Fréttablaðið - 21.05.2022, Side 54

Stærsta áskorunin í
dag er að vinna
með niðurstöður hratt
og skipulega. Það er
orðið ódýrt að mæla og á
færi flestra. Stóra spurn-
ingin er hvað skuli gera
með niðurstöðurnar.
Auðunn Gunnar
Margt spilar inn í þegar
kemur að því að rækta
mannauð fyrirtækis. Eitt
það mikilvægasta er helgun
starfsfólks. Helgun tengist
afkomu fyrirtækja, líðan
starfsfólks, fjarvistum,
tryggð og fleiri atriðum sem
áhrif hafa á rekstur fyrir-
tækja.
Gallup býr yfir áratuga reynslu
og þekkingu af vinnustaðagrein-
ingum sem fyrirtækið hefur lagt
fyrir í meira en þrjátíu ár erlendis
og í meira en tuttugu ár á Íslandi.
„Út frá hundruðum spurninga var
þróað mælitæki sem byggir á tólf
grunnþörfum sem þarf að mæta til
að skapa heilbrigt starfsumhverfi
sem styður fólk í að ná framúrskar-
andi frammistöðu. Gallup skoðar
reglulega þessi tengsl helgunar og
rekstrarlegra þátta. Síðast var gerð
slík greining árið 2020. Þar voru
skoðaðar þrjár milljónir svara í 112
þúsund starfseiningum. Þetta er
því ansi stór gagnabanki sem við
erum að vinna með,“ segir Auðunn
Gunnar Eiríksson hjá Gallup.
12 lykilþættir
„Það er gríðarlega mikilvægt að
vera með mælikvarða sem tengjast
bæði líðan starfsfólks og rekstrar-
legum þáttum. Til að skapa helgun
þarf fyrirtækið að veita þörfum
starfsfólks athygli og skoða hvern-
ig það getur mætt þeim. Allt byrjar
þetta því með mælingu á þessum
grunnþörfum. Mælitækið snýr að
tólf lykilþörfum sem stjórnendur
þurfa að mæta til að skapa helgun.
Helgun verður þegar starfsfólki
finnst að þörfum sínum sé mætt.“
Allt byrjar þetta með því að
skapa góðan grunn.
Tvær af þessum tólf spurn-
ingum snúa að grunnþörfum
sem vinnustaðir þurfa að mæta
til að hægt sé að skapa umhverfi
helgunar. „Í fyrsta lagi þarf
starfsfólk að vita nákvæmlega
til hvers er ætlast af því. Í öðru
lagi þarf starfsfólk að hafa þau
tæki og gögn til þess að mæta
þeim væntingum sem til þess eru
gerðar. Bara með því að tryggja
þetta tvennt er stjórnandi að gera
starfsfólki kleift að ná árangri í
starfinu og koma í veg fyrir streitu
og óánægju.“
Helgunarlíkanið (Q12)
einfaldar ákvarðanatöku
„Líkaninu er stillt svolítið upp
eins og fjallgöngu. Sé grunn-
þörfum mætt, getum við haldið
áfram ferðinni. Líkt og í fjallgöngu
þarf að byrja í grunnbúðunum.
Enginn fer á topp Everest án þess
að dvelja þar í drykklanga stund.
En til að komast á toppinn þarf að
mæta þörfum sem snúast um vöxt
og framfarir.“
En hvað nákvæmlega er helgun?
„Helgun starfsfólks er viðbrögð
við því að það fái þörfum sínum
mætt. Í því felst að virða að við
erum öll ólík en við eigum það öll
sameiginlegt að við þurfum að fá
viðurkenningu. Helgað starfsfólk
er áhugasamt og virkt, því líður
vel og það hefur að öllu jöfnu
meiri orku en þeir sem ekki eru
helgaðir, því – eins og áður sagði
– þörfum þess hefur verið mætt.
Vinnan gefur helguðu starfs-
fólki orku, en tekur hana ekki,
og verður þá helgun verndandi
þáttur hvað varðar kulnun.“
81% minni fjarvistir
Þessu til stuðnings gerir Gallup á
tveggja ára fresti yfirlitsrannsókn
á gögnum í sínum gagnabanka,
sem þau hafa byggt upp á undan-
förnum árum frá innlendum og
erlendum fyrirtækjum og starfs-
fólki. Þar kemur ýmislegt bita-
stætt í ljós sem ætti að sannfæra
f lesta um að huga að helgun þegar
kemur að mannauði fyrirtækja.
„Í rannsókninni eru starfs-
einingar í efsta fjórðungi helgunar
(hæstu 25%) bornar saman við
starfseiningar í neðsta fjórð-
ungnum (lægstu 25%). Þar kemur
í ljós að í starfseiningum sem eru
í topp 25 prósentunum eru fjar-
vistir og veikindi hvorki meira né
minna en 81% færri. Þetta eitt og
sér ætti að vera næg rök fyrir því
að leggja áherslu á að efla helgun.
Margt fleira er hægt að tína til,
þar á meðal að helgun skilar sér í
meiri hagnaði, aukinni framlegð
og sölu og færri gæða- og öryggis-
frávikum.“
Meira en mæling
Hver eru þá næstu skref? Hvernig
eiga vinnustaðir að styðja við
helgun starfsfólks? „Gallup
Access er ný veflausn frá Gallup
en hún snýst ekki bara um að
mæla, heldur hvernig á að vinna
með niðurstöður. Stjórnendur fá
hugmyndir, ráðgjöf, tillögur og
leiðbeiningar um hvernig þeir geta
stuðlað að helgun starfsfólks.
Auk þess eru í Gallup Access 370
tilbúnar og prófaðar spurningar
á 40 tungumálum í 50 þemum.
Þar er hægt að finna eitthvað fyrir
alla. Einnig er hægt að setja saman
eigin spurningalista, til dæmis ef
fyrirtæki hefur verið með heilsu-
átak á vinnustaðnum eða annað
slíkt. Samanburður við aðra, helst
í sömu atvinnugrein, er nauð-
synlegur og í Gallup Access er
fáanlegur samanburður við bæði
íslenskan og erlendan gagnabanka
sem hjálpar mikið við greiningu á
niðurstöðum.
Stærsta áskorunin í dag er að
vinna með niðurstöður hratt og
skipulega. Það er orðið ódýrt að
mæla og á færi flestra. Stóra spurn-
ingin er hvað skuli gera með niður-
stöðurnar. Gallup Access hjálpar
þér að taka skrefin í átt að betra
starfsumhverfi. Við hjá Gallup
erum svo boðin og búin að aðstoða
stjórnendur við að taka næstu
skref. Við erum sérfræðingar í að
vinna með þessar niðurstöður og
sjá hvað skiptir máli og aðstoða
vinnustaðinn við að innleiða þær
lausnir.“
Kostir Gallup Access
Kostirnir við Gallup Access eru
ótvíræðir þegar lausnin er borin
saman við það sem hefur verið
í boði hingað til. „Segjum sem
svo að mannauðsstjóri taki eftir
auknu álagi og streitu á vinnustað
og vilji grípa inn í. Sjálfur veit ég,
af reynslu minni sem mannauðs-
stjóri, að framkvæmdastjórn er oft
treg til að taka mark á tilfinningu
mannauðsstjóra og gera nauð-
synlegar og oft kostnaðarsamar
breytingar ef engin gögn liggja
fyrir. Með Gallup Access er engin
bið eftir niðurstöðum og mann-
auðsstjóri er kominn með gögn í
hendurnar til þess að leggja á borð
fyrir framkvæmdastjórn sem er þá
mun líklegri til að gera eitthvað í
málinu.
Svo er dýrt að fá þriðja aðila til
að leggja fyrir vinnustaðakannanir
sem hvetur fyrirtæki til að gera
það eins sjaldan og hægt er. Fyrir
vikið verða kannanirnar lengri en
þörf krefur og tímafrekari. Með
Gallup Access er hægt að gera fleiri
og minni kannanir á ári sem eru
þá fókuseraðar á það sem þarf að
kanna hverju sinni, eins og streitu,
breytingar, stefnu, fjarvinnu eða
þjónustustefnu. Spurningar um
allt þetta eru þegar tilbúnar í Gal-
lup Access, auk aðgangs að fræðslu-
efni og bestu starfshætti.“
Q12 og Gallup Access teymið
Auðunn Gunnar Eiríksson er með
BA í sálfræði og er vottaður styrk-
leikaþjálfari. Hann hefur unnið við
mannauðsmál frá árinu 2005, bæði
sem ráðgjafi og mannauðsstjóri,
nú síðast sem mannauðsstjóri hjá
BYKO, áður en hann hóf störf hjá
Gallup. Ásamt Auðuni eru fjórir
aðrir sérfræðingar hjá Mannauðs-
rannsóknum og ráðgjöf Gallup.
Tómas Bjarnason er sviðsstjóri
mannauðsrannsókna og ráð-
gjafar. Hann er með doktorsgráðu
frá háskólanum í Gautaborg og
áratuga reynslu af hagnýtum rann-
sóknum. Frá 2000 hefur hann sinnt
rannsóknum og ráðgjöf á sviði
stjórnunar og starfsumhverfis
með áherslu á helgun, hollustu og
tryggð starfsfólks. Tómas hefur
unnið rannsóknir fyrir ýmsar
stofnanir og flest stærstu fyrirtæki
landsins.
Arna Frímannsdóttir er með
MSc í sálfræði með áherslu á
tölfræði, hún hefur unnið hjá
Gallup frá árinu 2015, að mestu við
greiningu gagna úr vinnustaða-
rannsóknum. Arna hefur einnig
unnið við kennslu og úrvinnslu
gagna frá árinu 2006.
Sóley Kristjánsdóttir er með
BA í sálfræði, master í mannauðs-
stjórnun og diplóma í jákvæðri
sálfræði. Einnig er hún vottaður
stjórnenda- og styrkleikaþjálfari.
Hún hefur starfað sem stjórnandi,
mannauðsstjóri og þjálfari frá
2006. Sérsvið Sóleyjar er styrk-
leika- og stjórnendaþjálfun.
Íris Björg Birgisdóttir er með BSc
í sálfræði, diplóma í mannauðs-
stjórnun og master í forystu og
stjórnun með áherslu á mann-
auðsstjórnun. Hún hefur unnið
við stjórnun og ráðgjöf en einnig
greiningu, sölu og þjónustu á sviði
mannauðs- og markaðsmála.
Stjórnandinn er í lykilhlutverki
Gallup býður upp á ýmsa ráðgjöf,
námskeið og vinnustofur sem eru
hannaðar til að hjálpa mann-
auðsteymum og stjórnendum að
stuðla að þessu töfraumhverfi
sem fær starfsfólk til að helga sig
starfinu. „Meginvinna okkar felst í
að þjálfa stjórnendur í að aðstoða
starfsfólk sitt til þess að blómstra í
starfi. Við sjáum oft að stjórnendur
fá ekki tíma til þess að sinna þessu
lykilhlutverki sínu og fá í mörgum
tilfellum ekki þjálfun í því að vera
stjórnendur. Stjórnendur hafa
gríðarleg áhrif á starfsfólkið sitt. Ef
fólk hættir í starfi, þá er það oftast
tengt stjórnun.
Ég vitna í Herdísi Pálu Páls-
dóttur, sem fjallaði um þetta mál-
efni í fjölmiðlum í vikunni: Helsta
áskorun fyrirtækja og stjórnenda
í dag er að halda í gott starfsfólk.
Það ætti ekki að vera vandamál ef
þú skapar umhverfi þar sem starfs-
fólk þitt getur þróast í starfi. Gott
starfsfólk vex ekki á trjám.“ n
Nánari upplýsingar um Gallup
Access er að finna á vef gallup.is
Þetta snýst allt um helgun starfsfólks
Teymið sem sér um mannauðsrannsóknir og ráðgjöf hjá Gallup. Frá vinstri: Auðunn Gunnar, Íris Björg, Sóley, Arna og Tómas. Fréttablaðið/Ernir
Auðunn Gunnar segir það lykilatriði fyrir stjórnendur að skapa umhverfi á
vinnustaðnum sem hvetur til helgunar starfsmanna. Fréttablaðið/Ernir
18 kynningarblað 21. maí 2022 LAUGARDAGURMannauðsMál