Strandapósturinn - 01.06.1995, Blaðsíða 106

ekki ritaðar eða þær glatast. En í skipaskrá frá ísafirði kemur í ljós
að Einar Guðfinnsson og bróðir hans Guðmundur eru skráðir
eigendur skipsins þann 4. júní 1928, en ekki kemur fram af
hverjum það var keypt. Þann 27. maí 1929 er það skráð og nafni
þess breytt í Vestra og það selt Jóni nokkrum Guðmundssyni á
Súgandafirði, sem síðan seldi það til Flateyrar þar sem það rak
upp og ónýttist árið 1948. Þar sem engar opinberar heimildir eru
til um útgerð þeirra bræðra, Finnboga og Magnúsar hefur hlut-
deild þeirra í útgerðarsögunni alveg fallið niður. Er það mjög
miður þar sem Hekluútgerðin var sú stærsta í Strandasýslu,
kannski við Húnaflóa á meðan hún varði.
Einu rituðu heimildirnar sem ég hef komist yfir um útgerð
þeirra bræðra eru dagbækur Níelsar Jónssonar á Gjögri, en hann
minnist mjög oft á Hekluna og aðra útgerð þeirra bræðra þar á
undan. Nokkrar dagsetningar sem minnst er á í greininni eru
þaðan komnar og ein tilvitnun.
Við samantekt á frásögn þessari kom oft í huga minn hve
stórhuga þeir bræður hafa verið. Eftir að hafa misst Vonina sem
var 12 tonna skip í hafís festa þeir kaup á 30 tonna þilskipi með
hjálparvél, sem á þeim tíma þótti mjög stórt í Arneshreppi. Að
sögn Guðmundar Magnússonar dró rnjög úr allri árabátaútgerð í
hreppnum eftir skipaskaða er varð þann 4. febrúar árið 1888 er
þrír áttæringar fórust í miklu óveðri. Mannbjörg varð vegna
einstæðrar mildi og vegna mikillar hæfni þeirra sem þar voru við
stjórnvölinn. Finnbogastaðaskipið var á sjó meðal annarra en
Guðmundur formaður og faðir þeirra bræðra fann á sér hvað var
í aðsigi og fór í land degi áður en veðrið skall á, þeim öðrurn
formönnum sem á sjó voru til mikillar furðu, enda þá enn blíð-
skapar veður. Guðmundur Magnússon segist oft hafa heyrt
minnst á þetta óveður, sem brast á sem hendi væri veifað og
einnig á forsjálni afa síns sem fór í land í blíðskaparveðri frá
ágætis aflabrögðum. Guðmundur telur að í framhaldi þessa hafi
þeir farið að hugsa til stærri skipa enda þá að verða veruleg
framför í skipasmíði og byrjað að setja vélar í báta upp úr alda-
mótunum.
Sem strákur heyrði ég oft vitnað í Finnboga og um hann var
104