Fréttablaðið - 14.05.2022, Síða 102

Eins og venjulega notaði
Range Rover óvenjulegar leið­
ir til að frumsýna sportjeppa
sinn og að þessu sinni var
nýja bílnum ekið upp Hafra­
hvammagljúfur á Íslandi.
njall@frettabladid.is
Range Rover frumsýndi í vikunni
nýtt útlit Range Rover Sport með
sérstöku kynningarmyndbandi á
netinu. Þar sést ökuþórinn Jessica
Hawkins aka upp Hafrahvamma­
gljúfur skömmu áður en Hálslón
fer á yfirfall og fyllir gljúfrið. Var
Ísland efst á lista hjá Land Rover
fyrir kynningarmyndbandið, en
fyrri módel hafa til dæmis ekið 999
þrepin upp himnastigann á Tian­
men fjalli í Kína.
Ekki er að sjá að bíllinn sé mikið
breyttur frekar en stóri bróðir hans,
en samt er um alveg nýjan bíl að
ræða. Hjólhafið er 75 mm lengra en
lengra fráfallshorn að aftan setur
sportlegri svip á hann. Efri hluti
bílsins er eins og einn gluggi, þak­
línan aðeins afturhallandi og endar
í stórri vindskeið. Hurðarhandföng
falla inn í hurðirnar og díóðuljósin
eru enn mjórri en áður. Stærstu felg­
urnar sem hægt er að fá með bílnum
eru 23 tommur. Bíllinn er á sama
MLA Flex undirvagni og Range
Rover og einnig verður kynnt rafút­
gáfa sem kemur þó ekki fyrr en 2024.
Tvær tengiltvinn útgáfur verða í boði
strax með allt að 503 hestafla og 700
Nm vélbúnaði, en þriggja lítra vélin
með 38,2 kWst rafhlöðu getur komið
bílnum í hundraðið á aðeins 5,4
sekúndum. Mildari tvinnútgáfur og
öflugri V8 útgáfa verða einnig í boði
og SVR útgáfa mun koma fjótlega. ■
Range Rover Sport kynntur
með íslensku myndbandi
Hámarksvaðdýpt Range Rover Sport er uppgefin við 900 mm, en hvort íslenska gljúfrið hafi boðið upp á meira skal
ósagt látið. MYND/LAND ROVER
njall@frettabladid.is
Raf bíllinn frá Skoda er væntan­
legur árið 2025 ásamt hinum
bílunum og verður með svipuðu
lagi og Enyaq, til að mynda. Um
svipaða stærð og Skoda Fabia er
að ræða og kemur bíllinn þá á
nýja MEB Entry undirvagninum.
Bíllinn frá Volkswagen fær nafnið
ID.1 og verður með sama undir­
vagni. Volkswagen bíllinn verður
kúptari en Skoda smábíllinn sem
er með kantaðri línum og meira að
segja hjólaskálar eru með kassa­
lagi. Hjólin eru mjög utarlega sem
þýðir að pláss er fyrir stærri raf­
hlöðu. Raf hlöður fyrir þessa bíla
verða líklega framleiddar í nýrri
verksmiðju í Sagunto á Spáni, sem
hefur framleiðslu árið 2023. Búast
má við allavega 58 kWst raf hlöðu
sem gefur allt að 450 km drægi. ■
VW og Skoda sýna útlínur nýrra bíla
Útlínur VW smábílsins eru mun mýkri en sambærilegs bíls frá Skoda.
MYNDIR/VW GROUP
njall@frettabladid.is
Fisker hefur sýnt myndir af næsta
rafbíl sínum sem kallast mun Pear,
en það stendur fyrir Personal Elect­
ric Automotive Revolution. Bíllinn
verður frumsýndur í Evrópu í lok
mánaðarins en bíllinn fer í fram­
leiðslu á næsta ári.
Myndirnar sýna bíl með stórum
brettum og ljósarönd utan um bílinn
en ljós og glampandi yfirborð fela
vel önnur útlitseinkenni. Bílnum
er ætlað að keppa við bíla eins og
Renault Zoe og Mini Electric og á
Pear að sameina sportlega aksturs­
eiginleika ásamt „sniðugum farang­
urslausnum“ eins og það er kallað.
Bíllinn verður hannaður af Fox­
conn í Taiwan sem frumsýndi nýlega
tvo bíla á nýjum undirvagni, sem
Pear gæti einnig notað. Framleiðsla
bílsins mun fara fram í Ohio og verða
250.000 eintök smíðuð árlega. ■
Fisker sýnir mynd af
borgarbílnum Pear
Fisker Pear er smávaxinn rafbíll sem er smíðaður hjá Foxconn í Taíwan.
MYND/FISKER
njall@frettabladid.is
Volkswagen hefur tilkynnt að
nýtt merki fyrir rafjeppa og pall­
bíla í Bandaríkjunum muni bera
hið fornfræga Scout heiti. Myndir
af bílnum sýna kassalaga útlit líkt
og á Scout en með meira hjólhafi.
Scout jeppinn mun ekki nota MEB
undirvagn Volkswagen heldur mun
nýr undirvagn vera í smíðum sem
sérstaklega er ætlaður rafjeppum.
Scout jepparnir verða aðeins
seldir á Ameríkumarkaði og er
áætlað að hann kosti frá 40.000
dollurum sem er undir því verði
sem Ford F­150 og Silverado pall­
bílarnir eru boðnir á.
Rafpallbílar í Bandaríkjunum eru
nýjasta æðið en f leiri ætla að róa á
þessi mið eins og Tesla, Rivian, GM
og Hummer. Að sögn Volkswagen
munu fyrstu bílarnir verða frum­
sýndir á næsta ári en búast má við
að þeir fari á markað árið 2026.
Volkswagen tryggði sér Scout
nafnið í fyrra en Scout jeppar voru
í framleiðslu til 1980. ■
VW endurvekur Scout
jeppann sem rafbíl
Mun meira hjólhaf prýðir nýjan
Scout rafjeppa sem frumsýndur
verður á næsta ári. MYND/VW GROUP
BÍLAR FRÉTTABLAÐIÐ 14. maí 2022 LAUGARDAGUR