Gnúpverjinn - 01.12.1992, Qupperneq 25

2. Að Stóra-Hofs instrumenter og ornamenter skal gefa fátækum kirkjum í
nágrenninu en klukkurnar skulu seljast til hjálpar fátækasta prestakallinu í
stiftinu.
3. Að 4 kúgildum kirkjunnar verði ráðstafað þannig: 2 kúgildin falli til
eiganda jarðarinnar. Hann skal og varðveita hin 2 kúgildin en greiða leigu eftir
þau, 40 pund smjörs, til prestsins í Hrepphólum árlega. Komi upp ágreiningur af
þessum sökum er það vandi sem bóndinn og presturinn verða að ieysa sjálfir.
Bréfinu líkur þannig:
„Der eftir I eder allerunderdanigst have at rette og vidkommende saadant til
efterretning at tilkendegive.
Skrivet i Vor Kongelige Residens Kjöbenhavn den 8 de February 1799.
Under vor Kongeliga Haand og Seigl
Christian Rex.‘‘
Hofskirkja var, samkvæmt þessu konungsbréfi aflögð 1799 og sóknin sett
undir Hrepphólakirkju. Með samningu milli Stóra-Núpssóknar og
Hrepphólasóknar var Hofssókn síðar lögð til Stóra-Núpssóknar í tveimur
áföngum. í fyrri áfanga gekk Stóra-Hof og Minna-Hof til Stóra-Núpssóknar gegn
650 gróna greiðslu í eitt skipti fyrir öll. Samþykktirnar voru gerðar 1926, á
Stóra-Núpi 6. júní og í Hrepphólum 20. júní.
Ekki er með öllu ljóst hverjir bæir aðrir hafi verið í Hofssókn. Þó er vitað
að Miðhús og Þrándarholt áttu kirkjusókn að Hofi eftir að Þrándarholtskirkja var
aflögð 1570 og líklega Sandlækir og Skarð. Þessir bæir allir voru lagðir til Stóra
-Núpssóknar árið 1975 og greiðsla til Hrepphólasóknar var vegna þessara skipta
samtals kr. 50.948.- á árunum 1975-1976 og 1977.
Háholt og Asbrekka voru með í þessum skiptum, en þeir bæir voru
Hofskirkju óviðkomandi.
Steinþór Gestsson.
25