi verið innheimt
til fjölda ára, bæði til viðskiptavina
á höfuðborgarsvæðinu og utan
þess. Nýverið hafi útfærslunni
verið breytt þannig að hófstillt
gjald bætist við allar af hendingar
til að koma til móts við þann kostn-
að sem af þeim hlýst. Segir hann að
gjaldið leggist á afhendingar óháð
staðsetningu á landinu.
„Meðal viðskiptavina okkar ríkir
almennt góður skilningur á því
að það er kostnaður við að dreifa
vörum og veita góða þjónustu. Við
höfum því orðið mjög lítið varir við
neikvæð viðbrögð vegna þessara
breytinga enn sem komið er,“ segir
hann. n
Þrefalt dýrara að flytja olíu
frá Reykjavík en Póllandi
Djúpiklettur sinnir verkefnum í Grundarfirði og nágrenni. FRÉTTABLAÐIÐ/VILHELM
Þórður Magnús-
son, eigandi
Djúpakletts í
Grundarfirði.
kristinnhaukur@frettabladid.is
REYKJAVÍK Pétur Krogh Ólafsson,
aðstoðarmaður borgarstjóra, óttað-
ist að umræðan um Fossvogsskóla
gæti orðið „hysterísk“ er borgin fékk
fyrirspurnir frá fjölmiðlum um leka
í skólanum í janúar árið 2020.
Þetta kemur fram í tölvupósti
sem var sendur eftir að Ingibjörg
Ýr Pálmadóttir skólastjóri greindi
borginni frá fundi með foreldrum
nemanda sem væri ekki vært í skól-
anum. Sagði hún lykt eða raka og
mygluskemmdir á fjórum stöðum.
Í pósti Péturs, sem stílaður var á
sex borgarstarfsmenn, var farið yfir
hvernig viðbrögðum skyldi háttað.
„Það er okkar mat að ef umræðan
fer yfir í almenna en hysteríska
umræðu um að skólinn sé fullur af
myglu, þá væri Árný [Sigurðardóttir,
framkvæmdastjóri Heilbrigðiseftir-
litsins] best til þess fallin að fara
yfir hvað það er sem HER gerir til
að mæla raka. Tala um að HER fylgi
alþjóðlegum stöðlum og mæli raka
reglulega,“ segir í bréfinu.
„Ég vona að við náum að halda
lokinu á þessu en get ég beðið þig
Ámundi [Brynjólfsson, skrifstofu-
stjóri framkvæmda og viðhalds]
um að láta taka saman helstu upp-
lýsingar um framkvæmdir í skól-
anum og að við getum vísað á þig,
Árný, þegar kemur að allri umræðu
um heilnæmi húsnæðis.“
Aðspurður um móðursýkina, í
ljósi þess að skólinn er nú lokaður
vegna skemmda, segir Pétur það
hafa verið kæruleysislega orðað.
„Mínar áhyggjur fyrir einu og
hálfu ári síðan voru að umræðan
hafi verið umfram efni enda áttu
sérfræðingar okkar eftir að fá betri
gögn til að meta,“ segir hann. „Síðar
kom í ljós samkvæmt ráðgjöf að það
þyrfti að fara í enn frekari úrbætur
til að koma húsnæðinu í lag og við
erum enn í þeim fasa.“
Með því að halda lokinu á málinu
segist Pétur hafa átt við að halda
umræðunni við staðreyndir eins og
þær hafi legið fyrir þá og að fagfólk
myndi veita upplýsingar. n
Taldi móðursýki
geta gripið um sig
Pétur Krogh Ólafsson, aðstoðar-
maður borgarstjóra.
thorgrimur@frettabladid.is
HÁTÍÐISDAGAR Sjómannadagurinn
er á morgun.
Í Reykjavík verður opin minning-
arathöfn um drukknaða og týnda
sjómenn klukkan tíu við Fossvogs-
kirkju. Sjómannamessa verður síðan
í Dómkirkjunni. Klukkan hálf tvö
verða sjómenn heiðraðir í athöfn.
Streymt verður á heimasíðu og
Facebook-síðu Sjómannadagsráðs.n
Sjómenn í streymi
Sjómannadagur í Reykjavík 2015.
2 Fréttir 5. júní 2021 LAUGARDAGUR