Skessuhorn - 18.05.2022, Blaðsíða 6

MIÐVIKUDAGUR 18. MAÍ 20226
Dauður lundi í
Krókalóni
AKRANES: Vegfarandi
fann dauðan lunda í Króka­
lónsfjöru við Vesturgötu í
vikunni og hafði samband
við lögreglu. Lögreglan
kom á staðinn og sótti
fuglinn en ákveðið verklag
er á þessu vegna mögulegr­
ar fuglaflensu. Lögreglan
vill ítreka fyrir fólki að
snerta alls ekki dauða fugla
ef þeir verða á þeirra vegi
en láta hana vita um mál­
ið svo hægt sé að senda þá í
rannsókn til Matvælastofn­
unar. -vaks
Styrkir fyrir
varmadælur
HVALFJ.SV: Sveitarstjórn
Hvalfjarðarsveitar hef­
ur, að tillögu mannvirkja­
og framkvæmdanefnd­
ar, samþykkt reglur um
styrki vegna varmadælna
í Hvalfjarðarsveit. Í kjöl­
far samnings sveitarfé­
lagsins við Hagvarma ehf.
um mat á hagkvæmni þess
að setja upp varmadælu­
kerfi til hitunar á rafkyntu
íbúðarhúsnæði (með lög­
heimilisskráningu), þar
sem vilji væri til uppsetn­
ingar varmadælu, hafa
ofangreindar styrkregl­
ur nú verið samþykkt­
ar. Vinna Hagvarma er nú
langt komin og hefur þátt­
taka í verkefninu verið góð
en rúm 63% þáðu boð um
þátttöku. -vaks
Skagamenn
skora mörkin á
Spotify
AKRANES: Geisladisk­
urinn Skagamenn skora
mörkin var gefinn út árið
2007 til minningar um
Sturlaug H. Böðvarsson
en 90 ár voru þá liðin frá
fæðingu hans. Diskurinn
inniheldur alls konar tón­
list tengd Akranesi og var
framleiddur í tvö þúsund
eintökum til styrktar ÍA.
Á disknum má finna lög
með flytjendum eins og
Tíbrá, Dúmbó og Steina,
Orra Harðarsyni, Tic Tac
og mörgum fleirum. Um
helgina kom hann inn á
tónlistarveituna Spotify
og því geta Skagamenn og
aðrir sett hann núna í botn
í græjunum. -vaks
Eldisafurðir
15% útflutnings-
verðmætis
LANDIÐ: Á fyrstu fjórum
mánuðum ársins hafa verið
fluttar út fiskeldisafurðir fyr­
ir 17,2 milljarða króna. Það
er veruleg aukning frá sama
tímabili í fyrra, eða sem nem­
ur rúmum 32% í krónum talið.
“Þar sem gengi krónunnar var
að jafnaði tæplega 5% sterkara
á fyrstu fjórum mánuðum
ársins en á sama tímabili í fyrra
er aukningin nokkuð meiri í
erlendri mynt eða sem nem­
ur 38%. Útflutningsverðmæti
eldis afurða hefur aldrei áður
verið meira á fyrsta þriðjungi
ársins. Verðmætin eru tæplega
15% af útflutningsverðmæti
sjávarafurða á tímabilinu og það
hlutfall hefur sömuleiðis aldrei
áður verið hærra,” segir í frétt á
Radarnum, mælaborði sjávarút­
vegsins. -mm
Ók ölvaður á
ofsahraða
HVALFJ:SV: Aðfararnótt
laugardagsins mældist öku­
maður í hraðamyndavél við
Melahverfi á Vesturlandsvegi
á 162 kílómetra hraða. Stuttu
síðar hafði bifreiðin hafn­
að utan vegar við afleggjarann
inn í Hvalfjörð en löng hemla­
för voru á vettvangi. Í mynda­
vélinni sást að ökumaður hafði
keyrt á miðjum veginum áður
en hann beygði og þykir mik­
il mildi að ekki hafi farið verr.
Ökumaðurinn var síðan hand­
tekinn og viðurkenndi fyrir
lögreglu að vera undir áhrifum
áfengis en hann var síðan fluttur
á bráðamóttökuna í Fossvogi
til nánari skoðunar. Bíllinn var
óökuhæfur og þá á ökumaður­
inn von á himinhárri sekt fyrir
athæfið. -vaks
Íbúum í Dalabyggð bauðst á laugar­
daginn að taka þátt í könnun sam­
hliða kosningum í sveitarstjórn um
vænlega sameiningarkosti sveitar­
félagsins. Á vef Dalabyggðar kem­
ur fram að 304 hafi tekið þátt í
könnuninni. 240 svöruðu játandi
spurningunni hvort Dalabyggð
ætti að hefja sameiningarviðræð­
ur. „Nei“ sögðu 22, en 26 merktu
við að þeir hefðu ekki skoðun á því.
Fimmtán seðlar voru auðir og einn
ógildur.
Svör við spurningunni um hvaða
sameiningarvalkostur væri æskileg­
astur voru eftirfarandi:
• Húnaþing vestra 71
• Sameinað sveitarfélag
Helgafellssveitar og Stykkis­
hólms 88
• Annað 94
Af þeim sem merktu við „annað“
var skiptingin þannig:
• 25 Reykhólahreppur og/eða
sveitarfélög á Ströndum.
• 23 Húnaþing vestra ásamt
Reykhólahreppi og/eða
sveitarfélögum á Ströndum.
• 19 Borgarbyggð.
• 12 Stykkishólmur og
Helgafellssveit ásamt Reyk­
hólahrepp og/eða sveitarfé­
lögum á Snæfellsnesi.
• Annað (færri en fimm á hvert)
voru 15.
• Auðir seðlar voru 50 og einn
ógildur.
mm/ Ljósm. sm.
Seglskútan Ópal frá Húsavík hafði
viðkomu í Grundarfjarðarhöfn í síð­
ustu viku. Þar lá hún við bryggju á
meðan norðan kaldi lá yfir landinu.
Þegar lægði voru landfestar leystar og
haldið áfram. Skipið er frá Húsavík
og hefur verið gert út þar til hvala­
skoðunar og í aðrar skoðunarferðir á
Skjálfandaflóa. tfk
Dalamenn kusu um sameiningar-
kosti á laugardaginn
Ópal í Grundarfjarðarhöfn