Fréttablaðið - 26.11.2021, Blaðsíða 28

n Halldór
n Frá degi til dags
ÚTGÁFUFÉLAG: Torg ehf. STJÓRNARFORMAÐUR: Helgi Magnússon FORSTJÓRI OG ÚTGEFANDI: Björn Víglundsson RITSTJÓRI: Sigmundur Ernir Rúnarsson ser@frettabladid.is,
FRÉTTASTJÓRAR: Aðalheiður Ámundadóttir adalheidur@frettabladid.is Ari Brynjólfsson arib@frettabladid.is, Garðar Örn Úlfarsson gar@frettabladid.is VEFSTJÓRI: Einar Þór Sigurðsson einarthor@frettabladid.is
Fréttablaðið kemur út í 80.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslun um á landsbyggðinni. Fréttablaðið áskilur sér rétt til að birta allt efni blaðsins í
stafrænu formi og í gagnabönkum án endurgjalds. ISSN 1670-3871 FRÉTTABLAÐIÐ Kalkofnsvegur 2, 101 Reykjavík Sími: 550 5000, ritstjorn@frettabladid.is HELGARBLAÐ: Björk Eiðsdóttir bjork@frettabladid.is MENNING: Kolbrún
Bergþórsdóttir kolbrunb@frettabladid.is ÍÞRÓTTIR: Hörður Snævar Jónsson hoddi@frettabladid.is LJÓSMYNDIR: Anton Brink anton@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is
Þetta er
vissulega
háleit
hugsun
en stenst
því miður
engan veg-
inn svarta-
föstudags-
prófið.
Nú er
stefnan sett
með græna
planinu á
efnahags-
lega, félags-
lega og
umhverfis-
lega sjálf-
bæra
Reykjavík.
Kolbrún
Bergþórsdóttir
kolbrunb
@frettabladid.is
Óvinirnir
Dagarnir eru margir og stöðugt
er verið að finna upp auka­
heiti á þeim. Einmitt þannig
varð skyndilega til Dagur ein­
hleypra. Sá dagur virðist hafa
verið sérstaklega hannaður í þeim tilgangi
að bregða birtu inn í líf einhleypra. Líf sem af
einhverjum ástæðum er f lokkað sem fremur
einmanalegt, tíðindalítið og gleðisnautt.
Stórfyrirtæki víða um heim eru iðin við
að þefa uppi heppilega neytendur og þarna
klikka þau ekki. Fyrirhafnarlítið bregða þau
sér í líki fyrirtækis sem vill sýna samfélagslega
ábyrgð og opinbera umhyggju sína gagnvart
þessum afskipta hópi. Ekki verður það betur
gert en með alls kyns lokkandi tilboðum þar
sem veittur er ríflegur afsláttur. Og það bregst
ekki að mikill fögnuður grípur um sig meðal
einhleypra víða um heim, sem sanka að sér
alls kyns hlutum sem þeir hafa svo sem ekki
mikla þörf fyrir, en þeim er sagt að muni
auðga fremur aumt líf þeirra. Sælan er svo
löngu fokin út í veður og vind þegar næsti ein­
hleypingadagur rennur upp – og þá er um að
gera að sanka að sér meira dóti á tilboðsverði.
Annar dagur þessum líkur er í dag og
þykir reyndar miklu merkilegri, því hann er
ætlaður öllum. Þetta er svarti föstudagurinn
– Black friday. Sá hluti heims sem býr við
velmegun gleymir sér í æðisgengnu kaupæði
þennan dag. Eiginlega er ekkert svo ómerki­
legt að ekki sé ástæða til að kaupa það í dag
með 20 til 70 prósenta afslætti.
Á undanförnum mánuðum hafa hinir
jákvæðu í þessum heimi, í sönnum Pollý­
önnu­ anda, spurt hvað við getum lært af
Covid og svarað sjálfum sér: „Nægjusemi og
mikilvægi einfaldara lífs en við lifðum áður.“
Þetta er vissulega háleit hugsun en stenst
því miður engan veginn svarta­föstudags­
prófið. ■
Meira dót
Vissulega er mikilvægt að minna á mikilvægi
bólusetninga á Covid­tímum, en ákafinn má
ekki verða svo mikill að hann breytist í andúð
á óbólusettum og hræðslu við þá. Það örlar
á þessari hneigð nú um stundir og hún getur
orðið að blossandi hatri, gæti menn ekki að
sér. Stjórnvöld, sóttvarnayfirvöld, og einnig
forseti Íslands, bera þarna ábyrgð og eiga að
vita að engan veginn er réttlætanlegt að gera
óbólusetta að óvinum. ■
Á þessu kjörtímabili hafa árlega risið að meðaltali yfir
þúsund íbúðir í Reykjavík. Íbúðir af öllum stærðum
og gerðum, fyrir fólk á öllum aldri og í öllum tekju­
hópum, enda hafa 12 þúsund nýir íbúar sest að í
Reykjavík frá árinu 2017. Nýjustu tölur segja okkur
að í uppbyggingu séu nú um 2.700 íbúðir og yfir 9.000
í skipulagsferli. Meirihluti borgarstjórnar hefur sett
markið á sjálfbæra og kolefnishlutlausa borg fyrir
alla, með iðandi mannlífi í fjölbreyttum hverfum með
verslun og þjónustu í göngufæri og öflugum almenn­
ingssamgöngum og hjólastígum.
Til að ná því markmiði er ekki nóg að tryggja
framboð af ódýrum lóðum, því markaðurinn mun
ekki tryggja að í borginni rísi fjölbreyttir húsnæðis­
kostir í félagslega blönduðum hverfum. Þess vegna
skiptir skipulag borga svo miklu máli og samstarf við
uppbyggingaraðila, meðal annars óhagnaðardrifin
húsnæðisfélög.
Húsnæði fyrir öll
Félagsbústaðir, óhagnaðardrifið leigufélag í eigu
Reykjavíkurborgar, á nú tæplega 3.000 leiguíbúðir víðs
vegar um borgina. Þær standa fjölskyldum og ein­
staklingum undir tilteknum eigna­ og tekjumörkum
til boða, auk þjónustuíbúða og leiguíbúða fyrir fatlað
fólk. Íbúðum í eignasafni hefur fjölgað um 300 á þessu
kjörtímabili og fækkað hefur um 40 prósent á biðlista.
Úthlutað hefur verið um 500 íbúðum til tekjulágra, 200
þjónustuíbúðum fyrir aldraða, 190 fyrir fatlaða og 100
fyrir heimilislaust fólk. Í Reykjavík búa í dag 420 ein­
staklingar í húsnæði fyrir fatlað fólk, en of mörg bíða og
því er hafin endurskoðun á uppbyggingar áætlun.
Samfylkingin lofaði því í kosningum 2014 að fram­
kvæmdir myndu hefjast við 2.500 til 3.000 íbúðir
innan þriggja til fimm ára. Það gekk sannarlega eftir
en 2017 voru hafnar byggingaframkvæmdir við 3.400
íbúðir.
Nú er stefnan sett með græna planinu á efnahags­
lega, félagslega og umhverfislega sjálfbæra Reykjavík.
Uppbyggingu þéttrar borgar með sjálfbær hverfi sem
stuðla að bættum lífsgæðum og lífskjörum okkar
allra. Förum þangað saman! ■
Heima í grænni borg
Heiða Björg
Hilmisdóttir
borgarfulltrúi
og varaformaður
Samfylkingar­
innar
teogkaff i . is
20%
AFSLÁTTUR
AF ÖLLUM VÖRUM
Í VEFVERSLUN
SVARTUR
FÖSTUDAGUR
arib@frettabladid.is
Ferðagjöfin kemur í kvöld!
Nú hlustum við öll svo hýrleg
og sett, ekki nein köll því
áðan barst frétt: Ferðagjöfin
kemur í kvöld! Þú færð frítt
drasl á N1 og bensín á bíl, ef
þú gleymir appinu fram á síð­
asta dag. Ferðagjöfin kemur
í kvöld! Appið sér þig er þú
sefur, sér þig klósettinu á. Og
segir ráðherra hvað þú gerir,
veistu' af því. Með gjafabréf
á veitingastað sem allir hafa
fattað, Flyover, bjór, en engir
skór. Nú hlustum við öll svo
hýrleg og sett, það verður ekki
svikið þó ráðherra segi ekki
mikið: Ferðagjöfin kemur í
kvöld!
Stóra samsærið
Stóra samsæri íhaldsmanna í
Norðvesturkjördæmi, að rugla
Pírata svo mikið í ríminu að
þeir komist aldrei í að skoða
fjárlögin, hefur rækilega
gengið upp. Við hefur bæst
að stuðningsmenn þeirra,
sem töldu á tímabili þriðjung
þjóðarinnar, hafa misst alla
trú á lýðræðinu, sem þýðir að
það þarf ekki að hafa áhyggjur
af þeim framar. Var skálað í
botn í bæði Valhöll og Kaup­
félaginu þegar einn Píratinn
mætti með tillögu um að fella
sjálfan sig af þingi og skildi
ekkert þegar hann var spurður
hvort hann ætlaði að styðja
eigin tillögu. ■
SKOÐUN FRÉTTABLAÐIÐ 26. nóvember 2021 FÖSTUDAGUR