Skessuhorn - 18.05.2022, Blaðsíða 31

MIÐVIKUDAGUR 18. MAÍ 2022 31
Kári og KFS frá Vestmannaeyj­
um áttust við í 3. deild karla í
knattspyrnu á laugardaginn og var
leikurinn í Akraneshöllinni. Fylk­
ir Jóhannsson kom Kára yfir á
18. mínútu leiksins og fyrirliðinn
Andri Júlíusson skoraði annað
mark fyrir Kára á 37. mínútu en
áður í leiknum hafði Andri mis­
notað vítaspyrnu. Staðan því 2­0 í
hálfleik og Kári í ansi góðum mál­
um.
Það varði þó ekki lengi því Oskar
Wasilewski fékk rautt spjald í byrj­
un seinni hálfleiks og Káramenn
manni færri. Korteri seinna fékk
hins vegar Leó Viðarsson sitt ann­
að gula spjald hjá gestunum og það
var síðan hinn 17 ára gamli Axel
Freyr Ívarsson sem gulltryggði sig­
ur Kára í uppbótartíma, lokatölur
3­0.
Kári er í þriðja sæti deildarinnar
með fjögur stig eftir tvo leiki eins
og lið Elliða en Dalvík/Reynir og
Víðir eru efst með sex stig. Næsti
leikur Kára er gegn Kormáki/Hvöt
næsta laugardag á Blönduóssvelli
og hefst klukkan 14.
vaks
Ægir og Víkingur Ólafsvík mætt­
ust í 2. deild karla í knattspyrnu á
föstudaginn og fór leikurinn fram
á Þorlákshafnarvelli. Brynjar Krist­
mundsson stýrði liði Víkings í fjar­
veru Guðjóns Þórðarsonar sem
var í leikbanni eftir að hafa feng­
ið rautt spjald í fyrstu umferðinni
gegn Völsungi.
Fátt var um fína drætti í leiknum
en Ægismenn voru talsvert betri
aðilinn allan leikinn. Þeir náðu þó
ekki að koma tuðrunni inn fyrir
línuna og markalaust jafntefli var
niðurstaðan.
Næsti leikur Víkings í deildinni
er næsta laugardag gegn toppliði
Njarðvíkur á Ólafsvíkurvelli og
hefst klukkan 14.
vaks
Knattspyrnulið Kára á Akranesi
hefur fengið góðan liðsstyrk fyr­
ir komandi átök í 3. deild karla
í knattspyrnu í sumar. Ragnar
Leósson er kominn aftur á Skag­
ann og ætlar að taka slaginn með
Kára í annað skiptið á ferlin­
um. Ragnar spilaði lykilhlutverk
í liði Fjölnis í fyrra þegar liðið
var hársbreidd frá því að ná sæti
í Bestu deildinni en hann spilaði
21 leik og skoraði í þeim fjögur
mörk.
Þá hafði varnarmaðurinn Oskar
Wasilewski félagaskipti úr Aftur­
eldingu í Kára rétt fyrir lok félags­
skiptagluggans. Oskar sem er 22
ára hefur undanfarin tímabil leik­
ið með Aftureldingu en árin 2018
og 2019 spilaði hann tólf leiki með
Kára í deild og bikar.
vaks
Skagamenn léku tvo leiki í
liðinni viku í Bestu deild karla í
knattspyrnu og var sá fyrri þegar
Valur og ÍA mættust síðastliðinn
miðvikudag á Hlíðarenda. Lítið
markvert gerðist í fyrri hálfleikn­
um, hvorugt liðið tók mikla áhættu
og leikurinn lítt fyrir augað. Á 24.
mínútu fengu Skagamenn skyndi­
sókn og eftir góða sendingu frá Kaj
Leó í Bartalsstovu fékk Gísli Laxdal
Unnarsson boltann en skaut yfir úr
dauðafæri. Eftir því sem leið á fyrri
hálfleikinn sóttu Valsmenn meira
og uppskáru loks mark á lokamín­
útunni. Valsmaðurinn Birkir
Heimisson sendi langa sendingu
upp að endamörkum hægra megin
þar sem Birkir Már Sævarsson lagði
boltann út í vítateig á Patrick Ped­
ersen sem skoraði af miklu öryggi,
staðan í hálfleik því 1­0 fyrir Val.
Í seinni hálfleik var alger ein­
stefna að marki Skagamanna og
útkoman eftir því. Árni Snær Ólafs­
son varði vel í tvígang áður en Vals­
menn skoruðu sitt annað mark eft­
ir rúmlega klukkutíma leik. Árni
Snær varði þá frá Pedersen í dauða­
færi, boltinn hrökk síðan til Arnórs
Smárasonar sem lagði hann snyrti­
lega á Tryggva Hrafn Haraldsson
sem skoraði sitt fyrsta mark í sum­
ar. Skagamenn virtust enn vankað­
ir því þremur mínútum síðar fengu
þeir á sig þriðja markið. Guðmund­
ur Andri Tryggvason jók þá for­
skotið enn meir þegar hann skoraði
eftir sendingu frá Arnóri. Fjórða
og síðasta mark leiksins kom á 72.
mínútu en þá átti Alexander Davey
slaka sendingu úr vörninni, beint á
Birki Heimisson sem fann Tryggva
Hrafn sem skrúfaði boltann laglega
í fjærhornið og gulltryggði stórsig­
ur Valsmanna, lokatölur 4­0.
ÍA tók síðan á móti KA á sunnu­
daginn og varð að sætta sig við
þriðja tap sitt í röð í deildinni.
Norðanmenn komust yfir strax á
elleftu mínútu þegar Árni Snær
Ólafsson kýldi boltann út úr teign­
um og hann datt fyrir fætur Dan­
íels Hafsteinssonar sem hamr­
aði boltann upp í samskeytin á
marki ÍA, glæsilegt mark og stað­
an 0­1. Stuttu síðar kom Eyþór
Aron Wöhler boltanum í netið
fyrir Skagamenn en var réttilega
dæmdur rangstæður. Lítið annað
markvert gerðist í fyrri hálfleik og
gestirnir því með eins marks for­
ystu þegar flautað var til hálfleiks.
Skagamenn voru sterkari í byrj­
un seinni hálfleiks og það var gegn
gangi leiksins þegar KA menn
skoruðu eftir tæplega tíu mínútna
leik. Elfar Árni Aðalsteinsson fékk
þá sendingu í gegn og setti boltann
undir Árna Snæ í markinu. Aðeins
fimm mínútum síðar fengu heima­
menn vítaspyrnu þegar brotið var á
Gísla Laxdal Unnarssyni en mark­
vörður KA varði spyrnu Gísla.
Skagamenn misstu móðinn eftir
þetta og það var síðan Jakob Snær
Árnason sem bætti við þriðja marki
KA skömmu fyrir leikslok eftir
klafs í teig Skagamanna, lokastaðan
þriggja marka sigur KA, 0­3.
Skagamenn hafa nú tapað þrem­
ur leikjum í röð í Bestu deildinni
með markatölunni 1­12 og Jón
Þór Hauksson, þjálfari ÍA, sagði í
viðtali eftir leik að hann væri nátt­
úrulega bara hundsvekktur og þeir
væru að fá alltof mörg og ódýr
mörk á sig. ÍA er nú í áttunda sæti
deildarinnar með fimm stig eft­
ir sex leiki og mætir næst liði ÍBV
sem situr í tíunda sæti með tvö stig.
Leikurinn verður næsta laugardag
í Vestmannaeyjum og hefst klukk­
an 16.
vaks
Skallagrímur lék sinn fyrsta leik í
sumar þegar liðið tók á móti Árbæ
í A riðli 4. deildar í knattspyrnu
karla á mánudaginn og fór leik­
urinn fram í blíðskaparveðri á
Skallagrímsvelli í Borgarnesi.
Gestirnir komust yfir á sjöttu mín­
útu með marki frá Hjalta Kárasyni
Djurhuus en Davíð Freyr Bjarna­
son jafnaði metin fyrir heima­
menn eftir rúmlega tuttugu mín­
útna leik. Rétt fyrir hálfleik varð
Númi Steinn Hallgrímsson fyrir
því óláni að skora sjálfsmark fyr­
ir Árbæ og staðan í hálfleik því 2­1
fyrir Skallagrími.
Elís Dofri G. Gylfason kom
Sköllunum í 3­1 á 58. mínútu
en Pape Mamadou Faye hleypti
spennu í leikinn þegar hann skoraði
fyrir Árbæ fjórum mínútum síðar.
Það var síðan Sergio Fuentes Jorda
sem tryggði sigur Skallagríms með
fjórða marki Skallagríms sjö mín­
útum fyrir leikslok og lokastaðan
var góður sigur Skallagríms, 4­2.
Næsti leikur Skallagríms í
deildinni er Vesturlandsslag­
ur gegn Reyni Hellisandi þriðju­
daginn 24. maí á Ólafsvíkurvelli og
hefst klukkan 20.
vaks
Knattspyrnudeild Víkings í Ólafs­
vík hefur samið við spænska leik­
manninn Luis Romero um að leika
með liðinu í sumar. Í fréttatilkynn­
ingu frá Víkingi segir að hinn 23
ára Luis Romero sé eldfljótur og
fjölhæfur leikmaður sem geti leyst
nokkrar stöður framarlega á vellin­
um.
Romero hefur leikið víða á ferl­
inum og meðal annars verið í ung­
lingaliðum Real Madrid en var
síðast hjá AD Parla sem leikur í
spænsku fimmtu deildinni. Hann
er kominn með leikheimild og var
væntanlegur til landsins um síðustu
helgi.
vaks
Skallagrímur vann Árbæ í 4. deildinni
Það var bongóblíða í Borgarnesi í leiknum á mánudaginn. Ljósm. glh
Spænskur sóknarmaður í Víking
Louis Romero er nýr leikmaður Víkings. Ljósm. Víkingur Ólafsvík
Ragnar Leósson er kominn í Kára.
Ljósm. af FB síðu Kára
Ragnar Leósson genginn til liðs við Kára
Byrjunarlið Kára gegn KFS. Ljósm. Kári
Kári með sigur í
fyrsta heimaleiknum
Markalaust jafntefli
hjá Víkingi Ólafsvík
Skagamenn töpuðu gegn KA
Alexander Dayvey í loftköstunum í leiknum gegn Val. Ljósm. Lárus Árni Wöhler