Skessuhorn - 18.05.2022, Blaðsíða 23

MIÐVIKUDAGUR 18. MAÍ 2022 23
Pennagrein
Dagana 25. til 27. maí nk. verð­
ur haldin alþjóðleg ráðstefna í
Snorrastofu í Reykholti um banda­
ríska heimspekinginn og rithöf­
undinn Henry David Thoreau. Ber
hún yfirskriftina „Thoreau and the
Nick of Time“. Viðburðurinn hef­
ur verið á dagskrá Snorrastofu frá
vorinu 2020, en ítrekað verið fre­
stað vegna farsóttarinnar.
Thoreau er einn þekktasti rithöf­
undur og heimspekingur Banda­
ríkjanna fyrr og síðar. Hann var
áhugasamur um Snorra Sturluson
og vitnaði ítrekað til hans í verkum
sínum, aðallega dagbókum. Thor­
eau er annars hvað þekktastur fyrir
bókina Walden, sem er lykilverk á
sviði náttúruheimspeki og náttúru­
verndar. Kom bókin út á vegum
bókaútgáfunnar Dimmu árið 2017
í einstaklega vandaðri þýðingu
Elísabetar Gunnarsdóttur og Hild­
ar Hákonardóttur. Þá er Thoreau
ekki síður þekktur fyrir kenningar
sínar um borgaralega óhlýðni og í
því sambandi var hann fyrirmynd
manna eins og Mahatma Gandhi
og Martin Luther King.
Ráðstefnan er undirbúin í sam­
vinnu The Thoreau Society,
stærstu samtök Bandaríkjanna um
einstakan rithöfund. Fer hún fram
í tveimur málstofum, í Hátíðarsal
og bókhlöðu. Fyrirlesarar verða 37
talsins og koma þeir og aðrir gestir
frá tíu löndum. Margir af fremstu
Thoreau­sérfræðingum heimsins
taka þátt.
Ráðstefnan er opin öllum og er
aðgangur ókeypis. Sjá nánar á www.
snorrastofa.is. Uppbyggingarsjóð­
ur Vesturlands er meðal þeirra sem
styðja viðburðinn.
-fréttatilkynning
Ráðstefna um
Henry David Thoreau í Snorrastofu
Í síðustu viku var undirrituð
viljayfirlýsing um uppbyggingu
græns iðngarðs byggðum á
hringrásarhugsun á Grundartanga
í Hvalfjarðarsveit. Að þessu kröft­
uga verki standa Þróunarfélag
Grundartanga, fimm sveitarfélög,
Faxaflóahafnir og 15 öflug fyrir­
tæki. Verndari verkefnisins er Guð­
laugur Þór Þórðarson, umhverfis­,
orku­ og loftslagsráðherra.
Munar um minna
Í dag eru um 20 stór og smá iðn­
og þjónustufyrirtæki á Grundar­
tanga sem veita yfir 1.100 manns
atvinnu. Rekja má um 2.000 afleidd
störf til starfsemi svæðisins. Þessi
samsteypa eru langstærstu vinnu­
veitendur Hvalfjarðarsveitar og
Akraness. Tvö stærstu fyrirtækin,
Norður ál og Elkem Ísland, greiða
laun og kaupa þjónustu fyrir rúm­
lega 23 milljarða króna á ári. Munar
nú um minna.
Atvinnusvæðið var byggt upp í
sameiningu kröftugra fyrirtækja og
framsýnna sveitarfélaga. Til frek­
ari framfaraskrefa var Þróunarfé­
lag Grundartanga stofnað 2016. Að
því standa Hvalfjarðarsveit, Borgar­
byggð, Skorradalshreppur, Akra­
neskaupstaður, Reykjavíkurborg og
Faxaflóahafnir. Það sameinar krafta
sveitarfélaganna, Faxaflóahafna og
fyrirtækja til að skapa öflugt sóknar­
svæði og þróa vaxtarmöguleika.
Þróunarfélagið
til framfara
Þróunarfélagið hefur síðasta árið
unnið að þróun Grundartanga­
svæðisins sem græns iðngarðs með
hringrásarhugsun að leiðarljósi.
Í því felst að mótuð verði sjálf­
bærniumgjörð fyrir svæðið og upp­
bygging hringrásarhagkerfis með
fjölnýtingu auðlinda að leiðarljósi.
Uppbygging græns iðngarðs
styður við sjálfbærni með inn­
leiðingu félagslegra, efnahagslegra
og umhverfisvæn sjónarmið í
skipulagi, stýringu og framkvæmd.
Ávinningur verkefnisins er í takt
við stefnu stjórnvalda og sveitarfé­
laga um að þróa hringrásarhagkerfi
og styður við aðgerðaráætlun í loft­
lagsmálum.
Af hverju
Grundartangi?
Grænn iðngarður á Grundartanga
hefur alla burði til að geta orðið
leiðandi á heimsvísu með áherslu á
sjálfbærni, fjölnýtingu auðlinda og
innviða í gegnum hringrásarhag­
kerfi. Þar liggja mörg tækifæri í
að minnka áhrif loftslagsbreytinga,
auka skynsama hráefnanotkun,
koma á fjölnýtingarverkefnum og
bæta frekar endurheimt auðlinda.
Í fyrsta lagi nær Grundartanga­
svæðið yfir landssvæði með sam­
eiginlegt aðalskipulag. Það auð­
veldar framþróun svæðisins. Í ann­
an stað kemur rafmagn til svæðisins
frá endurnýjanlegum auðlindum. Í
þriðja lagi eru afurðir Grundartanga
ýmist endurvinnanlegar eða lífræn­
ar og falla vel að hringrásarhugsun.
Aukaafurðir svæðisins eru vel nýttar
í efna­ og byggingariðnað. Í fjórða
lagi skiptir miklu að helstu þátt­
takendur hringrásargarðsins eru
jákvæðir gagnvart verkefninu og
geta lagt til þess með margvísleg­
um hætti.
Margþættur árangur
fólks og fyrirtækja
Ávinningur þessarar vegferðar mun
skila sér m.a. í spennandi umhverfi
fyrirtækja sem hafa hug á að nýta
tækifæri í sjálfbærni og taka þátt í
uppbyggingu svæðisins til framtíð­
ar. Auk þess er þróunin í samræmi
við aðgerðaráætlanir yfirvalda í
loftslagsmálum og stefnu í átt að
hringrásarhagkerfi.
Fyrir þátttakendur í
hringrásarhagkerfi svæðisins liggur
ávinningur til skemmri tíma í meiri
hagsæld, auknum tekjum, sparnaði
og lægri framleiðslukostnaði.
Umhverfisáhrif lágmörkuð, auð­
lindanotkun minnkar sem og los­
un óæskilegra efna. Auk betri nýt­
ingu hráefna svo sem vatns, orku og
annarra efna.
Minni mengun - Meiri
nýtni
Grænum iðngarði er ætlað að minnka
losun mengunar og gróðurhúsaloft­
tegunda, um leið og úrgangur lág­
markast sakir aukinnar hringrásar.
Það þýðir betri stýringu umhverfis,
félagslegra og fjárhagslegrar áhættu.
Aukin heldur ætti þetta að opna á
aðra markaði, og möguleika fjölgun
vörutegunda og þjónustu sem laðar
að nýja viðskiptavini.
Við grænan iðngarð byggðan
á hringrásarhugsun fjölgar störf­
um með aukinni áherslu á heilsu og
öryggi starfsfólks.
Til lengri tíma bætir það ímynd
með jákvæðri umfjöllun. Öflugir
starfskraftar laðast að og nýir fjár­
festar. Þá dregur úr rekstrar­ og
ímyndar­ og orðsporsáhættu. Þessi
vegferð er einnig líkleg til að auka
aðgengi að styrkjum og grænni fjár­
mögnun. Eftir standa samkeppnis
hæfari fyrirtæki og styrkara samfé­
lag.
Viljayfirlýsingin er mikilvæg fyrir
framtíðaruppbyggingu athafnalífs á
Grundartanga. Hún veit á gott fyrir
íbúa nærliggjandi sveitarfélaga sem
og framtíðarkynslóðir.
Björgvin Helgason.
Höf. er oddviti Hvalfjarðarsveit-
ar og varaformaður Þróunarfélags
Grundartanga.
Ólafur Adolfsson.
Höf. er formaður Þróunarfélags
Grundartanga og bæjarfulltrúi á
Akranesi.
Grænn iðngarður
rís á
Grundartanga
Sigrún Helgadóttir framkvæmdastjóri Norðuráls staðfestir vilja til þátttöku í
uppbyggingu á grænum iðngarði.
Stjórn Þróunarfélag Grundartanga. Frá hægri: Ólafur Adolfsson stjórnarformaður Þróunarfélagsins, Gunnar Tryggvason
hafnarstjóri Faxaflóahafna, Linda Björk Pálsdóttir sveitarstjóri Hvalfjarðarsveitar, Sævar Freyr Þráinsson bæjarstjóri Akra-
neskaupstaðar, Guðlaugur Þór Þórðarson ráðherra verndari verkefnisins, Þórdís Sif Sigurðardóttir sveitarstjóri Borgarbyggð-
ar, Árni Hjörleifsson oddviti Skorradalshrepps, Þorsteinn Gunnarsson borgarritari Reykjavíkur.
Það er við hæfi að sérstakur verndari verkefnisins sé Guðlaugur Þór Þórðarson
umhverfis-, orku og loftlagsráðherra.