Strandapósturinn - 01.06.1989, Page 28
en einstæð móðir sem bjó í húsinu missti þarna mikinn hluta af
innbúi sínu. Húsið er nú óíbúðarhæft, og ríkir nokkur óvissa um
framtíð þess.
Þann 19. desember kviknaði í nýjum 9,9 tonna stálbáti, Frey
ST-11, við bryggju á Hólmavík. Fljótlega gekk að slökkva eldinn,
en mikið frost gerði slökkvistarf erfitt, þar sem froða fraus í
tækjum slökkviliðsins. Nokkrar skemmdir urðu á innréttingum
og siglingatækjum í bátnum.
Ýmislegt. Haustið 1989 tók Hótel Matthildur til starfa á Hólmavík,
en Hótel Hólmavík hætti jafnframt starfsemi. Með þessu urðu
nokkur þáttaskil í hótelrekstri á svæðinu, þar sem nýja fyrirtækið
er í höndum heimamanna. Hótelstjóri á Matthildi er Sólveig H.
Halldórsdóttir frá Framnesi í Bjarnarfirði.
Elsti íbúi Strandasýslu hélt upp á 100 ára afmæli sitt á árinu.
Þann 4. nóvember varð Steinunn Guðmundsdóttir frá Skriðins-
enni 100 ára, en hún fæddist á Dröngum í Arneshreppi 4. nóv-
ember 1889. Kór Hólmavíkurkirkju flutti Steinunni nokkur lög í
tilefni dagsins, og Steinunn tók á móti gestum á heimili Önnu
dóttur sinnar á Hólmavík. I tilefni af afmælinu færði Steinunn
íslenska kristniboðinu 500 þúsund krónur að gjöf.
Þann 3. janúar 1990 verða liðin 100 ár frá því að Hólmavík fékk
löggildingu sem verslunarstaður. Þess verður minnst á ýmsan
hátt, fyrst með afmælisveislu á afmælisdaginn, en síðan með veg-
legri sumarhátið dagana 27.-29. júlí 1990. Hreppsnefnd Hólma-
víkurhrepps skipaði 5 manna nefnd sl. sumar til að undirbúa
afmælishaldið, og er Björk Jóhannsdóttir kennari formaður
hennar. Örn Ingi Gíslason, myndlistarmaður á Akureyri hefur
verið ráðinn starfsmaður nefndarinnar.
Lýkur hér að sinni að segja frá atburðum ársins 1989. Það er von
undirritaðs að í þessum pistli geymist eitthvað sem annars hefði
tilhneigingu til að falla í gleymsku. Annáll sem þessi hefur þó öllu
minni sérstöðu en annálar fyrri alda, sem oft voru eina heimildin
um atburði líðandi stundar. Nú lifum við á svonefndri upplýs-
ingaöld, og heimildir um samtímann fylla ótal skjalaskápa og
tölvudiska.
26