Fréttablaðið - 26.11.2021, Síða 92

Það er verið að leita að
ungri konu sem getur
talað fyrir sig, sem
hefur eitthvað að segja
og getur verið hvatning
fyrir ungt fólk og alla.
Elísa Gróa Steinþórsdóttir
verður fulltrúi Íslands í Miss
Universe í Ísrael, þegar
keppnin verður haldin í Tel
Aviv í sjötugasta sinn. Elísa
fer utan um helgina og segist
varla hafa stoppað í undir-
búningnum. Hún segir Miss
Universe fegurðarsamkeppni
nútímans.
Fegurðardrottningin Manuela Ósk
Harðardóttir hefur um árabil stýrt
íslenskum hluta Miss Universe,
hvar fyrirsætan Elísa Gróa Stein-
þórsdóttir bar sigur úr býtum í lok
september, þegar hún tók þátt í
fjórða skipti.
„Ég er virkilega spennt og það er
ótrúlega mikið að gera, enda heil-
mikil dagskrá. Ég reyni samt að
passa upp á heilsuna og taka smá
slökun inn á milli,“ segir Elísa, sem
leggur af stað aðfaranótt sunnu-
dagsins, lauf létt og spennt fyrir
förinni, sem er meðal annars heitið
til Tel Aviv og Eilat við Dauðahafið.
„Ég verð í þrjár vikur úti. Ég er
ekki alveg búin að fá nákvæma dag-
skrá en ég geri ráð fyrir því að það
verði dagskrá frá morgni til kvölds
alla daga.“
Skilur tortryggnina
Þegar Elísa er spurð út í fegurðar-
samkeppnir almennt og þá nokkuð
útbreiddu skoðun að þær séu barn
síns tíma, segist hún skilja það við-
horf: „Það er ótrúlega skiljanlegt að
margir á Íslandi séu á þeirri skoðun.
Mér skilst einmitt að fyrir minn
tíma hafi þetta verið þannig að þú
þurftir að vera í ákveðinni fatastærð
og stelpurnar voru vigtaðar og svo-
leiðis,“ segir Elísa og bendir á að
þetta hafi breyst.
„Þetta er ekki þannig í dag, sem
betur fer. Það er árið 2021 og í
stærstu keppni í heimi, Miss Uni-
verse, er verið að leita að góðri
fyrirmynd. Það er verið að leita að
ungri konu sem getur talað fyrir
sig, sem hefur eitthvað að segja og
getur verið hvatning fyrir ungt fólk
og alla.“
Elísa segir að því miður sé til
aragrúi af fegurðarsamkeppnum úti
í heimi þar sem enn er lögð áhersla
á ranga hluti. „Það eru til mörg
hundruð keppnir og þetta er mjög
mismunandi. Ég hef til dæmis farið
Ætlar ekki að vera nein
Barbie-dúkka í Ísrael
Elísa nýtti tækifærið í Miss Universe Iceland til þess að ræða geðheilbrigðismál. MYND/AÐSEND
Oddur Ævar
Gunnarsson
odduraevar
@frettabladid.is
á minni keppni í Kína og ég er ekki
til í að mæla með henni,“ segir Elísa.
„Því miður eru enn til keppnir úti í
heimi sem eru með þetta hugarfar
að það sé bara verið að leita að ein-
hverri Barbie-dúkku.“
Horfði með mömmu sinni
Í Miss Universe er lögð áhersla á að
ræða mál sem skipta raunverulegu
máli að sögn Elísu. Þannig ræddi
Elísa meðal annars um geðheil-
brigðismál í Miss Universe Iceland.
„Ég er virkilega þakklát fyrir þenn-
an vettvang og það var gífurlega
mikil áhersla á það í keppninni að
maður hefði eitthvað að segja.“
Elísa segist hafa haft áhuga á
slíkum keppnum frá því hún var
lítil. „Ég og mamma elskum kjóla og
glimmer og glamúr og okkur fannst
svo gaman að horfa á keppnirnar til
að sjá kjólana,“ segir Elísa sem segist
ætla að reyna að taka bara með sér
fjórar ferðatöskur út. Þær verði þó
líklegast fimm.
„Þannig kviknaði áhuginn og
svo þegar Miss Universe Iceland
hóf göngu sína þá bara varð ég að
prófa,“ segir Elísa, sem gafst aldrei
upp og fór á endanum með sigur af
hólmi. „Og keppnin er náttúrulega
eins og Ólympíuleikarnir í þessum
bransa.“ n
Elísa hafði
tekið þátt
þrisvar áður
þegar hún
var krýnd.
Elísa segir markmið keppn-
innar að finna fyrirmynd.
Elísa hefur
fylgst með
keppninni
í mörg ár.
22.-28. NÓVEMBER
Af yfir 1000 vörum
75%Afsláttur
Allt að
Af fartölvum
Allt að
20%
Afsláttur
Reykjavík • Mörkin 3 • 563 6900 | Akureyri • Undirhlíð 2 • 430 6900
66 Lífið 26. nóvember 2021 FÖSTUDAGURFRÉTTABLAÐIÐ