Strandapósturinn - 01.06.1989, Side 72

vopnaðir. Heimamenn réðu strax til atlögu og þó Spánverjarnir
væru 12 saman vel vopnum búnir flýðu þeir í ofboði út í bátana og
héldu frá landi. Um leið og bátarnir koinu út að skipinu létti það
akkerum og sigldi sem hraðast út úr firðinum og sást þar aldrei
síðan. Eftir lágu í valnum þrír Spánverjar dauðir.
Þeir dauðu voru dysjaðir í víkinni innan við nesið og má sjá
dysjarnar enn í dag. Upp frá því var víkin kölluð „Spánskavík" en
nesið „Skáraklettanes“, og hlaut nesið nafn af því að þar voru
kindurnar skornar. Hellan sem þær voru skornar á liggur enn
óhreyfð á sama stað.
Sannleiksgildi þessarar sagnar mætti sannreyna með því að
grafa í dysjarnar, en þær munu vera undir vernd þjóðminjavarð-
ar og mega aðrir ekki hreyfa þar við neinu.
Víkingasátur
Upp með Margrétarfelli á Hafnarhólmi að sunnanverðu er
örnefnið „Víkingasátur“ og sjást þar greinilega fimm dysjar. Ekki
hef ég getað grafið upp hverjir börðust þar. Hugsanlegt er að
þessar dysjar séu frá því í heiðni, en þá hafa þær varðveist óvenju-
vel.
Eftir kristnitöku voru íslenskir menn jarðaðir að kirkju eða
bænhúsum, að vísu fengu sakamenn ekki leg í vígðri mold og voru
dysjaðir nálægt aftökustað, en þar sem þessar dysjar eru uppi á
fjallsbrún og svona margar er það óhugsandi.
Enn ein tilgáta gæti verið að þarna hafi verið ræningjar af
erlendu skipi, sem bændur hafi veitt aðför og drepið og dysjað
þarna. Allt er þetta hulið myrkri aldanna, dysjarnar eru þarna en
af hvaða orsökum? Við því fást engin svör.
Paradís
í sóknarlýsingu sinni frá 1847 skrifar Gísli Sigurðsson í Bæ á
Selströnd meðal annars:
„Þar er og á Kleifum á Selströnd önnur vík kölluð Paradís.
Dregur hún nafn af spönsku ræningjaskipi sem þar forlisd.“
Ekki getur Gísli um hverjar orsakir urðu til þess að skipið fórst
70