Strandapósturinn - 01.06.1995, Blaðsíða 25

skorður. Þorskafli var með betra móti, og gæftir þokkalegar.
Sædís ST-17, sem verið hafði aflahæsti báturinn íþessum stærðar-
flokki síðustu ár, var seld úr héraði um mánaðarmótin febrúar—
mars, en í hennar stað var keypt stærri og öflugri trilla, Hall-
varður á Horni. Það sem eftir var ársins landaði Hallvarður
rúmlega 80 tonnum í Hólmavíkurhöfn og var að vonum afla-
hæsta trillan á svæðinu. Síðustu mánuðir ársins voru sérlega
gjöfulir hjá trillunum. Þannig fékk Hallvarður 23 af þessum 80
tonnum í nóvember.
Fiskmarkaður Hólmavíkur jók umsvif sín á árinu. Fyrirtækið
keypti húsið Furuvelli undir starfsemi sína, en þar var áður salt-
fiskvinnsla kaupfélagsins.
í saltfiskvinnslu Gunnsteins Gíslasonar í Norðurfirði voru svip-
uð umsvif og árið áður. Þar var alls laudað um 180 tonnum af
fiski. Gagnstætt árinu áður gekk vel að selja afurðirnar, ekki síst
smáfiskinn.
Utgerð frystitogarans Hólmadrangs gekk þokkalega á árinu.
Eins og árið áður var skipið sent til veiða í Smugunni í Barentshafi
um haustið. Farnar voru tvær veiðiferðir á þessar slóðir. I fyrri
ferðinni fékkst góður afli, en seinni ferðin brást algjörlega.
í árslok var ráðinn netagerðarmeistari til starfa hjá Hólma-
drangi hf., og í framhaldi af því var komið upp uetaverkstæði í
húsnæði fyrirtækisins á Hólmavík. Standa vonir til að með þessu
skapist um 4 ársverk á staðnum.
Meira nm atvinnumál
Handverksfólk á Ströndum lét talsvert að sér kveða á árinu.
Um sumarið tók handverkshópurinn Strandakúnst Riis-húsið á
Hólmavík á leigu og rak þar handverksmarkað í nokkrar vikur.
Einnig var þar boðið upp á kaffiveitingar um helgar og ýmsa
listviðburði. Til stóð að hópurinn keypti húsið, en úr því varð
ekki.
Kertaverksmiðja Mánaskins hf. á Borðeyri var seld úr héraði í
október 1995, en þá hafði reksturinn legið niðri um nokkurt
skeið. Markaðssetning á framleiðslu fyrirtækisins gekk ekki sem
23