Strandapósturinn - 01.06.1989, Qupperneq 57

Bjarni Þ. Jónsson
frá Bjarnarnesi:
Hugleið ingai
frá liðnum
dögum
um sundlaugagerð og sundkennslu
í Bjarnarfirði og á Selströnd
Að frumkvæði sundfélagsins Grettis var hafist handa um bygg-
ingu sundlaugar að Svanshóli árið 1928. Mölin var tekin úr Bjarn-
arfjarðará og borin í pokum á byggingarstað, og eitthvað mun
hafa verið notast við vagna og sleða um veturinn. Sandur var aftur
á móti sóttur niður á svokallað Sel, þar sem Bjarnarfjarðará renn-
ur til sjávar, og var það mjög gott efni. Þetta hefur áreiðanlega
ekki verið neitt áhlaupaverk við þáverandi aðstæður fyrir rúmum
sextíu árum, en rnenn létu sér ekki erfiðið fyrir brjósti brenna,
enda var áhuginn ódrepandi og sundlaugin sannkallað hugsjóna-
mál.
Árið 1929 var búið að steypa upp laugina og þegar hún var
tilbúin man ég að hún var opnuð við hátíðlega athöfn þá um
sumarið. Það var mikil hátíð þegar fólk kom þarna saman og
margir algjörlega ósyndir, þar á meðal ég, en auðvitað langaði mig
út í eins og hina. Svo, þegar að því kom að ég átti að fara út í,
55