Skessuhorn - 08.06.2022, Side 11
MIÐVIKUDAGUR 8. JÚNÍ 2022 11
Í nýliðnum maí lönduðu 611 bát-
ar samtals 3.672 tonnum á strand-
veiðum og aflinn hefur aldrei ver-
ið meiri í einum mánuði frá upp-
hafi strandveiða 2009. Gefin hafa
verið út 644 leyfi fyrir sumar-
vertíðina. Á vef Landssambands
smábátaeigenda kemur fram að
þorskur var 3.293 tonn í maí, sem
er aukning um 699 tonn milli ára.
Fimmtudaginn 30. maí var landað
373 tonnum á strandveiðum, sem
er dagsmet. Fyrra metið var sett
28. júní á síðasta ári, þegar strand-
veiðibátarnir lönduðu 367 tonnum.
Á öllum strandveiðisvæðum jókst
afli milli ára. Hlutfallslega mest á
svæði D svæði um 46% og munar
þar mest um góðan ufsaafla. Áætl-
að aflaverðmæti var 1.347 milljón-
ir króna í mánuðinum, sem er mik-
il hækkun frá síðasta ári þegar afli
í maí gaf um 755 milljónir í verð-
mæti, segir á vef LS.
Á svæði A, sem nær frá Borgar-
byggð til Súðavíkur, var aflakló-
in Stefán Jónsson á Grími AK
aflahæsti skipstjórinn í maí, en
hann landaði alls 15.771 kílóum
á Arnarstapa. Tveir bátar voru þó
aflahærri yfir landið, báðir á D
svæði, eða Nökkvi ÁR sem landaði
17.763 kg og Dögg SF sem land-
aði 16.003 kg. Á svæði A var Kolga
BA með næstmestan afla, landaði
12.758 kílóum, Doddi SH 12.481
kg. og Heppinn AK 12.254 kg. All-
ir aflahæstu bátarnir á svæði A fóru
í tólf róðra í mánuðinum.
Góð veiði heldur áfram fyrstu
dagana í júní því samkvæmt lista
á hafnarskúrnum á Arnarstapa
lönduðu 30 bátar þar 1. júní og
voru allflestir þeirra með fullan
dagsskammt af þorski, en auk þess
með töluvert af ufsa og lítið eitt af
karfa að auki. Og viti menn; Grím-
ur AK landaði mestum afla þann
dag; 789 kg af þorski og 330 kg. af
ufsa.
mm
Grímur AK aflahæstur á A svæði og þriðji yfir landið
Árni Freyr Stefánsson með tvo rígvæna
ufsa um borð í Grími AK.
Ljósm. aðsend.
Stefán Jónsson á Grími AK landaði mestum afla á A svæði í maí. Með honum við veiðarnar nú er sonur hans Árni Freyr sem er
að læra á tækin og miðin af föður sínum og þykir efnilegur. Ljósm. úr safni/kgk
Árni Þór að veiðum í gærmorgun. Símamynd/sj.
Bílás, Smiðjuvöllum 17, 301 Akranes www.bilas.isbilas@bilas.is 431 2622 Við tökum vel á móti þér...
Mikið úrval af nýjum og notuðum bílum
Það kostar ekkert að skrá bílinn hjá okkur
Bjóðum gott pláss á bílaplani Bíláss fyrir sölubíla
Við erum umboðsmenn fyrir bílaumboðin Öskju og Heklu
Mikil sala
og gott kaffi
Við erum með bílinn fyrir þig!