Strandapósturinn - 01.06.1989, Síða 93

hvort almennur áhugi væri fyrir stofnun átthagafélags og reynd-
ist svo vera, því að um 200 Strandamenn tjáðu vilja sinn í því efni
með því að rita nöfn sín á þar til gerða lista. Nú lá það ljóst fyrir að
tilraun okkar mundi heppnast og var þá ákveðið að halda sam-
komu, er bæði skyldi vera stofnfundur og kvöldvaka með
skemmtiatriðum. Þurftum við þannig að tryggja okkur bæði sam-
komuhús og skemmtikrafta. Og loks rann stóra stundin upp.
Stofnfundurinn
Stofnfundurinn var haldinn 6. febr. 1953 í Tjarnarkaffi Vonar-
stræti 10 að viðstöddum nær 200 gesturn. Sigvaldi Kristjánsson
stjórnaði fundinum og fól höfundi þessarar greinar að rita fund-
argerð. Þorsteinn Matthíasson ílutti ávarp og gerði grein fyrir
aðdraganda fundarins og störfum undirbúningsnefndar. Taldi
hann stofnun Átthagafélags Strandamanna tímabært málefni þar
sem svo margt fólk væri flutt til Reykjavíkur úr sýslunni. Sagði
ræðumaður, að stofnun sem þessi gæti gert mikið gagn, bæði
félagslega og menningarlega ef vel væri á málum haldið. Líkti
hann félaginu við brú, er tengdi saman Strandamenn í Reykjavík
og sýslungana í átthögunum. Var góður rómur gerður að ræðu
hans enda flutti hann mál sitt vel og skörulega.
Þá var lesið uppkast að lögum fyrir félagið og var það samþykkt
athugasemdalaust.
Fyrstu stjórn félagsins skipuðu 7 menn þ.e.a.s. allir þeir sem
störfuðu í undirbúningsnefndinni en að auki voru þeir Magnús
Guðjónsson frá Hólmavík og Ólafur Guðmundsson frá Eyri vald-
ir í stjórnina. Þorsteinn Matthíasson var kjörinn formaður með
lófataki. Skeggi Samúelsson varð fyrir valinu sem varaformaður,
en aðrir varamenn í stjórn voru Ingibjörg Jónsdóttir, Magnús
Sigurjónsson og Torfí Jónsson.
Þegar fundinum lauk hófst kvöldvakan. Þar var til skemmtunar
m.a. upplestur, söngur og dans. Samkoman, sem varð í reynd
„góðra vina fundur", fór hið besta fram, enda skemmtu allir sér af
lífi og sál og voru þakklátir þeim sem að þessu framtaki stóðu.
91