Skessuhorn - 08.06.2022, Qupperneq 45
MIÐVIKUDAGUR 8. JÚNÍ 2022 45
Ég hef alla tíð haft mikinn áhuga
á sjávarútvegsmálum enda kannski
ekki skrítið búandi á Vestfjörðum
þar sem birtingarmynd af rang-
læti kvótakerfisins hefur verið hvað
sterkust í gegnum árin og voru
þættirnir um Verbúðina að rifja
ágætlega upp þá sögu.
Stórir samráðshópar
Ég fór í mikla þverpólitíska vinnu
á síðasta kjörtímabili við að gera
breytingar á strandveiðikerfinu
ásamt ýmsum ráðstöfunum sem
gögnuðust sjávarbygggðunum og
minni útgerðum og hefði gjarnan
viljað að haldið yrði áfram á þeirri
braut. Ég þekki vel til vinnu í stór-
um samráðshópum um fiskveiði-
stjórnarkerfið eins og þeirri sem
sett var á fót árin 2009 til 2012 þar
sem útkoman var fjöldi sérálita og
bókana og frumvarp sem endaði í
skrúfunni í lok kjörtímabilsins.
Hverjir vilja
engu breyta
Það eru ekki bara stórútgerðirnar
sem vilja engar breytingar á fisk-
veiðistjórnarkerfinu heldur eru það
líka fjármálafyrirtækin sem setja
stólinn fyrir dyrnar með veðsetn-
ingu í auðlindinni. Þetta vitum við
sem höfum setið í slíkum nefnd-
um og glímt við þessi mál á þingi.
Ég hefði gjarnan viljað sjá að nýttar
væru allar þær skýrslur og upplýs-
ingar sem nú þegar liggja fyrir með
aðkoma allra flokka og ótal sér-
fræðinga og hafist yrði handa við að
gera þær breytingar strax sem blasir
við að gera þurfi.
Hefjast handa á fyrir-
liggjandi upplýsingum
Þar má nefna t.d. að koma útgerð-
um undir kvótaþakið og nýta og
efla félagslega hluta kerfisins mark-
visst til þeirra sem því var ætlað
að nýtast í upphafi, taka á endur-
vigtun, brottkasti og kvótabraski,
að þeir borgi veiðigjöld sem leigi
frá sér kvóta og koma á leigupotti
ríkisins fyrir kvótalitlar útgerð-
ir eða kvótalausar og skylda hluta
afla á uppboð á fiskmarkaði og að
innlendar fiskvinnslur hafi forgang
í að bjóða í fisk sem seldur er óunn-
inn úr landi svo tekin séu nokkur
brýn dæmi. Því miður er það lenska
í íslenskum stjórnmálum að ætla
alltaf að finna upp hjólið í stað þess
að skipta strax um þá hlekki í keðj-
unni sem ónýtar eru.
Sporin hræða
Sporin hræða um útkomu úr stór-
um nefndum um heildarendur-
skoðun á fiskveiðistjórnarkerfinu
þó markmiðin séu göfug þá eru þau
vörðuð ótal pyttum og ekki miklar
líkur á að hægt verði að komast að
sameiginlegri niðurstöðu um hvað
þarf til svo skapa megi meiri sátt
um fiskveiðistjórnarkerfið til fram-
tíðar, nema að það yrði þá minnsti
samnefnari sem litlu skipti eða ein-
göngu hækkun veiðigjalda og engin
kerfisbreyting.
Tíminn til aðgerða er
skammur
Tíminn er takmörkuð auðlind og
brýnt er að nýta hann vel í þágu
þeirra sem órétti eru beittir í rang-
látu kvótakerfi sem er að festa sig
enn betur í sessi eftir því sem árin
líða. Tryggja þarf atvinnurétt og
atvinnuöryggi íbúa sjávarbyggð-
anna og koma í veg fyrir enn meiri
samþjöppun í greininni og auð-
söfnun fárra. Tryggja þarf sameign
þjóðarinnar í stjórnarskrá og að
greinin skili þjóðinni sanngjarnri
rentu af sameiginlegri auðlind með
sjálfbærri nýtingu að leiðarljósi.
Lilja Rafney Magnúsdóttir
Höf. er varaþingmaður VG í
Norðvesturkjördæmi.
Pennagrein
Tíminn er
takmörkuð auðlind!
Í Brekkubæjarskóla á Akranesi var
síðastliðinn fimmtudag Karnival-
-hátíð í tilefni komandi sumar-
leyfis. Þar mættu nemendur og
kennarar í litríkum búningum og
skemmtu sér saman með skrúð-
göngu, leikjum og öllu tilheyrandi.
Árgangar nemenda röðuðu sér í
halarófu ásamt kennurum á Akra-
torgi þaðan sem skrúðgangan hélt
af stað en trommusveit leiddi litríku
hersinguna að grunnskólanum. Við
skólann gátu nemendur svo flakk-
að milli stöðva og leikið sér við
ýmislegt. Í boði var að blása sápu-
kúlur, fara í limbó, kasta blautum
svömpum, húlla, spila boltaíþróttir
og margt fleira auk þess sem kveikt
var undir útigrillum og öllum gefið
í svanginn. Útskrift 10. bekkjar fór
svo fram síðdegis og formleg skóla-
slit voru á föstudaginn. Nemendur
genga því kátir í sumarfrí eftir vel
heppnaða sumarhátíð.
sþ
Karnival í Brekkubæjarskóla
Trommuleikarar leiddu skrúðgönguna frá Akratorgi að Brekkubæjarskóla.
Kúrekar og aðrar fígúrur blésu sápukúlur.
Hawaiískar dömur á sápukúluvaktinni.
Leikskólabörn komu í heimsókn.
Allskyns fígúrur skemmtu sér.
Húllað og hlegið.Krakkarnir spreyttu sig á limbó.
Hressar kýr við mjaltir.
Allur er varinn góður.