Strandapósturinn - 01.06.1989, Qupperneq 83

Gísli Guðlaugsson
frá Steinstúni í Arneshreppi:
Sjúkra-
flutningar á
Ströndum
frostavetur-
inn 1918
Það var frostaveturinn 1918 að á Seljanesi í Árneshreppi dvöldu
hjónin Guðrún Jónsdóttir, dóttir Guðbjargar Jörundsdóttur á
Seljanesi, og maður hennar Kristjón Jónsson úr Reykjavík.
Þá um veturinn veiktist Kristjón mikið og var búinn að vera
veikur lengi. Læknirinn Kristmundur Guðjónsson, sem þá var á
Kúvíkum við Reykjarfjörð, vildi fá hann þangað til sín, en áður
hafði hann vitjað Kristjóns og taldi þetta nauðsynlegt.
Þetta var á útmánuðum og var fannfergi mikið og hafþök af ís
sem orðinn var samfrosta.
I þann tíma var ekki um neinar samgönguleiðir að ræða og má
með nokkrum sanni segja að menn yrðu að treysta á mátt sinn og
megin hvað þetta varðaði. Voru nú góð ráð dýr.
Guðrún kona Kristjóns gekk þá í að fá menn til að koma honum
til læknisins. Varð að ráði að draga sjúklinginn á sleða inn að
Kúvíkum. Kassi var smíðaður og festur á sleðann og búið um
sjúklinginn svo vel sem mögulegt var.
Til fararinnar völdust Gísli Guðlaugsson á Steinstúni sem hér
segir frá, Agnar Jónsson, sem þá átti heima á Steinstúni (síðar á
Hrauni), Gunnar Njálsson á Njálsstöðum og Finnbogi Jónsson í
Norðurfirði. Eníifremur var Guðrún kona Kristjóns með í ferð-
inni.
81